ما تطيح النجوم ولا يطيح المظلي
 

راشد السحيمي



قالوا العازمي والعازمي صاحب ٍ لي
مير لساع ما بيني وبينه ميانه
اذكر اني بغيت اذبحك وانته تصلي
كلها من مروجت الحكي والبطانه



حبيب العازمي



فيه مر ٍ يضر وفيه حلو ٍ يحلي
جعل راشد يجرب ما يريد بلسانه
ما رفعت العصى فوق البعير المفلي
كيف تذبح رفيقك يا قليل الديانه


راشد


الحلاوه نعم خل المراره تولي
انت ما ينكبك فالوقت غير اللعانه
لا تدور سلاح الا السلاح المحلي
وانت عدك من البندق ليا الخيزرانه



حبيب



قلت الك كان عندك علم عجل وقلي
وانت تاخذ شوي ودقت الاسطوانه
ما تطيح النجوم ولا يطيح المظلي
والطرب والغضب مع فرقة البرتكانه


راشد




قلت الك حط يدك بيدي واجيك كلي
بس احذرك لا ترقص على ليلا دانه
كان ظلك قصير وهالسنه طول ظلي
واخر الوقت يرجع كل شي بمكانه




حبيب




الجمل صار خرجه من زمان متدلي
ودي اهرج معك لكن ما انت بتكانه
طبعنا ما نعيل وطبعنا ما نزلي
غاب عنا الكبير وحاسبونا خوانه



راشد


اول الوقت ارحب بالعوازم واهلي
واخر الوقت جات من العوازم خيانه
ويش تسمع من علوم العرب وش تخلي
كل واحد يقول انه مصيبة زمانه

اذكر اني بغيت اذبحك عدل يا راع الصلاحيه

ما رفعت العصى فوق البعير المفلي
كيف تذبح رفيقك يا قليل الديانه


محاورة جميلة جدا

لاهنت يالمثالي على كتابتها

الله يبيض وجهك ياشيخ انت من وين تجيب هالمحاوراة الرائعه

احترامي لذوقك والله انك بطران

السحيمي
اذكر اني بغيت اذبحك وانته تصلي **كلها من مروجت الحكي والبطانه

لاهنتوا ع المرور المشرف


وانا متأكد يا ابو فايح انها اذكر ..


تحياتي لك

استمر استمر يا المثااالي




سجلني من متاابعي ما تنقل

الشهراني


متابعتك تعبتر محفز لي للاستمرار لاهنت

بارك الله فيك كل محاوراتك رائعة

لاهنت على جهودك