لقيت المجد ابومشعل وتاريخه

[ترركي]

بسم الله الرحمن الرحيم


السلام عليكم ورحمة الله وبركاته


الله يصبحكـ بالخير ياخوي مناحي


قصيدتكـ هي اول صفحة اتصفحها اليوم


اشهد انه احلى افتتاح


نجي للجد :

بديت القصيدة بتكرار كلمة (على ذكر) 9 مرات

وهذا يلفت الإنتباه بإن فيه ذكرى واستعادة للماضي

وهذا النوع من التكرار مايعيب القصيدة بالعكس يجملها

واعجبني انكـ لما تذكرت بديت بالمشاعر والحس الوطني الخاص فيكـ

وبعد كذا انتقلت للنواخذ والسيوف الضاربة وغيرها .

الأبيات كلها رائعه لكن أخص منها :

البيت الرابع اللي تقول فيه:

على ذكر البخور وريحه الإزهار والبستان*
على حس الشجون الصادق وتغريد قمريه

واعجبني التشبيه اللي في البيت السادس:

بدا فيض الحروف ((وجالها بين الضلوع جنان)) *
وثارت ((كنها جول القطا عن قرب مرمية))


والبيت السابع :
وساقت في يدي سوق الخرز لمسبح الرحمان*
ومع دق الخرز تسمع بصدري (فوح بريه)

اعجبني الترميز في كلمة (فوح بريه) كان موفق
مدري اذا كنت قاصدها ولا لا .


عندي ملاحظة في البيت التاسع واللي تقول فيه :

وابجود رسنها ((واستعيذ الله الشيطان)) *
ولو تقصر عن الجزله دواها حد شبريه

الظاهر انك نسيت كلمة (من)
عدلها !


صح لسانكـ يامناحي