الجذع عندي وعند الناس له منزل وقيمه=خابرينه من كبار الرؤس والباقي تحتها
يا زبيده علمينّا عن سوالفك القديمه=العرب قامت تخمّخمّ ثمّ جابت سالفتها

الجذع لو جاك يا مرزوق ذبيت الخريمه=والنعامه ما بها الا يا ولد طول ارقبتها
أنت يا الصاحب غنيمه ما تحصل لك غنيمه=عندك زبيده وتعطيك العلوم بمعرفتها

والله إنّي ما بديت إلا ونياتي سليمه=مير بقعا تال الأيام ياسرع احركتها
بارك الله فالرسول وبارك الله في حليمه=كم يتيمٍ لا نطوى بطنه من العيشه حشتها

نعرف المضمون ونعرف الدروب المستقيمه=المرور اله انظمه وانتم تعرفون انظمتها
العلوم اصناف واكثرها عواقبها وخيمه=والغشيم اللي يغض العين عنها ما لفتها

من يعكس السير يأخذ من حكومتنّا قسيمه=ليّن يعرف صادر الدعوى ويعرف واردتها
لا تذم الخير وحنّا نمسح دموع اليتيمه=بعد وإنّ التجربه في ماضي الدنيا شوتها

أنت تبطي يا الصواط اليوم عن حرف الوسيمه=استمع قول العوارف لين تعرف قاعدتها
كانها عافت لذيذ الزاد يا جعله حريمه=أنت في صدرك علومٍ والمعاني ما غزتها

الجذع قام يتلوى ما يبي الكفّ الكريمه=وإنّ ذبحنّا رأسها جيناّ على صحن مرقتها
ما خبرنّا لك شدادٍ تملكه في ظهر ريمه=جيت ضاوي والعرب عشت من فيض بركتها