يامكثر الشعار في طيات بقعاء والبقاع ... غالب الذيابـــي !!!!

[غالب الذيابي]

.
.
.




بيض الله وجهك يا ناصر.. شاعر جزل ومنطوقك ذرب .. سعدت بمحاورتك..

والشكر للجمهور الحاضر .. الله يعطيهم الف عافية.
.
.
.
.
.

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[ابو صنيتان المباركي]

بسم الله الرحمن الرحيم
السلام عليكم ورحمة الله وبركاته
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
مبارك عليكم شهر رمضان وكل عام اونتم بخير تقبلوا خالص تحياتي
أخوكم ابو صنيتان المباركي

[غالب الذيابي]

.
.
.



المباركي..


رمضان مبارك وداخل بالخير على الامتين العربية والاسلامية

شكراً للتهنيئة هناك الله بالايمان وابلغنا وياك رمضان.
.
.
.
.
.

[برررق الحيا]

ناصر الجلاه

حنا نغوص البحر لو مال البحر غبه وقاع=لكن غالب لو يغوص يروح ليله سرمدا !!

غالب الذيابي

انته تغوص وسلعتك ضمن الجواهـر ماتبـاع=تلقى لها في سوق حيـا الله مجـاور وحـددا

امتاع بلا حدود فتل ونقض ونقض وفتل بكل قوة وجزالة يالله تزيدهم

آخر تعديل برررق الحيا يوم 08-Aug-2010 في 11:50 PM.

[معجب العتيبي]

ناصر الجلاه

لقيت غالب فالبلد يسعى ودار الله وساع = يامرحبابه لا لقيته معه فالقادي قدا !!
يامكثر الشعار في طيات بقعاء والبقاع = وياقل من نصغي لــ/قوله لاتجرى وابتدا !!

غالب الذيابي

يامرحبا ترحيب صافي من مطبات الخداع=يزيد قدر اللي يرده يوم محتاجه بدا
انته من اصحاب الكروش المتخمة والا الجياع= عطني خبر من شان نسري ليلنا لاخر مدا

ناصر الجلاه

فيك البقا وألك البقا واللي جلى الظلمه شعاع= نور الزمان اللي يوريك الرفيق من العدا !!
انا خويك فالمسيره باللسان وبالذراع = وانا خصيمك كان شيطانك من الفسقه عدا !!

غالب الذيابي

ان كان مافي الدرب طرفت المهم من المتاع=والا ترى الطرقة على من قدها ضاعت سدا
انته خويي دامت فجوج الوسيعة لي وساع=وان ضاق بي فجٍ(ن) تزيد الضيق وتسوم الجدا

ناصر الجلاه

تبى تبين الخافيه فالدرب وآمر الله مطاع = أما ذبحنا لك فدا ,الا على راسك فدا !!
لاصار مالك حيل لا تاقف على ريع السباع = ارتاح مانحتاج من شرواك طيب ولا ردى !!

غالب الذيابي

ان كان بانت شفت قلبك داخل ضلوعك رعاع=ازهم على عوّد الجلاه الميت وارسل له ندى
استفزعه ينجيك من ليل الهوايل والضياع=ترا براهينه لها تاريخ مبطي وشهدا

ناصر الجلاه

ياكبر جور صحيبنا ! ..وشلون: فكر واستطاع= فالكلمه اللي مالها في نجد منزل والهدا !!
انا حفيد الشايب اللي شاع ذكره ثم ذاع = صدقت مار انته حفيد لمن يابحر الندى !!

غالب الذيابي

احيان تجبرنا الظروف ولانحب الانصياع=والا ترا الكلمة لها شاهد وموحي وجحدا
وانا حفيد اللي نحوا جمع الشلاوا مع سباع=عن نزل ركبه من عصيم العلم باقي ماغدى

ناصر الجلاه

حنا نغوص البحر لو مال البحر غبه وقاع = لكن غالب لو يغوص يروح ليله سرمدا !!
يمكن فزع من بعد ماردت وفكينا النزاع = وألا برز فالمعركه في هرجتك هاذي بدا !!

غالب الذيابي

انته تغوص وسلعتك ضمن الجواهر ماتباع=تلقى لها في سوق حيا الله مجاور وحددا
شهودها أصحاب العقل ماهمب في سن الرضاع= هداك ربي للكلام الصدق والا ماهدى

التوقيع

[غالب الذيابي]

.
.
.
.



شكراً معجب على هذا الملخص للمحاورة.

.
.
.
.
.

[حاكم الغنامي]

صحت السنتكم




عمالقه




لاهنتم

التوقيع

سبحــــان الله وبحمدهـ hakem81@live.com