قصيدة مدح واطراء في قبيلة عتيبه للشاعر الكبير /حمدان العصيمي

[ولدعساف]

بسم الله الرحمن الرحيم
السلام عليكم ورحمة الله وبركاته........ وبعد
هذه قصيده للشاعر / حمدان العصيمي
تعبر القصيده عن مدى حب الشاعر لقبيلته (قبيلة عتيبه) ومعزتها عنده بحيث قام بذكر بعض غزاويهم وافعالهم في الماضي والحاضر وذكر بعض (عدد بسيط) من اعيان هذه القبيله العريقه وفرسانهم وشجعانهم
ولانطيل عليكم والى القصيده

يالله يامعبود ياحي قيوم=ياللي على تبديل الاكوان قاوي
تفرج لقلب(ن) به هواجيس وهموم=طاويه من هاجوس الايام طاوي
تغير الايام يوم(ن) بعد يوم=ولافيه يوم(ن) مثل يوم متساوي
والسر مابين المعاليق مكتوم=والجرح يلقا له طبيب(ن) مداوي
جني بنات الفكر مع لذة النوم=صحيت من نومي وانا له شفاوي
جبت القلم والبوك مغرم وملزوم=شعري غني وانا بشعري غناوي
طرى علي القوم ومواجه القوم=على ظهور مبعدات الغزاوي
قوم(ن) لهم طبع وتقاليد وسلوم=اكل عليها الدهر عشر المطاوي
ماعاد باقي غير تاريخ وعلوم=ورواية(ن) يروي بها كل راوي
يوم القبايل بين هازم ومهزوم=لي عزوت(ن) منها تهاب العزاوي
لاوسع الميدان لرماح وسهوم=ربعي عتيبه مخلفين الهقاوي
اليا اقبلوا ركابة الخيل حثلوم=اهووا عليهم مثل نجم(ن) سماوي
وان حطوا الميعاد في يوم معلوم=للخيل خياله وللموت هاوي
العمر له ساعات والاجل محتوم=والصبر عروانن قوي العراوي
دقلاتهم جمع(ن) مثل دولة الروم=بندق وسيف وضرب رمح(ن) قناوي
وهيبة رجال بينها الراي مبروم=يكفيك عنها مايقول الخلاوي
لطامة العايل وذباحة الكوم=بالعسر فايام الزمان القساوي
اول منازلهم ورى ضلع الاكموم=غربي حضن شرقي طوال النزاوي
والله جعل نجد(ن) من الغيث مرحوم=وعليه من مطلع ربيعه مهاوي
تشاوروا بالراي والامر محسوم=وكل(ن) على الطرقه معزم وناوي
شجعان مافيهم دراويش ورخوم=انحوا كما سيل(ن) مسيله نحاوي
مع دربهم طير السعد يدرج الحوم=يبا العشا قدامه الليل ضاوي
والله كتب والله قسم كل مقسوم=وصب البلاوي في نحور البلاوي
وراحت قبايل نجد شتان وقسوم=وصفا جنابه من جميع البداوي
وارست قواعد مجدنا دايم الدوم=فالديره اللي ماتجي بالمناوي
ماجت بحبة روس واكتاف وخشوم=الا بعد جاء للمشوف ثعاوي
في ظل شيخ(ن) عنده الراي محكوم=شيخ(ن) يصدر معضلات الدعاوي
تركي ليا عرض(ن) الارواح للسوم=حماي قطعان البدو والشواوي
ومصلط كما حر(ن) مع الجو صاروم=يهوي على خشمه هواية نداوي
وهذال اخو هملا ومقعد وسلوم=وابا العلا وايضا بخيت العطاوي
وابن محيا هيبته ترخي الزوم=يشهد على فعله كلام الفراوي
ومرزوق ابن وبصان فارس وشغموم=والهيضل الهيضل بعيد النعاوي
والشيخ ابن جامع له المجد مرسوم=والضيط جاله مزبن(ن) للجلاوي
ومحمد العبود هام العلا هوم=وقشعان من دون العشاير فداوي
وخزام لمعارك الخيل خازوم=شيخ(ن) لميدان المعارك هواوي
ومحسن بتاريخه عن المدح مخدوم=وزريب لا رد البرا مايراوي
واللي بقى مجده مخلد ومفهوم=وارجوا السموحه من جميع النحاوي
امدح بني عمي ولاني بمليوم=حبلي على هداج تيما رهاوي
وكل القبايل بينها الطيب مقسوم=يوم اعتلاج الخيل والذيب عاوي
واليوم حنا شعب مكرم ومحشوم=في ظل سيف العدل واهل التساوي
آل السعود مناصرة كل مظلوم=درع الجزيره للشريعه لجاوي
واختامها عداد ماهل ديموم=صلوا على راع المقام النباوي

صح لسان الشاعر/ حمدان العصيمي

واتمنى ان تكون نالت على اعجابكم واستحسانكم

منقووووووووووووووووول ...

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[محمد العتيبي]

قصيده رائعه من ابو راكان .. صح لساااانه

وصح لسانك ولاهنت ياولد عساف ..

تحيتي لك
..

التوقيع

للتواصل عبر twitter تويتر al_bargawy@

[ضيف على عتيبة]

صح لسان العصيمي

ونعم والله بعتيبة

لاهنت اخوي وتقبل مروري

[فـارس الـهـيـلا]

يوم القبايـل بيـن هـازم ومهـزوم
لي عزوت(ن) منها تهاب العـزاوي
لاوسـع الميـدان لرمـاح وسهـوم
ربعـي عتيبـه مخلفيـن الهـقـاوي
اليا اقبلـوا ركابـة الخيـل حثلـوم
اهووا عليهم مثل نجـم(ن) سمـاوي
وان حطوا الميعاد في يـوم معلـوم
للخيـل خيالـه وللمـوت هــاوي


قصيدة رائعه وجميلة في مدح عتيبه

وصح لسان ابو راكان

شاعر جزل ولا يجي منه الا الجزل

لاهنت

[يوسف العازمي]

صح لسان الشاعر الكبير : حمدان العصيمي

ولاهنت على النقل يا ولد عساف

[ولدعساف]

المشاركة الأصلية كتبت بواسطة محمد العتيبي

قصيده رائعه من ابو راكان .. صح لساااانه

وصح لسانك ولاهنت ياولد عساف ..

تحيتي لك
..

صـح بــدنـك يالعتيبي والله لآيهينك ..

,,,