هديه لكل من احب المقناص والبر

[وافي الخماش]

أهديها لمن أحب البر والقنص:


أبيات للشاعر : ابن شارخ

يالله بغيـمٍ تقـادح لمعـت بـروقـه= ريـح الشمالـي يهـب ولا يفرقهـا
وقت الوسم مستمـرٍ بامـرك تسوقـه= يهل مزنـه علـى الريضـان دفقهـا
تمشي سيوله مع الشعبـان وعروقـه= يملا الخباري مـع الغـدران يغرقهـا
تاخذ لـك أيـام كـلٍ سايـقٍ نوقـه= ينصون قـاعٍ تبشـر عـن حقايقهـا
البـدو واللـي يعـد البـر معشوقـه= ما يصبر وطلعـت البـرّان يعشقهـا
يفرح مع العشب يطفي بشوفته شوقـه= ينس همـومٍ تهـاوت فـي دقايقهـا
احب انا العشب وريح الورد ونشوقـه= ومشاهد الشمـس مغربهـا ومشرقهـا
الله على القاع بين العشـب مشقوقـه= تلقى الزبيدي على البطحـاء وتنتقهـا
والروض الاخضر يسر وماحلا رموقه= وبيت الشعر والذبيحـه مـن تعلقهـا
واحب ربع ٍ نشاما مـا بهـم عوقـه= والبن الاشقر على المحماس يحرقهـا
وصوت النجر يجذب اللافين بطروقه= ياكن دقه علـى الضلعـان يصفقهـا
واحب الارطا ونار جـروم محروقـه= وفنجال مـن دلـة مـا مـل ذايقهـا
ياماحلا الحر الاشقر تطلـق سبوقـه= لا شاف زول الحباري قـام يلحقهـا
كلما ضرب له حباره يرتفـع سوقـه= لجواد تفـرح بصيـده يـوم وفقهـا
انا اعرف اللي يداوي القلب وفتوقـه= فرقا المدينـه وبعـدٍ عـن خلايقهـا
يالايمي لـو تـروح البـر وتذوقـه= اضن رجلي علـى الصمـان تسبقهـا

[عبدالرحمن الهيلوم]

صح لسانك والنعم فيك يابن عدوان

[عبدالله الجـــذع]

الله .

أظن رجلي على الصمآن تسبقهاآ

انا أشهد

قصيده جزله من رآس جزل

لاهنت وصح لساآنك

محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[وافي الخماش]

لا هنتم يالربع ..

صح لسان قايلها الشاعر / ابن شــارخ

[/عبد العزيز الجذع/]

صح لسان قايلها..



لاهنت يا وافي..



تحياتي.....

[وافي الخماش]

عبدالعزيز الجذع لا هنت ..

الربع يحسبوني شاعر القصيدة للشاعر/ ابن شـآرخ

[محب الهيلا]

صح لسانك

مشكور وماقصرت

[وافي الخماش]

لا هنت يالذيب ..

وصح لسان قايل القصيدة ..

الله يرجكم ..

[القادم بقوة]

مشكور يالقرم

[عبدالله الجريسي]

صح لسان الشاعر


مشكور وماقصرت