خروج قبيلة عنزة من نجد(بحث موثق)

[الفراتي]

فيصل محمد الرويس

اشكرك جدا على طرحك الصادق والصريح

----------------

خلف العتيبي

انت قرأت الموضوع وشفت المصادر من اين اقتبست على مااظن

وازيدك بعد

الرحّالة الانقليز والالمان والسويسريين ..

ذكروا في مخطوطاتهم حينما اتوا الى (نجد والشمال والشام والعراق)

بأن رحيل عنزة من نجد كان بسبب الجدب والمحل اللذي اصاب نجد فترة من الزمن ...
والدليل القاطع انهم اتوا في وقت هجرتهم يعني
في قرن 1100 ووو 1200 ووو 1300 ... يعني معاصرين الحدث عيني عينك ..

واثبتوا جميعهم ان هجرتها بسبب الجوع والقحط ,,,
ولايعرفون عنزة وغيرها .. يكتبون مايحصل امام اعينهم

وجميع الكتب اللتي تنفي ذلك ..
كتّابها معاصرون الى الان يعني احياء ،،
من اين اتوا بالدليل وهم في عصرنا الان ..
استقوا من كلام الكبار ... لايكفي كـ دليل قاطع
اباءنا ليسوا انبياء ،، على اساس نصدقهم .. عندهم اخطاء فادحة وكثيره

وجميع وقعات مطير مع (الجبل وو الدهامشة) من عنزة فقط لاغير ..

وهم آخر من بقي من عنزة في نجد ..

اذكر لي وقعه حصلت مع غير الفخذين ذولي ..

هذا ان بيّن ، يبين ان البقية ليسوا موجودين في نجد ..

اي ان مطير اتت ونجد لايوجد فيها :

الا الجبل وهم حماعه آل هذال
والدهامشة وهم جماعه ابن مجلاد

والادلة كثيره جدا جدا ..

تمعن بالقصيد هذي .. والقدامى مايجحدون

قصيدة الشيخ عبدالله بن ماجد بن عبدالله الهذال قصيدة يتوجد على نجد وما أصابها من قحط بعد استقراره في الجزيرة بالعراق :

يانجـد لاجـاك الحيـا نـادي لنـا=وشبي لنا بـراس المقوقـي نـار
يا نجد لاجاك الحيـا وصـي لنـا=وان زان وقتـك فارسلـي عمـار
عبدٍ خذاله زوجه من هـل القـرى=شارت عليـه وطـاوع الاشـوار
ومن طاوع العذرا على غير صايب=يصير كما اللـي ضـاع بالنهـار
جلس قليل الفود من شـان الغنـم=وخلا بنات الهـرش معنـا ابكـار
حلفت انا يانجد مارخصك عنـدي=مير الدهـر والوقـت فينـا جـار
سبعة سنيـن مالمـع فيـك بـارق=مات الحـلال ويبسـت الاشجـار
حاميك انا يانجـد بالرمـح والقنـا=في لابة تسقـي الخصيـم امـرار
حنا شبات الحرب صبيـان وايـل=ملجأ الضعيـف مدلهيـن الجـار
حنا أهل العـادات اخـوان بتـلا=الـى جفتنـا الــدار نلـقـا دار
لاجارت علينـا الديـرة وامحلـت=نلقـا لنـا ابـدار العـدو معبـار
نجي على وضح النقا ونرهب العدا=مــا كنـنـا الا يـمـهـم زوار
يانجد شفي فيـك طيـرة وعيـرة=وغمر الحطب لاحط فـوق النـار
أقفيت من عنـدك بنمـرا ضريـة=عسامها يغطـي الجبـال اغبـار
أدنـا منازلنـا بـوادي النعـايـم=واقصـى منازلنـا بغـار انشـار

وهذي من قصيدة الشيخة لمشعان بن هذال الـ (95 بيت) :

لياما نخونا اللي على نجد حضار=وجانا كتاب من زبن المقاصيـر
ماجد بن عريعر حر الاوكـــار=يقول وليت داركم يالمناعيــــــر
الشيخ اللي حيف على البيض بالغار=يقول حل بداركم (حرب ومطير)

الى ان قال :

نجد جفتنا وكل دارٍ لنا دار=ماهي معافة مير جوع ومداهير

والاثبات ايضا يوجد في تركيا (انقرة) مكتبة خاصة بتاريخ الجزيرة العربية
وحركات القبائل ونزوحها من موقع لآخر ..

وتعرف الدليل القاطع اخوي خلف


وشكرا للجميع

آخر تعديل الفراتي يوم 17-Nov-2007 في 12:51 AM.