علي ذكر الوطن والعيد وأفراح وشعور إنسان =على ذكر الغلا والحب وإحساس وصادق نية
على ذكر النواخذ والبحر واللؤلؤ والمرجان = على ذكر السيوف الضاربة ورجال معنية
على ذكر المزون وراعد الغيم ومطر هتان =على ذكر الفياض وريحها لافاع عصريه
على ذكر البخور وريحه الإزهار والبستان=على حس الشجون الصادق وتغريد قمريه
على ذكر المدايح والمكارم وأشقر الجنحان=على ذكر المعالم والعلم والخيل والهيه
بدا فيض الحروف وجالها بين الضلوع جنان =وثارت كنها جول القطا عن قرب مرمية
وساقت في يدي سوق الخرز لمسبح الرحمان= ومع دق الخرز تسمع بصدري فوح بريه
هنا كل الجمل تاقف حيا من هيبة السلطان=وابعسفها غضب عسف العبيات الشراكيه
وابجود رسنها واستعيذ الله من الشيطان = ولو تقصر عن الجزله دواها حد شبريه
وابنحرها لجل خاطر حمد ومعاند القيفان=واذا ماجملت وش خانت المبنى وقافيه
تموت أغلا البيوت الناهية في ساحة الميدان=ولا جابت من أمجاده ولا واحد من الميه
بعدما غاشت حروف الهجاء جاها وله طربان =تموت مجمله باسمه ولا تبقى كذا حيه
جلست أيام أفكر كيف اباصف ثورة البركان =وكيف الماء مع البركان بردانه سواقيه
وقمت أحاول اجمع معجزات الأرض بالميزان =واقرب(ب)الوصايف وصفها ياهل ترى زيه
وقمت أتصفح التاريخ وأهل الجود وأهل الشان= وأهل بيض الوجيه اللي لهم بالعز ماريه
وصرت اقرأ صناديد الكتب واقفل البيبان = لقيت المجد أبو مشعل وتاريخه وراعيه
عزيز الجاه أبو كل الجمايل هو ذرا برزان = واذا جت سيرته صمن الكلام لكل جاهيه

قصيدة رائعه

صح السانك وأعتلى شانك


تقبل مروري