دقيت باب العرف وإنفك بابه=سلام والترحيب ينصا المعازيب
ياأهل الشعر بالله سووا نقابه=النا على الجمهور بعض المطاليب

من دق باب المعرفه مرحبابه= حييت بالمنطق وحسن الاساليب
حنا رجانا في ممثل عتابه= حلال فتال الامور المصاعيب

اللي يشيل السم داخل جرابه=لا تأمنه لو كان يبدي لك الطيب
واللي يخالف للنبي والصحابه=ما حقه الا نرضخه بالمشاعيب

ولد الردى تعجبك سكبة ثيابه= لكن ما فقد ولا يعرف العيب
لكن بعض الناس ماينغزابه= يفضحك مابين الملا والاجانيب

ياذيب لا تصاحب يكود الذيابه=احذر تخاوي مصدقين الأكاذيب
الديك يذن لو علاه الجنابه=قاله بديوي والليالي تجاريب

هذا كلام الصدق مابه غرابه= وحنا توكلنا على عالم الغيب
البوم وكره في بيوت الخرابه= والصقر عانه في علو المراقيب