احدى قصص الامير الشيخ الفارس حجرف الذويبي

[راع العرف]

اخي ابناخي الايدا
السالفه لاجحيد ولاشي ومثل ماقتلك عتيبه شرف لشبابه لكن عندي بعض المحاور اللي اكتشفت
فيها انك تنقل بدون تثبيت الا السوالف اللي لاتسمن ولاتغني من جوع وسالفة انهم جوه ناس من
الذيبه وقالوا له ارواح معنا وقالهم انا بخير هنا وكنت عندكم فقير واقل واحدفيكم لهي اضحوكه ومن نسج الخيال العامي اللي يضحك بالموضوع انك تقول انه صار شيخ ويقولهم انا صرت شيخ الحين والطامه بكلامك ان الذوبه بالمشيخه من قبل لاينولد الشيخ عياد الذويبي الحربي فكيف يجلي ويصير شيخ عليهم وفيه بالمشيخه ناس هذا دليل التلفيق بسوالف الشيبان اللي تقولها وعدم حبك الاختراعات لكن اسمع هالنقاط الله لايهينك وشوري عليك افهمها زين :
1- الذوبه اسره في بني عمروا من مسروح من حرب موجوده من قديم الزمان
ويعلم الله اني لم اسمع من اي حربي انهم من عتيبه والله على مااقول شهيد
و( المسلمون مأتمنون على انسابهم ) ولو الشيخ عياد الذويبي من عتيبه كان
سمعوا شيبانا هالكلام وسولفوا فيه لأن الشيخ عياد الذويبي فارس شجاع ولابد ان
يسألوا عنه وعن اصله وينكشف مثل ماحصل في كثير من القصص المشابه مثل
قصة مفضي بن ولمان الاحمدي الحربي صاحب البيت الشهير :
ياحمود يظهرلك صديق ٍ من القوم ** ويظهر من الربع الموالين عدوان
2- انت قلت ان الشيخ عياد الذويبي نزح مع بني عمر من حرب وهذا غير صحيح
على معرفة الكثيرين من حرب هذي ماهي مشكله رجعت بعدين وقلت بنص كلامك
( وفي النهايه الذويبي شيوخ من شيوخ حرب وانا عارف انهم لن يجنبون عن حرب )
الله اكبر عليك كل الذوبه ماهم من حرب يعني بالبدايه تقول عياد الذويبي جلى مع
بني عمر و من حرب وصار ولده الشيخ حجرف بعدين تقول الذوبه من عتيبه ؟؟؟ وكل الناس
تعرف ان الذوبه من اكثر من جد وان حجرف انقطع نسله وبعد يعرفون ان ماكل الذوبه
جدهم عياد الذويبي يعني لهم جدود ثانين ولايرجعون الذوبه للشيخ عياد الذويبي
والشيخ عياد الذويبي حربي بشهادة الكثيرين والذوبه اسره في بني عمروا من حرب
وموجودين بالمشيخه من قبل لايطلع الشيخ والفارس عياد الذويبي ومن قبل مولده
والشي ذا معروف عن الحروب انت الله يهديك من حفره بدحديره وانكشفت الادعاءات
من يوم قلت ان الذويبي من حرب ولن يجنبونهم .. صدقني قصة ان حجرف من عتيبه
مهزله كبيره ومن القصص الهزليه التي لا اصل لها .. وان اقولك ان البدو لايوجد عندهم
شي اسمه الجحيد من قديم وكلن يعرف ان البدو اول ( على وضح النقا ) ولو سمعوا
شيبانا كان علمونا لكن شقول الله المستعان ....
3 - انت قلت ان حجرف من الذيبه من عتيبه وكلنا نعرف ان اول تصير منازعات بين البدو
ويفضونها قليلين المروه للانساب ويشوهون صورة الخصم وهذا الشيئ حصل مع شيخ ثاني
ولاتروح بعيد كل القبايل مشهور بينهم قصة الشيخ الكريم تركي ابن حميد مع محمد ابن هادي
ولايوجد من لايحفظ قصيدهم ومساجلاتهم وقد قال محمد ابن هادي قصيده طويله
للشيخ تركي ابن حميد واذكر لك منها هذا البيت الذي اعلم انك تعرفه وقد ذكر في منتداكم
وهو ويقصد تركي ابن حميد : متوسط ٍ مابين عتبان وبقوم ** والله عليم بدق سلكك وجله
مارأيك ومع ذلك لم يرد عليه تركي ابن حميد لأنه نزل الى مستوى ان يتعرض النسب
ولكن هل تركي ابن حميد من البقوم ؟؟؟؟؟؟؟؟؟
لايوجد احد من قبيلة عتيبه يقر هذا الشيئ وكلهم ينازعون ويقولون انه من عتيبه
مع العلم البيت قيل من اكثر من 250 سنه ليس كما ذكرت انت عن حجرف في هذا الوقت وحجرف
وابوه عياد الذويبي موجودين من اكثر من 200 سنه مع ذلك لم اسمع في حياتي هذه المعلومه
وان كبير السن وعاشرت الكثيرين من افراد القبائل واكثرهم من قبيلة عتيبه ولم يذكرلي احدهم
ان حجرف وابوه عياد الذويبي من عتيبه لأن علاقتي فيهم قويه الى درجه كبيره ويستطيعون لو
عندهم هالمعلومه ان يقولو لي ونعود للشيخ تركي ابن حميد وللعلم فأن اغلبية شيبان قبيلة البقوم
يقولون ان تركي ابن حميد من البقوم وسوالف شيبان مثل انت ماتقول لاوفيها بيت شعر وقيل قبل
اكثر من 250 سنه يعني اثبات عيني عينك والدليل شعرف شيخ قحطان محمد ابن هادي بالبقوم الا انه سامع علم مثل انت ماسمعت وقبل كم قبل 250 سنه هل بسبب هذا البيت يتغير نسب شيخ شمل عتيبه
تركي بن حميدمن عتيبي الى بقمي معاذ الله لاتغير المهاترات وسوالف الناس من نسب شيخ معروف مثل تركي ابن حميد ........
واليك هذا التشابه بين ماقلت انت وماحدث مع الشيخ تركي ابن حميد :

أ: تقول ان العتبان يقولون ان الشيخ عياد الذويبي من عتيبه وهو من الذوبه من بني عمرو من حرب بشهادة الكثيرين من حرب..
والبقوم يقولون ان الشيخ تركي ابن حميد من الحمده من البقوم وهو من الكرزان من المقطه من عتيبه ب: تقول اسأل الشيبان عن ان الشيخ عياد الذويبي من عتيبه و البقوم اذا سالهم احد ونفى يقولون اسأل الشيبان عن ان تركي بن حميد من البقوم ..
ج: اذا سالتك الاثبات عن ان الشيخ عياد الذويبي من عتيبه قلت سوالف شيبان والبقوم اذا سالهم احد عن الاثبات يقولون سوالف شيبان ويرددون البيت الشعري اللي قاله ابن هادي
متوسط ٍ مابين عتبان وبقوم ** والله عليم بدق سلكك وجله .. وهذا الاختلاف....
4- يااخي الكريم انا لم اخذ بمقولة ( اغلبوهم بالصوت ) ابدا ً وماذكرته لك واقع ملموس
وانااخوك (( الحقوق تبغى حلوق )) وان انا ماتكلمت ولاتكلم عني احد بيجي اللي يصدق
كلامك والصوت ضروري في الذب عن شيوخ العرب اللي اصلهم معروف ولاتهرف بما لاتعرف
والترديد بدون اثبات من عادة الببغاء ؟؟ وسوالف الشيبان مااحد من الرواه يعتمد عليها نهائيا
ولو اذكر بمنتداكم قصه واعتمد فيها على سوالف الشيبان كان مابقى احد مااستهزئ وهي قصه
هذا اذا بقت ومحذفوها المراقبين فما بالك اذا كانت بنسب شيخ وفارس بمقام حجرف الذويبي ..
وانا ارجو من المراقبين انهم مايحذفون مشاركتي بسبب ذكري لقصة الشيخ والفارس تركي ابن حميد
ويعلم الله انني لم اقصد اسكات من يدعي على حجرف بهذه القصه ولكن ضربت مثال لكي يفهم مغزا
كلامي وهو ان العرب في قديم الزمان بينهم قليلين مروه يرمون الناس بانسابهم لكن ذلك لن يغير من نسبهم شئ والشيخ حجرف الذويبي والشيخ تركي ابن حميد متشابهه قصتهم ......
ولافرق بين الفارس والشيخ حجرف الذويبي الحربي والفارس الشيخ تركي ابن حميد العتيبي
لان مشاركتك يابناخي الايدا اخذت اسبوعين وهي تشوه نسب الشيخ حجرف
وانا اسال المراقبين بالله انهم يراعون مشاعر الاعضاء ويخافون الله ويعدلون
ولايبدون احد على احد ماهو يوم انذكر تركي ابن حميد يحذفون المشاركه وحجرف الذويبي
لها سبوعين ماانحذفت مااحد احسن من احد ؟؟؟؟؟؟؟؟؟؟؟
وتقبل تحياتي وفائق احترامي وتقديري