سلام والترحيب ينصا المعازيب

[*النجـــــم*]

السلام عليكم ورحمة الله وبركاته


أحبتي في الله هذي أول محاولة لي في شعر المحاورة

والله يجملني معكم

دقيت باب العرف وإنفك بابه=سلام والترحيب ينصا المعازيب
ياأهل الشعر بالله سووا نقابه=النا على الجمهور بعض المطاليب

[سعد حميد الثبيتي]

من دق باب المعرفه مرحبابه= حييت بالمنطق وحسن الاساليب
حنا رجانا في ممثل عتابه= حلال فتال الامور المصاعيب

[*النجـــــم*]

اللي يشيل السم داخل جرابه=لا تأمنه لو كان يبدي لك الطيب
واللي يخالف للنبي والصحابه=ما حقه الا نرضخه بالمشاعيب

[رائد الكيرعاني القحطاني]

الله الله يالنجم

ما ظنتي ان ذي اول محاورة لك .......

بيض الله وجهك جزل

وصحت السنكم جميعا

[سعد حميد الثبيتي]

ولد الردى تعجبك سكبة ثيابه= لكن ما فقد ولا يعرف العيب
لكن بعض الناس ماينغزابه= يفضحك مابين الملا والاجانيب

[*النجـــــم*]

رائد


شرفني حضورك وشكرا لإطرائك


لك تحيتي

[*النجـــــم*]

ياذيب لا تصاحب يكود الذيابه=احذر تخاوي مصدقين الأكاذيب
الديك يذن لو علاه الجنابه=قاله بديوي والليالي تجاريب

آخر تعديل *النجـــــم* يوم 25-Feb-2010 في 12:00 PM.

[حسن إبراهيم الدجيماء]

الله اكبر ..

محاورة حكمااء . .

صحت الالسن والقلوب ..

مبدعين يالذيابة ..

متااابع ...!!

[سعد حميد الثبيتي]

هذا كلام الصدق مابه غرابه= وحنا توكلنا على عالم الغيب
البوم وكره في بيوت الخرابه= والصقر عانه في علو المراقيب

[فهد الشيباني]

الله الله

صحت الالسن

التوقيع

.. ارسم لنفسك حدود الخطوه المنظومه واحذر احذر لاتزل اقدامك وتاكلها الحياه الفانيه في ناظري معدومه كان ماحددت قمه للهدف تاصلها