[بعيـد المرامع]

الغالي والعالي ..وصاحب القلم الرائع ..الشهاب ..
ازدادت المشاركه جمالا بمرورك يالغالي ..

وانا معك بأن الظروف ..تغيرت .. ولكن هذا لايعني ان تتغير او تنسي العلوم الطيبه ...
وبما ان الشئ ..بالشئ يذكر ..
او على قولت ربعنا .. طراه القصيده وموضوعها ..
فالمجلس ..له ادآب ..وحقوق ..ودور فعال وارشادي هام .. ولست بصدد ذكرها الان..
ولكن المجلس والتغيير اللي ذكره الاخ الشهاب ..
ذكرني بقصه ذكرها لي احد الاصدقاء ..مره
يقول الاخ ...
اتصل بي صديق قديم اسمه محمد ...وزميل دراسه .. ولي فتره ليست بالقصيره ..ماتشرفت بلقائه ..
فذكرلي محمد انه قابل احد الاصدقاء القدامى .. مصادفه ..وبعد دردشه .. وحب وكب .. عزمني واصر والح عليه ووصاني عليك اننا نجتمع انا وانت عنده الجمعه الجايه .. للعشاء .. وبيحاول ايضا يتصل بزملاء الدراسه السابقين .. ونجتمع كلنا..
فقال الاخ .. لزميله محمد .. موافق ..واهي فرصه الواحد ..يقابل زملاءه اللي ابتعد عنهم ..بسبب الحياه ومشاغلها ( الله لايشغلنا الا بطاعته)..
فيقول اجتمعت انا ومحمد ..وذهبنا لزملينا في مجلسه ..
ولقينا الزملاء القدامى سبقونا و حضروا عنده .. فيقول الاخ .. ففرحت ايما فرح بلقائهم ..
وبعد السلام والسؤال عن الاحوال .. فاذا باحد الاصدقاء ..يطوح بالصوت قائلا .. فلاان ..بالله عجل علينا بالعشاء ..قبل لايبدأ..برنامج استار اكادمي ...
فرد راعي المحل .. ولايهمك ..محرص عليهم ..ومأكد ....فلا تشيل هم ..
فاصبح حديث المجلس .. عن ستار اكادمي ..
فيقول الاخ ..كانت هذه بالنسبه لي ... الصدمه الاولي ..
وبعدها .. صوت المنادي .. اقلطو على العشاء .. وتعشينا وعينا خير ولله الحمد ...
وبعد وليمه العشاء
قلت في نفسي الان ..ياجب على اغير مسار الحديث ..وارفع من قيمة المجلس ..بسالفه من السوالف اللي الواحد يذخرها لمثل هالمجالس ...
وتطلق وجه قا يلها .. وتفيد سامعها ..
فابديت بها .. واثناء كلامي .. قاطعني احد الحضور ..قائلا ..بالله يا فلااان حط على ال بي سي .. هالحين بيبدا ستار اكاديمي... ونشوف من يطلع (نمونيه الليله) ..وان شالله يطلع فلان ..وتبقي علااانه ..
وكانت هذه الصدمه الثانيه ..والتغيير اللي حصل على عقول هالشباب

ونمونيه ..للي مايعرف معناها .. هو يطرح مشاركين في هالبرنامج اللااخلاقي .. ويتم التصويت لااستبعاد احدهم ..
ويطلق على المستبعد ..نمونيه ..هذا ان كان ابومرامع فاهم صح

ويواصل الاخ ... قائلا.. ان راعي المحل رد ..وقال ابشر هالحين احط عليه.. والله يسمع منك وتبقي علاانه ..
فيقول بصراحه ذهلت ..من الوضع الحاصل .. واخذت التفت يمين وشمال ... ولا اللي في اقصي الشمال يهاتف بالتليفون ... والادهي من هذا كله .. طلع يصووت لصالح علااانه ..

فيقول الاخ .. عندها التفت وقلت قمنا يا محمد وانا اتميز من الغيض وقلت...
يالله نطلع حنا برظو..من ذا المجلس ..نمونيه.... افضل ..
ونتركه ..لستار اكادمي .. ولعلااانه وجمهورهــــا...
وخرجت من الملهى ... اللي كنت احسبه ... مجلس ..رجال ..وعلوم طيبه..

واخيرا
اسف على الاطاله ... يالربع
والله يستر .. من مقبلات الليالي


بعيد المرامع
...

التوقيع

تنويه ..وتنبيه ..مرامعي.. لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع لذا أود التنويه .. بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً.. B3EED_MRAM3@HOTMAIL.COM