يبــــى يغيـــض صدور ويهـيّض صدور

[الحر الأشقر]

هـذه القصيدة قالها الشاعر سلطان الهاجري في سعد بن غازي العضياني

بمناسبة شراء إبله المغاتير قبل أيام

المال غالي والبل جبال وقصور=والطيـّب اللي لا هدمها بناها
لا يسمع العاذل ولا قاصر الشورو=كل الهقاوي هقوته من وراها
اللي قشع سبعين من تركي السور=سبعين وضحاً سامها واشتراها
قلبه معا حب المغاتير مشقور=ويقول ما نملك لعلّه فداها
دفعبها سبعة ملايين وكسور=وتقول مهداةٍ عليه بعصاها
يبى يغيض صدور ويهيـّض صدور=وعين العدو يذرّ فيها دواها
أقفابها طابور مع صف طابور=الله من عين الحسود يحماها
ودرّج لها مع طلعة النور مقهور=في فيضةٍ وسمٍ بكورٍ حياها
نوّارها يزمي ليا شعشع النور=لا ذعذع الغربي يذعذع شذاها
هاذي هواية كل طيّب وممرور=نفسه عن دروب العلا ما نهاها
ألاّ على عشق الصعيبات مأمور=ومن لا تعب فالمرجله ما لقاها
ما هيب مهنة طافي النار مثبور=اللي يخاشر حرمته في عشاها
مهنة سنافيٍ صبورٍ على الجور=إما طبخها طبخ وألا شواها
تدرون ليش أكتب من إحساس وشعور=وليش القصيدة قافها ومعناها
لني على ما قيل ملزم ومجبور=أذكر هل المعروف وأثني علاها
ومن ينكر المعروف ثورٍ ولد ثور=يا الله عسى أرضه ما يطقطق سماها
جحّادة المعروف شهّادة الزور=سود النوايا سوّد الله لحاها
دنياك هاذي تأخذ أيام وتدور=يومٍ سكون ويوم تطحن رحاها
وأنا يا أبو سلطان ما نيب معذور=يا لين أردّدّها ويسمع صداها
واسلم عسى والديك في جنّة الحور=ويرزقك بر الوالدين ورضاها
وتبقى يا بن غازي مجمّل ومشكور=من مبتدأ الدنيا ليا منتهاها

[((الدلبحي))]

الحر الأشقر

تسلم يمناك وصح السانك والسان الهاجري وهو شاعر علم وغني عن التعريف وسعد غازي يستاهل كل علم طيب


تحياااااااااااااااااتي

[علي فلاح العضياني]

بيض الله وجهك يالحر الاشقر بياضن تنقله سمان الهجن على نقلك لهذه القصيده الجميله وصح لسان الشاعر المعروف سلطان الهاجري

[السيف الاملح]

تدرون ليش أكتب من إحساس وشعور== وليـش القصيـدة قافهـا ومعنـاهـا
لني على مـا قيـل ملـزم ومجبـور== أذكر هل المعـروف وأثنـي علاهـا
ومن ينكر المعروف ثورٍ ولـد ثـور== يا الله عسى أرضه ما يطقطق سماهـا
جحّـادة المعـروف شهّـادة الـزور== سـود النوايـا ســوّد الله لحـاهـا

الحر الاشقر تسلم يمناك لاعدمنلك على نقل هذه القصيده الرائعه

وصح لســـــــــانك

وصح لسان قائلها

اخوك السيف الاملح

[مرزوق حمدان العتيبي]

....

الحر الاشقر الف شكر لك على النقل...
يستاهل العضياني وصح لسان الهاجري...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[اخطار برقاوي]

الحر الاشفر

سلمت وصح السان الشاعر

تحياتي

[الحر الأشقر]

الدلبحي
الفالح
السيف الأملح
مرزوق العتيبي
اخطار برقاوي

شكرً على مروركم جميعاً ولا عليكم زود ولا هنتوا

أخوكم / الحر الأشقر

[ب الصفياني]

يعطيك العافيه والى الأمـــــــــام
ونتمنى لك التوفيق
انت وجميع أعضاء الهيـــــــــــــــــــلا*** منتدى قبيلة عتيبة

[المسرّي]

بيض الله وجهك يالحر الاشقر
وصح لسان سلطان الهاجري "ابووسام"

ولو ان لي تنبيه بسيط حول شطر البيت/
" سـود النوايـا ســوّد الله لحـاهـا " ؟؟؟؟؟

[الحر الأشقر]

ب الصفياني
مشكور على مرورك

واشكرك على الاطــــلاع الجــمــيــل

وهــذا اقــل شي نــقدمه للمنتدى 00 ولكم

وانتم تــستــاهلوون الكثير والكثير 00

وكما اشكرك على ردك الــمتــواضع ولك مني كل التقدير 000