يا عيد يا عيد عاد العيد يا عيد

[النايع]

ياعيد ياعيد عاد العيد ياعيد

كيف حال أبناء العمومة

يسرني أن أقدم لكم هذه القصيدة المتواضعة.
أتمنى أن تعجبكم

يا عيد يا عيد عاد العيد يا عيد = وأنا السعاير توقد في كنيني
العيد فرحة وانا عيدي تناكيد = ولا يجرح العيد يا كود الحزيني
والناس ترقد وانا ليلي سراميد = ليلٍ تعدى وليلٍ مقتفيني
والله يا لولا الحيا وادرى المناقيد = لا اصيح وارمي ثيابي باليديني
واقول ردوا حبيبي نقوة الغيد = تكفون تكفون ردوا لي ضنيني
يا عيد يا عيد أنا عن قربه بعيد = تفرق الشمل يالله يا معيني
تذكر دياره وراء حزم الجلاميد = وأنا دياري وراء هاك البطيني
من دونهم يالعتيبي حالت البيد = حال النيا بين محبوبي وبيني
داره بعيدة ومن دونه جراهيد = والحد والسد والحصن الحصيني
أغرق عيوني من العبرة تراديد = واحيان أكظ الزعل واقسم يميني
لولاي أسوي لدمع العين تبديد = ليسيل وادي الرمة من دمع عيني
لا سال له في سطى وجهي تخاديد = سكاب وبله مثل وبل الغشيني
واللي جبرني وشد برجلي القيد = غِلّي وهجري ولوعات السنيني
وكبدٍ فلقها هوى منتوقة الجيد = من حسنها كن ما بالخلق زيني
ياما لبسنا من الفرقا براجيد = وياما رقينا الطوال اللي تبيني
وارقب بعيني شمال وعنه ما احيد = نجم وراء الشام اخيله كل حيني
والله لو عذربوا في الأباعيد = ما اخلف طريقي ولا اوطّي جبيني
ما اريد غير اقرن الحجان ما اريد = ولا همني كثر هرج العاذليني
العشق ما عذرب الناس الاجاويد = وملوك سنّوا طريق العاشقيني
وكمٍ عديدٍ شديد من الأواليد = امسى من العشق مقصوف الوتيني
عقب التعاجيب هالوا فوقه الحيد = وحطوا على رمّته لبنٍ وطيني
والعشق قبلي بلى عليا وابو زيد = والعامري قيس لا دنيا وديني
مجنون ليلى وانا مجنون تغريد = وما جاه يا خوف قلبي لا يجيني
يا محيي العشب يا مفني النماريد = يا بالي العامري لا تبتليني
واغفر ذنوبي وبعّدني عن الكيد = واحسن ختامي قبل يومي يحيني
وسلام ربي عداد الرمل ويزيد = على محمد شفيع المسلميني

وسلامتكم

[مرزوق حمدان العتيبي]

...
.
جزاله وابداع يالنايع ..
صح لسانك ملاييين ...
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عبدالله البرقاوي]

لاهنت يالنايع وبيض الله وجهك جزله من جزل
وصح لساااااااااااانك ملايين

آخر تعديل عبدالله البرقاوي يوم 07-Jun-2007 في 05:14 PM.

[النايع]

أبناء العم

مرزوق العتيبي

عبد الله العصيمي

صحت ابدانكم مليارات مهوب ملايين

تحاياي

[ابوبجاد الرويس]

الله الله

صح لسانكـ

وبيض الله وجهكـ

وتقبل مروري يالغالي

[فيصل المسعودي]

صح لسانك


على هالفاتنه


في انتظار جديدك


تقديري


اخوك


فيصل النفيعي

[نواف العصيمي]

صح لسانك يالنايع ..

,, قصيدة جزله ورائعه .. إبداع معهود منك

ولك التقدير والإحترام

التوقيع

[متعب العصيمي]

صح لسانك يالنايع مدد بلاعدد..

قصيدة جزله , لاحرمنا من جديدك..

موودتي..

[السميــــــري]

..

اليانع ..
قصيدة ..جزلة ..
صح لسانك ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[نايف الحميدي]

صح لسااااانك



ياليانع



جزله مثلك




اخوك

التوقيع