يبــــى يغيـــض صدور ويهـيّض صدور

[راعي المغاتير]

المال غالي والبـل جبـال وقصـور
000000000 والطيّـب اللـي لا هدمهـا بنـاهـا
لا يسمع العاذل ولا قاصر الشـور
000000000 وكل الهقـاوي هقوتـه مـن وراهـا
اللي قشع سبعين من تركـي السـور
000000000 سبعين وضحـاً سامهـا واشتراهـا
قلبه معـا حـب المغاتيـر مشقـور
000000000 ويقـول مـا نملـك لعلّـه فـداهـا
دفعبهـا سبعـة ملاييـن وكـسـور
000000000 وتقـول مهـداةٍ عليـه بعصـاهـا
يبى يغيض صدور ويهيّض صـدور
000000000 وعيـن العـدو يـذرّ فيهـا دواهـا
أقفابها طابور مـع صـف طابـور
000000000 الله مـن عيـن الحسـود يحمـاهـا
ودرّج لها مع طلعة النـور مقهـور
000000000 فـي فيضـةٍ وسـمٍ بكـورٍ حياهـا
نوّارها يزمـي ليـا شعشـع النـور
000000000 لا ذعـذع الغربـي يذعـذع شذاهـا
هاذي هواية كـل طيّـب وممـرور
000000000 نفسه عن دروب العـلا مـا نهاهـا
ألاّ على عشـق الصعيبـات مأمـور
000000000 ومن لا تعب فالمرجلـه مـا لقاهـا
ما هيب مهنة طافـي النـار مثبـور
000000000 اللي يخاشـر حرمتـه فـي عشاهـا
مهنة سنافيٍ صبـورٍ علـى الجـور
000000000 إمـا طبخهـا طبـخ وألا شـواهـا
تدرون ليش أكتب من إحساس وشعور
000000000 وليـش القصيـدة قافهـا ومعناهـا
لني على ما قيـل ملـزم ومجبـور
000000000 أذكر هل المعروف وأثنـي علاهـا
ومن ينكر المعروف ثورٍ ولـد ثـور
000000000 يا الله عسى أرضه ما يطقطق سماها
جحّادة المعـروف شهّـادة الـزور
000000000 سـود النوايـا ســوّد الله لحـاهـا
دنياك هـاذي تأخـذ أيـام وتـدور
000000000 يومٍ سكون ويـوم تطحـن رحاهـا
وأنا يا أبو سلطان ما نيـب معـذور
000000000 يا ليـن أردّدّهـا ويسمـع صداهـا
واسلم عسى والديك في جنّة الحـور
000000000 ويرزقك بـر الوالديـن ورضاهـا
وتبقى يا بن غازي مجمّل ومشكـور
000000000 مـن مبتـدأ الدنيـا ليـا منتهـاهـا

ياسلام ياسلام
على هالتغطية الرائعه واللي اروع منها
هالقصيدة الجزله وفيمن يستحقونها
ومن شاعر له ثقله فالجزيرة العربية
وتــــــســـــلم يمناااااااااااك 000 يالحر الاشقر
والف شكر لك على هالصوور الرووعة
واسمحلي بحفظها مع الصور اللي عندي
واهديكم هالتصميم المتواااااااضع
وتسلم يمناااااااااك للمره الثانية 000
وتقبل فائق تقديري 00000