قصيدة للشاعر / فيصل القثامي في الأبل

[طارق النفيعي]

سلام عليكم ورحمة الله

هذي القصيدة أعجبتني كثيرا ُ وقلت أنزلها لكم

وهو وجميع أبناء قبيلة عتيبة لهم حق علينا ويستاهلون كل خير

لابكر الوسمي معه برق وارعاد=والسيل غطا وانبتن الزواهير
يزين سوق اللي غواربهن اسناد=في مرتع فيه الزهر والنواوير
ام الجنوب اللي تطافح وترتاد=وام الرقاب اللي سوات المشاهير
وام السنام اللي كما الضلع موتاد=وام الحليب اللي منه تجلب الخير
فج النحور اللي علاهن الأنداد=راحو ضحايا للسيوف البواتير
حمر لبوجاسم تطاوع وتنقاد=وعفرا مع مالك تسر النواظير
البل عطايا الله لنا ذخر واسناد=ياما غدا من دونهنه طوابير
ياما غدا باسبابهن روس واسياد=وياما غدا باسبابهن شيخ وامير
وياما غدا باسبابهن واوخذ اشداد =قدام لاتبنى ديار المناعير
البل عظام المال والقول مسناد=من قولٍ يقوله زعيم الشواعير
تمت وصلى الله على الصادق الهاد=اعداد وبال المزون الشخاتير

الشاعر : فيصل بن تركي القثامي

وسلامتكم

أخوكم : طارق النفيعي

التوقيع

أخوكم : طارق النفيعي

[عبدالرحمن الهيلوم]

مشكوووووووووووووور يالغالي ولاهنت

[طارق النفيعي]

العفو يالغالي ولا تهوون

[جراح العازمي]

صح لسانك يالسنافي ولاهنت

ولاهان الشاعر فيصل بن تركي القثامي

[طارق النفيعي]

أشكركم على التواصل

[محب الهيلا]

صح لسان الشاعر

مشكور ماقصرت

[طارق النفيعي]

العفو وشاكرين تواصلك