مشكله بين بن شايق والقرقاح

[المثالي]

اطرح بين ايديكم مقطع من رباعيه كانت تجمع القرقاح وبن شايق

ضد زيد سلمي و بن عتقان ..هذا هو اللي البين للمتابعين لكن الحقيقه

ان القرقاح يلعب ضد بن شايق وبن شايق كذالك .

وكان اللي بدا الرباعيه القرقاح بموال ملغم وقوي

يقول القرقاح

بعد انتظار طويل وغيبة حده ..
لبى بن شايق طلب ربعه هل الرده
واللي ما فرح برجوعه نعنبو جده ..
ما نور الساحه الا منبر الساحه .

تباشروا ياقحاطين .... بالجحدري والعبيدي

(يقصد نفسه وشاعرجحدري غير بن شايق)

(انى بتكلم على المكشوف قصد القرقاح
انه ما لم يفرح برجوع بن شايق ...ولعن جده كذالك )


اما بن شايق كشف لغم القرقاح ورد بنفس الطريقه .


هذا فلاح العبيدي صامل الهده
وان جات للجد سيف ٍ صاطي ٍ حده
والله ما يسمع بجده نعنبوا جده
.....................

قحطان وعياله اثنين .... والرقم مثله يزيدي

(بن شايق عد نفسه والمكودر اللي كان في نفس الحفله )


( وااللي ما يسمع بجده يعني اني انا يا بن شايق
وما سمعت بجد القرقاح ولعنه كذالك )


قال القرقاح في الشيله


االمال مالي يا مسكين ... وزيادته في رصيدي



(يقصد ان كل شاعر قحطاني يجي يحسب رصيد للقرقاح )



قال بن شايق


نا معي نازع الدين .... ومع بن عتقان زيدي


(يمجد الشاعر اللي يقصده ويقول ان اللي تقصده يالقرقاح زيدي (يماني )



ثم قال القرقاح


وش دخلك في بلاتوثي وجوال
اللي يجيني بها الارسال مبثوثي
يا ابو وجه ملتوي كنه وجه حوثي
..............................

جنبي صعوط المجانين ... وارسي والاوضاع فيدي




(موجهه بشكل واضح لبن شايق وحيث انه سبق ان ذكر البلوثوت
في حفله قبل محفلهم هاذا مع زيد .)

المكشوف للجمهور انه يقصد بن شايق وانه جنبه فالرباعيه لكن القرقاح
يتكلم عن نفسه وعن من قصد من الشعار .


قال بن شايق

حنا الشيوخ السلاطين ... زبيبه ام الرشيدي


(يقول حنا يالعواطف شيوخ والا انت ولد ريفه وهذاذي لها مقاصد واهداف كثيره )


والعذر منكم كان حصل خطا