رشــــيــــد الــــزلامــــي
إبن عتقان في وسط البحر والبحر جزر ومد
وفي جيبه حصاةٍ من جبال أسليـم شايلهـا
بعد مامرنا مسرع وقال إلنـا سـلام وصـد
حرامٍ من حزامـي مايـروح ليـن يأكلهـا
عــــبــــدالله عــتـــقـــان
يأبن زيد الزلامي مايصـح إلا كـلام الجـد
إبن عتقان يأخذ وزعتـه ماهـو بجاهلهـا
مدام إني مجهز للخصوم الكحـل والمـرود
فيا كثر العيـون اللـي تطالعنـي وأكحلهـا
رشــــيــــد الــــزلامــــي
نبي نعطيك مايرضيك دام إنك بسطـت اليـد
ومن دور لها عنـد العـرب لازم يحصلهـا
تفصل لك ثيـابٍ مانبيهـا ياعريـب الجـد
على زيد العضيلـه روح مترهـا وفصلهـا
عــــبــــدالله عــتـــقـــان
عسى ربي يكثر خيركم ماني ضعيف أشحـد
كبيره يالزلامـي طـال عمـرك لا تكملهـا
كلامك يالزلامي مالقينـا لـه رجـل يشهـد
فلا تكثـر علومـك ياطويـل العمـر قللها
رشــــيــــد الــــزلامــــي
نهار اليوم ولا ميـر هـذا ليلـك الأسـود
تكفـي الأولـه والثانيـه مانـي بقايلـهـا
نبي نضغط عليكم لين أحد يجلس وأحد يشرد
وتشعر بالمصيبه فالعظام وفـي مفاصلهـا
عــــبــــدالله عــتـــقـــان
أشوفك يالزلامـي تفتـل الأشنـاب وتهـدد
نسيت إن الجبال الراسيـه محـدٍ يزلزلهـا
تبي تقعد مثل مستور والثانـي تبـي تقعـد
معي زيد العضيله واهجـاد اللـي نقاتلهـا
رشــــيــــد الــــزلامــــي
أقول ونعم لكن لن صدمنا في جبلكـم شـد
وتصبح عندك الضلعـان خاليـةٍ منازلهـا
سليم أصحابنـا وإذا بغيناهـم كـلامٍ جـد
نعصر أخشومهم والقوم مانعـرف نجاملهـا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
صــــــــــيــــــــــاف
الليل يا قلب الزلامي واعرف ارضك من سماك
يمكن تجي وتـروح لاراضـي ولا زعلانيـه
ماخافو العربان من سيفك ولا خافو عصـاك
خل العصا فالليـل وتحامـي بهـا الديبانيـه
رشــــــــــيـــــــــــد
ياذيب ياللي في توال الليل هيضنـي عـواك
من جوع ولامشعر بالخـوف يـا سرحانيـه
ان كان ما ودك بسيفي خل صوتك في سماك
واليا نغزك ابليس شفنا لـك سهـوم ثانيـه
صــــــــــيــــــــــاف
ازعلنـي اللـي راح قدامـك وخليتـه وراك
اثر معـك كبـدٍ تشيـل طويـق والصمانيـه
مدري معك جني يشب النـار ولا وش بـلاك
اتزعـل الراعـي لوانـه علـم الرعيانـيـه
رشــــــــــيـــــــــــد
ازعل زعل حربي ولا تنشد عتيبه عن رضاك
يرضونك اللي يزرعـون الخـوخ والرمانيـه
انته رحلت من المدينه يوم ربي مـا هـداك
تشـد مـن دار النبـي وتجـاور الهتمانيـه
صــــــــــيــــــــــاف
الظاهر انك عقب ليله وحده تطـوي رشـاك
وتشد من ركبه وتنـزل باوسـط الضلعانيـه
ياثلب ما نسمع هديرك ما سمعنـا الا رغـاك
واهل المدينه قفلـوا مـن دونهـا البيبانيـه
رشــــــــــيـــــــــــد
حنا ليا منا كحلنا العين مـا نقصـد عمـاك
نبيك تسرح مع طريق الطير ابـو جنحانيـه
الله منعنا ماعطانا وانت مـدري وش عطـاك
مدري سمعنا ما سمعنـا والعـرب كذبانيـه
صــــــــــيــــــــــاف
لولاك غالي كان طلعنا سنونـك مـن جمـاك
واللي يشوفك يحسب انك من حد الورعانيـه
اذا عطانـا الله كتـاب الطيـب فصلنـا دواك
اظـن قلبـك ينتبـه وتخـلـص الديانـيـه
رشــــــــــيـــــــــــد
حرام قتلك يوم اشوفك تنثنـي دون اخويـاك
والمنثني يوم الهزيمـه فـارس الفرسانيـه
حذراك تجبرني على الوعرات لين العن ثواك
بحضور قاض المحكمه نفرشك فرش الزانيـه
صــــــــــيــــــــــاف
صياف ماهو حبةٍ فالجيـب تطحنهـا رحـاك
نعرفك عرفٍ زيـن قبـل تجـرد الذرعانيـه
جاتك عجوز ماعره حطت لبنها فـوق مـاك
ومن الزعل شلت الهدوم وجيتنـا عريانيـه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
ابن شايق
ياماعازيب الوفاء ونتم دعيتونـا وجينـا
قبل مردود البرا يا زين مـردود السلامـي
الزلامي شاعر(ن) شايب وله حق(ن) علينا
والحقيقه كل خلـق الله يحبـون الزلامـي
رشيد الزلامي
مرحبـا والله يحيكـم وحنـا حاظرينـا
وانتبه للكلمه اللي لاحـلال ولاحرامـي
اثر في قلبك محبه من زمـان ولادرينـا
شوفلك واحد سنينك يتجهبك شرق شامي
ابن شايق
الرجـال الطيبينـي يقـدرون الطيبينـا
خلنا نلعب ونكسب خبرتك خمسين عامي
لاتناظر فوق وتعـد الليالـي والسنينـا
الحرامي يحسب كل من قابله مثله حرامي
الزلامي
شد حيلك ودحـم الشعاربالجنـب المتينـا
والهدف في راس ظلع(ن)مايصيبه كل رامي
والله انا مالقينا صورتك في حـرب سينـا
مير هذا الوقت جبت البندقيـه والحزامـي
ابن شايق
عيت الشاره تطيح اليـا رميتوهـا رمينـا
الطمع بيني وبينك فالـردوف وفالسنامـي
ونت لك صوره على شاطي بحر هادي ومينا
لاتلحقنـا المـلام ولانلحـقـك المـلامـي
الزلامي
ودنا يسـرون ظيفـان الكرامـه مكرمينـا
ون بغيت اكوي كويت و ميسمي فالنار حامي
عقـب ذاك الوقـت اظنـا لانبيـك ولاتبنـا
رحت مرواح الغراب الـي تقفـاه العسامـي
ابن شايق
ان رضيتوا مازعلنا ون زعلتو مارضينا
لاتخلينا نشيل الروس ونقص العظامي
فيك ثنتينن سوا والثالثه وحده وفينـا
نحمد الله ظحكت الدنيا لنا والحظ قامي
الزلامي
ياعيال العود مادون الحلـوق الا اليدينـا
مير حنا يوم شفنا العود في خشمه عرامي
من قرارت نجد سقناكم وجيتـو مقبلينـا
مادرا جنب الحصاه الا تـردون السلامـي
ابن شايق
لونعد الفعل الاول كم خذيتوا كم خذينـا
ياحليمه جوك خلان الأشده والمسامـي
يوم حولنا عليكم من يسار ومن يمينـا
رحت من نجد العذيه يالحجازي والتهامي
الزلامي
شفت ذريت حليمه يوم جوكم سارحينا
ان حييت بغبنها ون مت مانته لارحامي
ان فعلتو شي في ذاك الزمان مسامحينا
انتبه هذا كلام المعركه ماهـو كلامـي
ابن شايق
دورو لشيخوكم وليـا نسيتـو مانسينـا
انت مانته حامين بيض الحباري والنعامي
ان خجلتو وستحيتوا ماخجلنا وستحينـا
اسمحو لي باتكلـم ياعزيزيـن المقامـي
الزلامي
الصحيح انا نسينا مـن حنـا فاقدينـا
تاخذ الراعي وناخذ فيه حامين الجهامي
ياله اغفر ذنبنا ان كان حنا مسرفينـا
والخطيه يوم عرظنا القحاطين المظامي
ابن شايق
كان شيخك راعين عندك شيوخك ظايعينا
انته صاحي بالسيع واحيان ياخذك المنامي
اشتكيتوا لـالشريف ويعلم الله ماشكينـا
ون ظمينا يالزلامي كان وردنـا الحيامـي
الزلامي
ياولد شايق ترى الله سامحك دنيا ودينا
ثايرن دمك من الماظي ومثلك مايلامي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
رشـــــــــــيـــــــــــد الـــــــــــزلامــــــــــــي
سلام الله سلام اسلام في حفلةرجال هذيل
اهل وادي المضيق اللي نمره بالسنه مره
انا ودي اجيهم في جبلهم كل يوم وليـل
لحيث جبالهم في شكلها قطعه من الحره
مــــــحــمـــــد الـــــمــســـــعــــــودي
هلا يامرحبا ترحيب مثل البن فوق الهيل
ياطرقي ليا قصيت لك فالدار لـك جـره
بعيدٍ يالزلامي عنك بعد الجدي ولا سهيل
وانا ماخبر لكم فديارنا مايـازن الـذره
رشــــيـــــد الــــزلامـــــي
محمد يارفيقـي لاتـزود ملحهـا بالحيـل
ترى كبدي على واحد من الهـذلان محتـره
اجل ماعاد ابي ديرتك عساها مايجيها السيل
بلاش من الجبل ماعاد ابي خيره ولاشـره
مــحـــــمـــد الـــــمـــــســعــــودي
ترى الميزان بالميزان والكاله تجيب الكيل
ليامنك بغيت الحلوه اصبر وابلـع المـره
ليامديت رجلك خطوتك تسبق جياد الخيـل
وانا اعرف الحسودي واكحله بالكحل واذره
رشــــيـــــد الــــزلامــــي
انا مابغى لك الاحراج انا مارضى عليك الميل
دفعت الباخره لكـن جـات فالبحـر مفتـره
مادام الضيف يطلب شئ ومحمد عليه بخيل
وابن سوداءصديقه مـار ماسـره ولاضـره
مــحـــمـــد الــمــســعـــودي
اخذ علم الحقيقه واترك اهل القال واهل القيل
ترى من طبعنـا مانوعـد الرجـال ونغـره
ليامني عرفت انـك مبتـل وزعتـك تبتيـل
فزعت بوزعتي مع عزوتي والعين محمـره
رشــيـــد الـــزلامــي
علوم محلله من عصـر مايبغالهـا تحليـل
وانـا والله عـارف ياهذيـل دميكـم حـره
مانشرب بدرت الراعي وحنى فوق شاط النيل
وصر العلم بجناح العمامه واحكـم الصـره
مـحــــمــد الــمــسـعــودي
مدام انك تعرف العلم ليش تحط ليش تشيل
توكل مايهاب الغبه اللـي يرغـب الـدره
مساجدكم كثيره واسمع التكبير والتهليـل
واظن علومكم راحت مع الفـوال والجـره
رشـــيـــدالـــزلامـــي
بغيت اقنع بغيت ارجع وحيلك ياقوي الحيل
لكنك قلت لاتقنع وهـذي هرجـت القـره
انا عيني تشوف الدرب مايحتاج لي دربيل
لو اومسك راعي الجره برجله جيت مجتره
مــحـمــد الــمــسـعــودي
ترى الموجز بدايه بعده الاخبـار بالتفصيـل
يجيك العلم من بطن البحرويجيك مـن بـره
تشوف الدرب عينك مار بعيونك تشوف الويل
تقرب من عراقيب الجمـل كـره بعـد كـره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
رشيد الزلامي وشليويح بن شلاح
الزلامي
ياشليويح المطيرى ضف عفشك ضفه
وحتزم بحزامك الي بازمان الماضي
خلووووووووووووووووووووها
هف مع ريع السلامه جعله اخر هفه
وانت زنبيلك على راسك وخرجك فاضي
شليويح
كف شرك يا الزلامي عن رفيقك كفه
انت قاضي وش تسوى كان جاك القاضي
خلوووووووووووووووووووها
من يطول شاربه با طيب محد(ن)حفه
ون بغيت العلم الاخر ما تعود راضي
الزلامي
بتمني قبلكم محد(ن)حصله شفه
وانت في قلبك مرض من خيرت المراضي
خلووووووووووووووووووووووها
قبل خمس اسنين راسك داخل(ن)با القفه
كيف جالك بطن وكموم(ن)طوال اعراضي
شليويح
شفتلي عفشن منثر مير با الله ضفه
قبل لا ترد الضوامي على صدر الحاضي
خلوووووووووووووووووها
لا تلفت يم جارك خل عندك عفه
يا عويض ما تجيب الحق من عواضي
الزلامي
ول يا ذا الكنور الي كل يوم اندفه
لو ابا ادفدفك دايم ما قضيت اغراضي
خلوووووووووووووووووووووووها
انتهت خفه وباقي فوق راسك خفه
مير تصدملك جبل ولياك قاضي ماضي
شليويح
اروح البارود ورجع لاتقوم اتسفه
المطيري ما وراه اعراش يا العضاضي
خلوووووووووووووووووووووها
الزلامي شيخ لاكن شالها طف طفه
لويشيل المزوده يزري عن المنهاضي
الزلامي
تعب ابو مطلق وخوه ابليس قام يزفه
با خر الدنيا يخيل كل برق(ن)ناضي
خلوووووووووووووووووها
لو يحب الكوع ويبين الشعر في كفه
اشهدا في زمان(ن)فات ما يعتاضي
شليويح
عد الميزان لاترجح عليك الكفه
من يطول به المرض يدخل عظامه شاضي
خلووووووووووووووووووووها
كل ما حصلتلك قرطوع قمت اتهفه
ما بقاء يا كود زبده خضها الخضاضي
الزلامي
دق في قلبي علوم ورف جفني رفه
ودي احضر مع قريش الي بسوق اعكاضي
خلوووووووووووووووووووووها
والجمل خانه زمانه مابقاء الا جفه
ما يوصلني وانا عندي لازومن حاضي
شليويح
هد بسرعه شويه لا تزيد الخفه
يا وسيع المرفه لا يقصر المركاضي
خلوووووووووووووها
الجمل ما هو بددسن ينقلب با الفه
ماعليه اخلاف با المرباع والمقياضي
يتبع >>>>>>>>>