يامكثر الشعار في طيات بقعاء والبقاع ... غالب الذيابـــي !!!!

[رعد الروقي]

ما شاء الله



ناصر // غالب



منكم الابداع ومنا المتابعة




صح السنتكم

[معجب العتيبي]

ناصر الجلاه

لقيت غالب فالبلد يسعى ودار الله وساع = يامرحبابه لا لقيته معه فالقادي قدا !!
يامكثر الشعار في طيات بقعاء والبقاع = وياقل من نصغي لــ/قوله لاتجرى وابتدا !!

غالب الذيابي

يامرحبا ترحيب صافي من مطبات الخداع=يزيد قدر اللي يرده يوم محتاجه بدا
انته من اصحاب الكروش المتخمة والا الجياع= عطني خبر من شان نسري ليلنا لاخر مدا

ناصر الجلاه

فيك البقا وألك البقا واللي جلى الظلمه شعاع= نور الزمان اللي يوريك الرفيق من العدا !!
انا خويك فالمسيره باللسان وبالذراع = وانا خصيمك كان شيطانك من الفسقه عدا !!

غالب الذيابي

ان كان مافي الدرب طرفت المهم من المتاع=والا ترى الطرقة على من قدها ضاعت سدا
انته خويي دامت فجوج الوسيعة لي وساع=وان ضاق بي فجٍ(ن) تزيد الضيق وتسوم الجدا

ناصر الجلاه

تبى تبين الخافيه فالدرب وآمر الله مطاع = أما ذبحنا لك فدا ,الا على راسك فدا !!
لاصار مالك حيل لا تاقف على ريع السباع = ارتاح مانحتاج من شرواك طيب ولا ردى !!

غالب الذيابي

ان كان بانت شفت قلبك داخل ضلوعك رعاع=ازهم على عوّد الجلاه الميت وارسل له ندى
استفزعه ينجيك من ليل الهوايل والضياع=ترا براهينه لها تاريخ مبطي وشهدا

ناصر الجلاه

ياكبر جور صحيبنا ! ..وشلون: فكر واستطاع= فالكلمه اللي مالها في نجد منزل والهدا !!
انا حفيد الشايب اللي شاع ذكره ثم ذاع = صدقت مار انته حفيد لمن يابحر الندى !!

غالب الذيابي

احيان تجبرنا الظروف ولانحب الانصياع=والا ترا الكلمة لها شاهد وموحي وجحدا
وانا حفيد اللي نحوا جمع الشلاوا مع سباع=عن نزل ركبه من عصيم العلم باقي ماغدى

التوقيع

[غالب الذيابي]

.
.
.
.


مرحبا بك العمدة .. شرفت ياعزيزي.
.
.
.
.
.
.

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[برررق الحيا]

صح السانك الجلاه وصح السان غالب شعار وطاروق وصفه من شعاره

لاهنتوا لكن لاتوقفون الليله معكم على الصف ننقز ونتمايل


أبيات تحتاج على عندها تغني عن كتابة تعريف للشاعرين الكبيرين

انته من اصحاب الكروش المتخمة والا الجياع
عطني خبر من شان نسري ليلنا لاخـر مـدا

انا خويـك فالمسيـره باللسـان وبالـذراع
وانا خصيمك كان شيطانك من الفسقه عدا !!

تبى تبين الخافيه فالدرب وآمـر الله مطـاع
أما ذبحنا لك فدا ,الا على راسك فـدا !!
لاصار مالك حيل لا تاقف على ريع السباع
ارتاح مانحتاج من شرواك طيب ولا ردى !!

[ناصر الجلاه]

..

حنا نغوص البحر لو مال البحر غبه وقاع = لكن غالب لو يغوص يروح ليله سرمدا !!
يمكن فزع من بعد ماردت وفكينا النزاع = وألا برز فالمعركه في هرجتك هاذي بدا !!

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com

[ناصر الجلاه]

..

العمده

..

صح بدنكـ وحضوركـ يشرفنا

لاهنت

..

[ناصر الجلاه]

..

برق الحيا

..

صح بدنك .. حضورك يشرفنا


لاهنت

..

[ناصر الجلاه]

..

غالب الذيابي

..

صح بدنكـ ياغالب والتقفيل عندك .. عندنا دوام والجايات اكثر


شكرآ على تلبية الدعوى يابن العم

دمت


..

[ناصر الجلاه]

..

معجب العتيبي

..

تواجدكـ المستمر يابوسلطان يزيدنا فخرآ واعتزاز

لاهنت

..

[غالب الذيابي]

المشاركة الأصلية كتبت بواسطة ناصر الجلاه

..

حنا نغوص البحر لو مال البحر غبه وقاع = لكن غالب لو يغوص يروح ليله سرمدا !!
يمكن فزع من بعد ماردت وفكينا النزاع = وألا برز فالمعركه في هرجتك هاذي بدا !!

انته تغوص وسلعتك ضمن الجواهر ماتباع=تلقى لها في سوق حيا الله مجاور وحددا
شهودها أصحاب العقل ماهمب في سن الرضاع= هداك ربي للكلام الصدق والا ماهدى