يامعجب تالي الايام ماانته كاسب الاعجاب = بعد ماكنت تمشي معتدل عودت متحادي
انا بنشدك مهما كان عندي شك بالاسباب = عن اللي نزلك من فوق راس الضلع للوادي

يقولون اخر الايام يفتح للمشاكل باب=ويشهد واحدٍ حتى ولو ماجاه نشادي
سؤالك من فراغ الوقت والا يالعميل اعجاب؟=عشان اعطيك من عندي جواب يذاع فالرادي

زمنا كل ماتخلص لخلق الله يجيك عتاب = تبي تهديهم دروب السنع مار الله الهادي
سؤالي من غلا وانته بعيني من حدا الاصحاب = اود الخير لك والعز لو مااجدادك اجدادي

ماحد عن خلق ربي ينّشد ياطيّب الانساب=حقيقه والحقايق مالها فالوقت عدادي
يدوم الود بين اهل الوفا والجود والاحباب=سلم راسك وراس اللي لفعل الطيب معتادي