ما تطيح النجوم ولا يطيح المظلي

[المثالي]

راشد السحيمي



قالوا العازمي والعازمي صاحب ٍ لي
مير لساع ما بيني وبينه ميانه
اذكر اني بغيت اذبحك وانته تصلي
كلها من مروجت الحكي والبطانه



حبيب العازمي



فيه مر ٍ يضر وفيه حلو ٍ يحلي
جعل راشد يجرب ما يريد بلسانه
ما رفعت العصى فوق البعير المفلي
كيف تذبح رفيقك يا قليل الديانه


راشد


الحلاوه نعم خل المراره تولي
انت ما ينكبك فالوقت غير اللعانه
لا تدور سلاح الا السلاح المحلي
وانت عدك من البندق ليا الخيزرانه



حبيب



قلت الك كان عندك علم عجل وقلي
وانت تاخذ شوي ودقت الاسطوانه
ما تطيح النجوم ولا يطيح المظلي
والطرب والغضب مع فرقة البرتكانه


راشد




قلت الك حط يدك بيدي واجيك كلي
بس احذرك لا ترقص على ليلا دانه
كان ظلك قصير وهالسنه طول ظلي
واخر الوقت يرجع كل شي بمكانه




حبيب




الجمل صار خرجه من زمان متدلي
ودي اهرج معك لكن ما انت بتكانه
طبعنا ما نعيل وطبعنا ما نزلي
غاب عنا الكبير وحاسبونا خوانه



راشد


اول الوقت ارحب بالعوازم واهلي
واخر الوقت جات من العوازم خيانه
ويش تسمع من علوم العرب وش تخلي
كل واحد يقول انه مصيبة زمانه

[المثالي]

اذكر اني بغيت اذبحك عدل يا راع الصلاحيه

[الجوراسي]

ما رفعت العصى فوق البعير المفلي
كيف تذبح رفيقك يا قليل الديانه


محاورة جميلة جدا

لاهنت يالمثالي على كتابتها

[فارس بن روق]

الله يبيض وجهك ياشيخ انت من وين تجيب هالمحاوراة الرائعه

احترامي لذوقك والله انك بطران

[ابو فايح]

السحيمي
اذكر اني بغيت اذبحك وانته تصلي **كلها من مروجت الحكي والبطانه

حبيب العازمي



ما رفعت العصى فوق البعير المفلي **كيف تذبح رفيقك يا قليل الديانه



المحاوره معناه رائع جدا حسب ما يبدو لي وألعتقد أنها سياسيه من الدرجه الاولى

المثالي (السحيمي يقول (اذكر ) او (يذكر ) لان اعتقد انها الثانيه تاكد الله لايهينك

مميز فيما تطرح يالذيب واصل ابداعك

التوقيع

عالم تويتر abofayeh@

[المثالي]

لاهنتوا ع المرور المشرف


وانا متأكد يا ابو فايح انها اذكر ..


تحياتي لك

[علي الشهراني]

استمر استمر يا المثااالي




سجلني من متاابعي ما تنقل

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[المثالي]

الشهراني


متابعتك تعبتر محفز لي للاستمرار لاهنت

[فهد الزهراني]

بارك الله فيك كل محاوراتك رائعة

لاهنت على جهودك

[حسن إبراهيم الدجيماء]

نعم نعم ,, اسم على مسمّى يالمثالي ,,

شعرااء كبار وتحليل كبير يابوفايح ,,

في انتظار القادم يالمثالي ,,

//

إحترااامي ..!!!