مرّت سنه والقلب (محرم وصايم)

[عبدالله بن طلال]

ابيات متواضعه ارجو ان تنال بعض القبول

مرّت سنه والقلب (مِحْرِمْ وصَايم) = يِخيلْ بَرْقْ الوصل حولِك ويمّكْ
أحيان جوّه عَجّ واحيان غايم = وحاديه وقته عن مواريد جمّكْ
ميّت على شوفك ومغرم وهايم = ودّه بقربك ، و إيتمنّى يضمّك
وإن طعتني دامه يردّ النسايم = (إلحق عليه) ان كان وضعه يهمكْ؟
ما عاد يسمع فيك ناصح ولايِم = اهل الدوادي و الكلامْ المنَمّكْ
انا و عذّالي ما غير إنتزايم = ولا أسمح لأحد منهم بكلمه يذمّكْ
وان قلت دلّوني على حلّ دايم = قالوا لي: (إنسه والعوض بنت عمّكْ)
متى على الله يصبح الحظ قايم = بقدرة كريم انه عليّه يلمّكْ
بأمره .. يسوقك من يسوق الغمايم = من بعد مانبدي على أبوك وأمّكْ
بالمال , وإن عيّوا , حَذفْنا العَمايم = تجي معي لازمك بأطراف كِمّكْ
نفرح بجمعة شملنا و إنتلايم = وننسى العذاب وكل همّي وهمّك
كنّي بيوم (النصْرْ) وأنت (الغنايم) = لاصِرت في بيتي .. بلحْمِك ودمّك

آخر تعديل عبدالله بن طلال يوم 16-Feb-2010 في 12:25 AM.

[عبدالرحمن العقيلي]

صح لسانك ياعبدالله

ابيات بعيدة عن التواضع راقيه جدا اهنئك واشكرك عليها

وتقبل مروري

[ابن صنهوت]

كنّي بيوم (النصْرْ) وأنت (الغنايـم)=لاصِرت في بيتي .. بلحْمِـك ودمّـك

الله يابو طلال جرحتني معك لاهنت وصح السانك مبدع يا مبدع

[سالم البرقاوي]

صح لسانك ابيات مؤثره وتقبل مروري

[محمد عويض الثبيتي]

صح لسانك وأبيض وجه

قصيد مترابطة ونص شعري جميل


شاعر كبير

تقبل مروري

[عبدالله بن طلال]

اخي الكريم/ عبدالرحمن العقيلي



صح بدنك ومشكور على المرور الراقي والاطراء الطيب



تحياتي لك

[عبدالله بن طلال]

شاعرنا القدير/ بن صنهوت



صح بدنك ولاهنت على المرور الجميل



تحياتي لك

[أبو فيصل الدلبحي]

الله الله الله


اولً

وشلونك يابو طلال ووشلون كل من يعز علاك

ثانيً

بحثت عن اقوى بيت ولاكن كلها قويه ومحبوكه

عبدالله بن طلال

شاعر يستحق من يبحث عن جديده

الله لايضرك ياعم


صح لسانك وفكرك الصافي

[ابو فايح]

صح لسانك كتبت فأبدعت

التوقيع

عالم تويتر abofayeh@

[عبدالله بن طلال]

اخي القدير/ سالم البرقاوي



صح بدنك ومشكور على مرورك الراقي



تحياتي لك