سلام وتحيّه وقافٍ مع مداخيل الربيع=يدخل قلوب أصحابي اللّي طيبها فقلوبها!!
ماهيب لنشمي لحاله ..ردتي تنصى الجميع=ومورَّدة على عدودٍ ماختلف مشروبها!!

يامرحبا ترحيب اله ميزه وله شاناً رفيع=بصحابي اللي دوم تكرم والدسم ماجوبها
ماهوب للكبتن يعم اهل الجمايل والصنيع=ومن ميزته ترضاه حكام الدول لشعوبها

اهرج وانا اهرج ياوسيع العرف من بالٍ وسيع=والله ماردّك غير لديارٍ تعرف دروبها!!
راع المطيه يوم عرّضها مع الخط السريع=ساق المطيه سوق ..لين أنّه كسر عرقوبها!!

اهرج وانا اهرج يالعتيبي والدلايل ماتضيع=قود المعاني والسوالف دوب زانت دوبها
لا واحليل اللي يغلق كل باب وكل ريع=ماطاع له ناساً تلبس ثوب ماهو ثوبها

حنّا نقول انّ الوداعه مالها غير الوديع=مير البلا كان الوديع.. يصير ماهو صوبها!!
(ابوك يادنيا العنا اللي شيّبت راس الرضيع)=هذي رساله ..ودّها للناس يامندوبها!!

بدر الكريزي=
مرزوق ابن حمدان=
حاكم القوافي=
حياكم الله =