أختلفنـا فالبـدايـة والتـوالـي=كل واحـد عنـد رايـه مايسيبـه
كلنـا شعـبٍ يحبـون الجدالـي=نقتنـع لكًـن مانرضـى الغليبـه
كان غالي أشهد أنه كـان غالـي=من غلاة الروح معطينـه نصيبـه
يختبـر وده بقطعـه للوصـالـي=مادرى أنه بالجفا يذبـح صويبـه
ياحسين الدل عندي لـك سؤالـي=ذي ثلاث شهور ادور من يجيبـه
وش يفيد الجوف كان الجوف خالي=دام قلبه في يدينـك ويـش ابيبـه
علمـي نيـاف يابنـت الحلالـي=هومتـى بالله ترديـن الذهيـبـه
هوعليه رسـوم ندفـع بالريالـي=أستلمها كاش عن رغبة وطيبـه
المهم أصيـر حـرٍ فـي حلالـي=لاشريـك ولاشويـر ولاطليـبـه
لـك علـيً اجـوده لوبالحبالـي=وأمنعه من حب ناسعـة الذويبـه
وأزجره وأقول يكفي مـا جرالـي=يكفي اللي فات ياكبـر المصيبـه
وعقبها لوجاك ولـع فيـه لالـي=طالبـك لاترحمـه زود لهيـبـه
مايعـود للخـبـال الا الخبـالـي=والقلوب الصاحيـه دايـم لبيبـه

المشاركة الأصلية كتبت بواسطة مروي العطاشا صح لسانك قصيدة جزلة من شاعر جزل

المشاركة الأصلية كتبت بواسطة ذيبان والقلوب الصاحيـه دايـم لبيبـه لله درك يا نيااف مبدع وصح لساانك مدد بلا عدد سلمت هالانامل اللي كتبت هالقصيده الرائعه سننتظر الجديد دائما اخوك ذيبان