مراثى فى حنس بن شده

[توبان الروقي]

السلام عليكم ورحمة الله وبركاته

هذه قصيدة رثاء فالشيخ حنس بن طريخم بن شده رحمه الله للشاعر عويض بن شده المرشدي

نوحدك ثم نحمدك ياحي ياقيوم=الارزاق مكفوله والاجال مكتوبه
عبيدك بنو عبدك مانجزع من المقسوم=رضينا بما قدرت ياقابل التوبه
لكن للحزن بعيوننا والقلوب وسوم=ودعوات بالايدي مع الدمع مصحوبه
متى ما فقدنا غالي من زحول القوم=تبادل عزاه القوم والقوم مصيوبه
عرفناه حر ومات حر رفيع الحوم=سليل الحرار اللي على الطيب منجوبه
على عزة النفس العزيزه وهمه دوم=على الدين والطاعه بزاده ومشروبه
وعن الخوض بصدور المجالس جزيل علوم=ومجالس هل الاسفاف ماتلتفت صوبه
مايخطي لكن راع الخطا وارده ملطوم=اله هيبة في مجلس الطيب محسوبه
ذخائر معوض يوم لاهل النظا زيزوم=قيادي ورايه يورد الجمع مطلوبه
بعد تاهت الارياء على المورد المعلوم=ورد وانفرد بالراي لين استدلوبه
وعقب له انجال على الكايدات عزوم=عساهم بجنات الخلود يتلاقوبه
وحنس غاب مير اسمه مع الحاضرين يدوم=يحملونه الخمسه بقدره وماجوبه
لعل البقاء في روس منهم على المرحوم=عليهم من اوصافه ونهج<ن> على دروبه
على المرجله كل بسهمه يزيد السوم=وراياتهم في منبر العلم منصوبه