هنا محاورات الشاعر العلم شاعر عتيبه رشيد الزلامي

[سعود النفيعي]

محمد السناني ورشيد الزلامي

السناني

ياسلامـي عليكـم بالتـظـام الجـديـد
=والريـاجـيـل مايهتـزمـقـدارهـا

الحنتاتيـش لاغـاب الزلامـي رشيـد
=يم قبـر العطـاوي تلفـت أنظارهـا

الزلامي

مرحبا وأنت ضيفٍ جاينـا مـن بعيـد
=عند ربعٍ تشـب النـار مـن نارهـا

إترك النـاس لوتـروح واحـد وحيـد
=والقنـاوات لاتاخـذ مـن أخبـارهـا

السناني

البقايالزلامـي مـن هــو المستفـيـد
=كان طاحت كبار القـوم واصغارهـا

وانت شيخٍ من الروقـه وباسـك شديـد
=صافح شيوخ برقى طالـت اعمارهـا

الزلامي

مايضد الحديـد الصلـب غيـر الحديـد
=وانـت مالـك بمدخلهاومضهـارهـا

كان ودك تمادى فـي العـذاب وتزيـد
=سوقهالين تبـرك بـك علـى زارهـا

السناني

رأس ابو زيـد يبكـى والفقيـد الفقيـد
=علـم أصحابنـا لاتخـرب شعارهـا

عشت وانت وحيد وموت وانـت وحيـد
=خطتـك شيلهـا لاتكشـف اسرارهـا

الزلامي

انت وشلـون جبـت السالفـه ياعنيـد
=جبتهـا مـن يميـن الدارويسـارهـا

يفعـل الله بخلقـه مايحـب ومايـريـد
=فالعرب شر واجهينـه مـن اشرارهـا

السناني

الكتـاب الموثـق والـكـلام الأكـيـد
=قالـو البورصـه مختلـه اسعـارهـا

انت اضنك تقـول فراقهـم يـوم عيـد
=الله اكبـر علـى الحفـره وحفارهـا

الزلامي

كـل ماقلـت شيطـان العروبـه يهيـد
=جتك بنـت الحـرام تـدق مزمارهـا

وان رميت السهم مدري السهم وش يصيد
=جعلهافـي بعيـر القـوم وحمـارهـا

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ


أنتهى ـــــــ%%%%

أتمنى أني جبتلكم شين زين واللي يرضيكم لا كن انا بتمنى شيئ من الاداره انهم يثبتون هالموضوع لو يوم


موودتي