كــــان..غــــــالـــي....

[نياف العتيبي]

اخواني اعضاء منتدى الهيلا

كل عام وانتم بخير

اضع بين ايديكم هذه المشاركه
عسى ان تنال اعجابكم

أختلفنـا فالبـدايـة والتـوالـي=كل واحـد عنـد رايـه مايسيبـه
كلنـا شعـبٍ يحبـون الجدالـي=نقتنـع لكًـن مانرضـى الغليبـه
كان غالي أشهد أنه كـان غالـي=من غلاة الروح معطينـه نصيبـه
يختبـر وده بقطعـه للوصـالـي=مادرى أنه بالجفا يذبـح صويبـه
ياحسين الدل عندي لـك سؤالـي=ذي ثلاث شهور ادور من يجيبـه
وش يفيد الجوف كان الجوف خالي=دام قلبه في يدينـك ويـش ابيبـه
علمـي نيـاف يابنـت الحلالـي=هومتـى بالله ترديـن الذهيـبـه
هوعليه رسـوم ندفـع بالريالـي=أستلمها كاش عن رغبة وطيبـه
المهم أصيـر حـرٍ فـي حلالـي=لاشريـك ولاشويـر ولاطليـبـه
لـك علـيً اجـوده لوبالحبالـي=وأمنعه من حب ناسعـة الذويبـه
وأزجره وأقول يكفي مـا جرالـي=يكفي اللي فات ياكبـر المصيبـه
وعقبها لوجاك ولـع فيـه لالـي=طالبـك لاترحمـه زود لهيـبـه
مايعـود للخـبـال الا الخبـالـي=والقلوب الصاحيـه دايـم لبيبـه