رفيع المنزل
يامعجب تالي الايام ماانته كاسب الاعجاب = بعد ماكنت تمشي معتدل عودت متحادي
انا بنشدك مهما كان عندي شك بالاسباب = عن اللي نزلك من فوق راس الضلع للوادي
معجب العتيبي
يقولون اخر الايام يفتح للمشاكل باب=ويشهد واحدٍ حتى ولو ماجاه نشادي
سؤالك من فراغ الوقت والا يالعميل اعجاب؟=عشان اعطيك من عندي جواب يذاع فالرادي
رفيع المنزل
زمنا كل ماتخلص لخلق الله يجيك عتاب = تبي تهديهم دروب السنع مار الله الهادي
سؤالي من غلا وانته بعيني من حدا الاصحاب = اود الخير لك والعز لو مااجدادك اجدادي
معجب العتيبي
ماحد عن خلق ربي ينّشد ياطيّب الانساب=حقيقه والحقايق مالها فالوقت عدادي
يدوم الود بين اهل الوفا والجود والاحباب=سلم راسك وراس اللي لفعل الطيب معتادي
رفيع المنزل
ليا صار الفتى ماهو بحاسب للكلام حساب = يبي ينزل من عيون العرب ويجيه نقادي
انا ماني بقايل نجم بين ثم نجمك غاب =اقول اللي يحسبونه يجبب الفود مافادي
معجب العتيبي
مع اهل العرف لو طال الزمن ماتكثر الاتعاب=وابو خمسين مايلبس ياولد الناس ولادي
وانا ماني بقايل كلمتك هاذي تعد ارهاب=لكن اقول اضن صويحبي في سكته غادي
رفيع المنزل
اقول اول تبي تطلع على الساحه وبالمرقاب = وهلحينه لقيت انك تعيد قبل الاعيادي
بعد ماضيروا لك بوم وانت الحر ابو مخلاب = الك شربك والك زادك والي شربي ولي زادي
معجب العتيبي
علامك تلتوي ياصاحبي كنك فروخ الداب=ليا منا بغينا الصعب ناصل له وينقادي
انا بنصحك لاتخجل ولاتزعل ولاترتاب=وخلك فاللزوم مع الرجال ان عشت سدادي
« آخـــر الـــمـــشـــاركــــات »
21-Feb-2009, 06:31 PM
العرض الشجري