رآحلـــة الستينــآت .. ( معلومآت )( شعـرٍ )( صوٍرٍ ) ..

[۞Ξ √ عـدوٍِ آلبرٍِد √Ξ۞]

يقول الشاعر

ياهَل الفرت الحمر لا تتركوني
ركبوني لو على سطح الغماره
وأن وصلت ديار خلّي نزْلوني
تكفون بصبر لو .. على شمس وحراره


اخذ الفرت المتمـيـز بلونه الآحمر دائما حصة الاسد مما قيل في السيارات
من شعر وبعد ذالك ورثه الجمس
( بعد انقطـاع إستيـراد الفرت وقطـع غـيــاره )



مقتطفات عن بعض ماقيل
في الفرت والهـاف من الآبيـات والقصـائد الشعـبيـه
على ألسنـة السـائقين والشعــراء المعــاصرين لـ ذلك الوقـتـ



يقول بندر بن سرور ( رحمة الله عليه )


يا تلْ قلبي تلّة عبيد للهاف
تلّه ولد زايد بدارٍ مخيفه
تلّه من العارض يبي خط الآطراف
كب السهل وآرقاه رآس الحتيفه


ويقول ايضاً



من يسب الهاف جعله فدوةٍ لّه=جعل يفدنّه غنادير البناتي
لا نهمت الهاف جاك الهاف كلّه=تقول يشرب من غراش المسكراتي


وهذي سـالفه واحد كان معه فرت وربعه شروا هــافات
وصـاروا يسبقونه وموتره ما يلحق معهم شي

وقال هالبيت

ياهل الفرتات شوفولي سوايا
وآقصرو من سرعة هل الهافات ليّه

وبعد ذالك بــاع موتره وشرى هــاف جديد مر بهم وقال



ياهل الهافات من فيكم يماري
من هقى في موتره هقوى يجيني


وحده بحايل آرسلت هالقصيده لولدها بالكويت تذكر فيها الهـاف

راكب اللي لونها لـون السفينه
وم حط شراعه القربـي حداهـا

هافٍ أدهم مـن حفيـزه جايبينـه
شلع القرطـاس زود ٍ مشتراهـا

مانقص من عدته عنده ضمينـه
مـآخـذٍ رقـمـه وعـنـده ماكفـاهـا

يـوم دقّـه سلـف والقيـر بيمينـه
يوم ثارت عن أبو سالم عشاها

عنـد بـن صبـاح ياللـي خابرينـه
من عنا لـه لازمٍ يشكـر غناهـا


قال آحدهم مادحا الفرت وهازئـاً بالشفر


الفروت الطيبـه يا آهـل التمانـي
من بغى يضوي عشيره قبل ليله
الشفر عزمه كما عزم الهداني
لا ضرب له رملةٍ ما فيه حيله
الشفر خله علـى الثقبـه يسانـي
و قفّه في بندرٍ عرضه فتيله

يقول أحد الشعراء

ياحن قلبي حنيين فروت
بآثنين والخط مع رمله
قام الدرِيول يشوته شوت
وزودٍ على حملته حمله
والنار تلسب مع الكبوت
ولا عندنا اسعاف نزهم له
على وليفٍ خذاه الموت
بأول شبابه تقدّم له



وقال عايش الداموك


يالفرت روح ترا الديره خلاويّه
روح ترى رماة الشهبان جيناها
ممشاك بثنين مالك فيه ماويـّه
ياقرد حظك ليامنّـا وصلناهـا
والله لا آخلّي صياحك حس جنيّه
جنيّةٍ قام بن جلعـود يقراهـا
نبي ربوعٍ ورى حائل وجلديّه
يم الغزاله شمالاً مـن قراياهـا


وقال الشاعر

ليت عصر راح ترجع لي سنينه
يوم أنا والفرت في وسط الصحاري
ساكن فالبر ما عرف المدينه
مزهبي موجود واطبخ فوق ناري
بس راح العصر مع زينه وشينه
عايش هاليوم في جو حضاري

وقال ايظاً

حراج يا من يشتري موتر الفرت
ما فيه عيب إلا خراب المكينه
مثله قليل لو عنه يوم دورت
فرت قديم ماضيات سنينه
سلعة قديمه أصبح اليوم له كرت
من يحفظه يسلم وتسلم يمينه

..

هذ1 موضوع سبق وقريته واحتفظت فيه واليوم نزلته لكم كمشاركه بسيطه

..

ان شآ الله يعجبكم ويحوز علىآ رضاكم

وفقكم اللـه لمـآ يحب ويرضىآ


۞Ξ √ عـدوٍِ آلبرٍِد √Ξ۞