سلام وتحيّه وقافٍ مع مداخيل الربيع...

[نايف بن ملحق الثعلي]

صحت السنتكم

وبيض الله وجيهكم

التوقيع

ما هوب لازم توقيع00

[علي الثبيتي]

ابيض وجه يانايف
وارسلي ماجالك على الخاص

التوقيع

ماني بلا روقي ولا برقاوي = انا ثبيتي جد روق وبرقا

[محمد النخيش]

كبتن عتيبه والنشمي



الله الله عليكم ياعمالقة





متابع.....

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[علي الثبيتي]

حياك يابو مناسيب

[علي الثبيتي]

قولاً بدون الفعل مايسمن ويغني من ضريع=والناس لو تصدق وتفعل حققت مطلوبها
ابوك يادنبا العنا اللي فيك ابو تسرح مجيع=وشبعا ثعالبها من الشبعه كبار اجنوبها

[بندر المرشدي]

صحت السنتكم ياعمالقة



دائما مبدعين ولاهو غريب

[بندر المرشدي]

كبتن عتيبة

سلام وتحيّه وقافٍ مع مداخيل الربيع=يدخل قلوب أصحابي اللّي طيبها فقلوبها!!
ماهيب لنشمي لحاله ..ردتي تنصى الجميع=ومورَّدة على عدودٍ ماختلف مشروبها!!

النشمي

يامرحبا ترحيب اله ميزه وله شاناً رفيع=بصحابي اللي دوم تكرم والدسم ماجوبها
ماهوب للكبتن يعم اهل الجمايل والصنيع=ومن ميزته ترضاه حكام الدول لشعوبها

كبتن عتيبة

اهرج وانا اهرج ياوسيع العرف من بالٍ وسيع=والله ماردّك غير لديارٍ تعرف دروبها!!
راع المطيه يوم عرّضها مع الخط السريع=ساق المطيه سوق ..لين أنّه كسر عرقوبها!!

النشمي

اهرج وانا اهرج يالعتيبي والدلايل ماتضيع=قود المعاني والسوالف دوب زانت دوبها
لا واحليل اللي يغلق كل باب وكل ريع=ماطاع له ناساً تلبس ثوب ماهو ثوبها

كبتن عتيبة

حنّا نقول انّ الوداعه مالها غير الوديع=مير البلا كان الوديع.. يصير ماهو صوبها!!
(ابوك يادنيا العنا اللي شيّبت راس الرضيع)=هذي رساله ..ودّها للناس يامندوبها!!

النشمي

قولاً بدون الفعل مايسمن ويغني من ضريع=والناس لو تصدق وتفعل حققت مطلوبها
ابوك يادنبا العنا اللي فيك ابو تسرح مجيع=وشبعا ثعالبها من الشبعه كبار اجنوبها

[اللورد العتيبي]

والله شاعر ياكبتن ولا يهون النشمي وأنا في صفك دايم