المجلس..عبدالخالق بن هلال النفيعي العتيبي

[بعيـد المرامع]

قصيدة المجلس

دعى الشاعر عبدالخالق بن هلال النفيعي العتيبي احد الاصدقاء فلبى دعوته
فلما حضر للمجلس تفاجئ بوضع المجلس حيث كان قسم من الحضور يلعبون البلوت والقسم الاخر اما ان يتصفح ويقرأ الجرائد او يخافت بالحديث من هو بجواره..
فجادت قريحته واصفا مآلت اليه الكثير من المجالس في ايامنا هذه..
بهذه الابيات

يـــاالله تـرحـمـنـا وتـلـطــف بـحـالـنـا = تلـطـف بـنـا طــول السنـيـن المـديـده
ياللي خلقت الكون والشمس والقمر = وبامـرك تـهـون الكـايـدات الشـديـده
الأدمــي مـالـه عــن امــرك منـاجـي = لويختفـي جـوف القـصـور المشـيـده
وكـم واحـد أصحابـه يحولـون دونــه = ولاردوا الـسـهـم الـلــي الله مـريــده
يقولـه ابـن هـلال مـن هـيـض بـالـه = والمـعـرفـة تـنـقـاد مــاهــي عـنـيــده
يالـلـي تـحـبـون الـشـعـر والمـعـانـي = الشـعـر الــه عـمـه وابــوه وحفـيـده
مير اسمعوا للقصة اللي مضـت لـي = قاسـيـتـهـا بـالـفـعـل جـتـنــي ولــيــده
دخلـت فـي مجلـس مفـرش وممـتـاز = وفيـه الرجـال اهـل الثـيـاب الجـديـده
بـادلـتـهـم بــــاول ســـــلام وتـحــيــة = وجلسـت معهـم قلـت فرصـة سعيـده
لـعـلـي امـتــد الـسـوالــف وامــدهــا = يـفـيـدنــا الـعــاقــل وحــنـــا نــفــيــده
والمعـرفـة مــع كــل طـيــب تـجــاره = والرجل هرجـه يخبـرك عـن رصيـده
لــكــن لله الـعــجــب خـــــاب ظــنـــي = كـــل ثـنــى راســه يـخـافـت قـعـيــده
واما اربعة منهم علـى لعبـة الـورق = والخامـس الحـالـه ويـقـراء جـريـده
وانــا عـلـى مـركـاي جـالـس وفـكـر = راحـــت سوالـفـنـا الـثـقـال الـفـريـده
اليـا جلسـتـم فــي مجـالـس ربوعـنـا = كبـو اعلـوم اهــل الــردى والمكـيـده
جيبـوا حديـث وجيبـوا آيــه وسالـفـه = وتعـلـمـو ا كــــل الـعـلــوم الـمـفـيـده
والـيـا ابـتـدا عـاقــل بـقـصـه جمـيـلـه = لاتــذهــب ادراج الــريــاح الـعـنـيـده
لـبــوا لــهــا بقـلـوبـكـم واحـفـظـوهـا = فرصـه لااهـل العقـول الرشـيـده
وكم واحـد قلبـه وعينـه كمـا الصقـر = دمــه خفـيـف ويحـتـرك فــي وريـــده
الـيــا تـكـلـم قــلــت قـلـبــه مـسـجــل = واليـا صمـت ماتـعـرف الـلـي يـريـده
تلـقـى القـبـايـل مايـمـلـون مجـلـسـه = تـوحـيــد ودنــيــا وديـــــن وعـقــيــده
الـيـا حـضـر قـالـوا هـــلا مرحـبـابـه = وانـغـاب عنـهـم تـعـرف إنــه فـقـيـده
وكم واحـد فـي الارض تاجـر نميمـه = يــردف لعـلـم الـنــاس زور ويـزيــده
يـقـول قـالــوا فـيـكـم وقـلــت عـنـكـم = نــمــام كـــــذاب وحـيــاتــه زهــيـــده
عسـاه ماهـو فــال لـطـوال الإيـمـان = الـلــي علاقـتـهـم صحـيـحـه وطـيــده
والظفـر مـن طبـعـه يـحـب الجمـايـل = يخـدمـك كـنـك مـثـل عـمــه وسـيــده
تعـودت نفسـه علـى الصـدق والوفـا = والـكـايــدات إن نــوخــت مـاتـكـيــده
إلـيـا دعيـتـه قــال سـعـدك واجـابــك = واليـا أنقضـى شانـك سعـوده وعيـده
يـفــرح ليـامـنـه خــدمــك وسـعـالــك = يـغــار فـــي جـــاره ويـكــرم حـديــده
والنـذل مــع ربـعـه يـحـب المشـاكـل = الفـتـنـة اخـطـامـه ورسـنــه وقــيــده
ماينتهـي عنـهـا ولــو كــان تنصـحـه = عـايـش عليـهـا مــن سنـيـن عـديـده
يـــارب تـهـديـه وتـثـيـبـه وتـصـلـحـه = حـتـى تسـيـر أريـــاه زيـنــه سـديــده
هــذا وانــا تـركـت بـعـض المـعـانـي = عسـى المسـاعـي يالنشـامـا حمـيـده
والرمـح مـاهـو صنـعـت الخـيـزران = والسيف مايصنع من اطـرف حديـده
والـحــر حـــر ويـكـتـفـي بــالاشــارة = والصقـر يعـرف كيـف يحـتـل صـيـده
ولانـي وراء الأجـواد باحـث سرايـر = العـاقـل أخـبـر فــي علـومـه وفـيــده
وصــلاة ربــي عـــد وبـــل المـخـايـل = وعــــداد مـانـخــل تـمـايــل جــريـــده
علـى محمـد خيـر خلقـه مـن المـلاء = واكرم نبي مرسل وصفوة عبيده

الشاعر... عبدالخالق بن هلال النفيعي العتيبي

التوقيع

تنويه ..وتنبيه ..مرامعي.. لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع لذا أود التنويه .. بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً.. B3EED_MRAM3@HOTMAIL.COM