تكفون...تكفون...(نخوه)

[غازي بن ردن]

السلام عليكم ورحمة الله وبركاته
ومن غير مقدمات

الشكر موصول بعد الله لعتيبه = والفوز فوزٍ لهم في كل الأحوالي
متوّجه بالفخر والمجد والهيبه = من ماضي الوقت حتى وقتنا الحالي
فيها الكرم والصخى طبعٍ تثاريبه = عز الصديق وعلى العيال عيالي
خويهم ماشكى الوقت ومصاليبه = في اللازمه مرخصين الروح والمالي
ماحاشت يدينهم تبذل وتصخيبه = دون المواجيب نقاضٍ وفتالي
لو جور الأيام حاميةٍ لواهيبه = ربعي تحدى الزمان وتحتمي التالي
صغيرهم لابلغ تصفي مشاريبه = يرد المنيه ومنه تهاب الأهوالي
اللي نخاهم تحقق له مطاليبه = يبشر بعزه ويصبح هادي البالي
والسيف وش سلته لولا مقاضيبه = والبيت لولا ركونه كان ينهالي
والطير وش نقلته لولا مخاليبه = وشلون لاهد في الحفال يحتالي
والضلع لولا شموخه من يماريبه = يصير لناس مطلاعٍ ومحوالي
يأهل الحميا تراها والله مصيبه = اليا انكسرتوا عليكم صارمدخالي
انتم تشوفون من كثّر عذاريبه = في بعض الاقوال يبدي بعض الاقوالي
وده يعزز بشي وفاله الخيبه = وش عاد هندي ونيبالي وبنقالي
تكفون من يمكم طرش مكاتيبه = عزوه من بين حساده وعذالي
خلوه يرقى عن القاع ومغاريبه = بفعولكم يعتلي في النايف العالي
تكفون لايعتريكم شكه وريبه = ترا التخاذل يحطم كل ريبالي
معاد عنها صدود ولاش تجنيبه = انتم قبيله ممثلةٍ برجالي
وفي غير هذي ترا الجوال ماليبه = والله ليشكي من التصويت جوالي

وتقبلوا تحياتي

[نجد العصيمي]

صح لسانك يا غازي وعلا شانك


جزله من جزالتك طال عمرك


الا بشرنا عنك وشحالك..وين الغيبات معاد نشوفك في المنتدى!


عسى ما خلاف ولا ما يجيبك الا الشدايد ههههههههههههه

[الــوآفــي]

الله عليك يابو ردن



كبير والكبير الله


صح لساااااانك مليووووووووووووووووووون


والله ليشكي من التصويت جوالي

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[ممدوح الروقي]

كفويابوردن وصح لسانك وفالك المليون هههههههههحمدالسعيد على غفله

[غازي بن ردن]

اخوي نجد
صح بدنك
والأحوال تمام ولله الحمد
لكن ياخوي يموت البنادم ماقضى اشغاله
اما بالنسبه لشدايد فهذه والله وانا اخوك ماهيب شده
لأني واثق من فوز مرشحنا بأذن الله
ليه لا وهو من عتيبه
مايحتاج استرسل في الكلام عاد
دمت بخير

[فارس @عتيبه]

كالعاده مافيك حيله وخبارك يبو ردن وبيض الله وجهك

[غازي بن ردن]

اخوي ذيبان
صح بدنك
والله لايهينك

[غازي بن ردن]

ممدوح الروقي
صح بدنك
ولاهنت

[! محتميها !]

بيض الله وجهك يالذيب



وصح لسااااااااااانك



ويبشرررررر بعزززززززه ان شاء الله

[نمر العتيبي]

بيض الله وجهك وصح لسانك