الدعاجين فروعهم

[نجد العرب]

السلام عليكم ورحمة الله وبركاته
اللي اعرفه انه وقت المغازي ويوم الاخذ والماخوذ ان السوالم كلهم تحت بيرق ابن عقيل وهالكلام الى وقت توحيد الجزيرة والى وقت موت الشيخ ناصر بن عقيل والشيخ ناصر بن عقيل عاصر الملك عبد العزيز وجاء بعده ابنه غايب ولم نسمع من الشيباين ان السوالم غزو ببيرق وحدهم ولم نسمع ان في السوالم عقيد غزى بهم بموقعه مشهوره هذا اللي نشهد الله على كتابته بناءا على ماسمعناه من الشيبان الى هالساعه , بل ان من ضمن ماسمعت ان وسامة الهلال من الدعاجين ** اللي وسمهم هلال** يكفهم بن عقيل .
اذا كان هناك دلائل واثباتات فمن الممكن الادلاء بها
فرضا اذا فيه غزو خاص بسوالم القرنه على قولهم ولوحدهم وشيخهم عزل عليهم (اخذ العزل على المكاسب) فتذكر هالقصه او ساق بيرق في موقعه معلومة الحدث ومثبته.
انا اقول ولو قلنا جدلا ان سوالم القرنه ليسوا من ذوي خيوط بل بديده لوحدهم فهل هذا مبرر ان يخرجو من القبيلة في هذا الوقت ؟؟؟ ام ان هناك من يريد الزعامه ويجمع الحجج ويرمي بالكلام جزافا ليشتت شمل القبيله؟؟؟ ليه ماطلعه ذراعه وناطح ناصر المجنون وقاله هالكلام يوم الناس تبات والخوف في قلوبها ولا تأمن ان ياتيها صباح او هجاد او توخذ ولا يفتك القوم الا فرسانها الاشاوس من غير قصور بالباقين , اما ان هالشي يطلع بهالوقت هذا لا يقبله المنطق .

وسؤال متكرر نريد اجابه عليه . لماذا في هذا الوقت؟؟ليه ماهو من زمان وليه ماشمروا عن ذرعانهم وعزلو انفسهم من قبل .
اعتقد انه بانتهاء الجاهليه وتوحد الجزيرة تحت راية الملك عبد العزيز اسدل الستار على احداث كثيره, ومن هنا نبدأ بالحكم على الامور(وهي المقياس )... واذا بيقولون بنطلع ابتداءا من اليوم هنا فيه سؤال وجواب.. اما انهم طالعين من ذوي خيوط من زمان فاقول ما سمعنا هالكلام الا هالحين ودمتم