ديوان الشاعر ماجد بن عبود بن مزيد بن مغيرق

طي
X
 
  • التوقيت
  • إظهار
مسح الكل
المشاركات الجديدة
  • أبو محالة
    عضو فعال
    • Jul 2005
    • 136

    #16
    حل الجفا والبين بين الأقارب

    المناسبة : هذه الأبيات جادت بها قريحة الشاعر : ماجد بن عبود بن مغيرق .
    حول عن ملاحظته المجتمع وما يشاهد وما يسمع عن الفيروس الذي أصاب المجتمع بوجه عام.


    [poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]


    حل الجفا والبين بين الأقـــــــــارب = وبان الخلل بنفوسهم والتخلخال
    بعض الأقارب مثل سم العقــــــارب = داخل خلايا الدم والسم قتال
    أوكار للغيبه وعش ومــــــــ،ـتتـزارب = حكّاية المجلس خبيثين الأعمال
    يرمون غافلهم بعشـريــــــــن ذارب = نتابة المقفي بالأقفا والإقبـــــــــــــــــــــــــــــــال
    حديثهم عند الجميع متضـــــــــارب = أوباش خلق الله عسى ما لهم تـــــــــــــــــــــال
    وحتيش لو ربوا دقونو شـــــــــوارب= وتلبسوا بلباس لباسة الشـــــــــــــــــــــــــــــال
    وسلم العروبية وسلم العـــــــــارب = ما عاد له قيمه وطاري على البـــــــــــــــــــــــال
    حلقاتهم فيها شكوك ومــــــــــآرب = وأمرا منهم صابت نساءهم والأطفـــــــــــــــــــال
    رعيان ضين وبالمضاجع ضـــــــوارب= وعند اللوازم مالهم دور وأفعـــــــــــــــــــــــــــــال
    وشبابهم بالليل تحت الكهـــــارب = في ساعة ممنوع فيها التجـــــــــــــــــــــــــــوال
    هاذي سمات أهل الوجيه الأتــارب = وعلاجهم بتر عضو كـــــل ختــــــــــــال
    لو صابهم ما صاب اهل سد مــآرب = تذّكروه وحدثوا به للأجـــــــــــــــــــــيال
    البعد عنهم مثل شمس المغــارب = أخير من قرب النعــــــــــــــاتيه والأرذال
    لاحظت هذا من خلال التجـــــــارب = في كل بيت وحي واقــــــــــــع ولا زال
    ما كل من حط له لحيه وشــــــارب = تحكم عليه أنه مثالي ورجــــــــــــــــال
    من حش ذاك وذاك ما له مهــــارب = ما ينتبه قدام يطبع بالأوحــــــــــــــــال
    زرقه تهاذب مثل شيب الغــــــوارب =جره لسانه للإهـــــــــــــــــانه والإذلال
    لو تنهمه وتعاتبه فر هــــــــــــــارب= أشرد من اللي بالرحل يهذل أهـــــذال
    عقله وعقل أبا الحصين متقـــــارب = والحصني أذهن منه في كل الأحــــوال
    علباه يندس سمون المصــــــــارب = ولحيه على الأكلات ماهوب بطـــــــــال
    هذا إنطباعي عن عفون الأقــــارب = كل أعوج يشهد لسانه بما قــــــــــــال
    أهل التيوس اللي فحلها يطــــارب = لا قدموها بين شاري ودــــــــــــــــــلال
    لولا الحيا كدرت صفو المشــــــارب = وشهرت بأسمائهم على رؤوس الأقذال
    وضحت ما شاهدت وامقت وأحارب = مجالس أهل الخبث والقيل والقــــــــال[/poem]

    تعليق

    • أبو محالة
      عضو فعال
      • Jul 2005
      • 136

      #17
      بسم الله الرحمن الرحيم

      مشاهد ومقارنة اولاد حارتنا باولاد جماعتنا
      هـذه الـقـصـيـده :لابي طلال ماجد بن عبود بن مزيد بن مغيرق
      بـصـدد مـانـشـاهـده فـي الـمـجـتـمـع واولاد حـارتــنــا وجــــمــاعـــتـــنــــــــا
      مـن عـدم الاقـبـال عـلـى الـتـعـلـيـم بـدافـع وواعـز والانـهـمـاك فـي تـقـلـيـد الـعـمـي
      وبداية القصيده كالاتي:


      [poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]

      اشوف اعيال حارتـنـا واقـاربنا ياوي اعيـــــــال = بمظهرم ومنظرهم والجوهر يجلب الريبه
      مهما نشجع وننصح على التعليم ماش اقبـــــــال = وعـنـد الامـتـحـان يـبين التـقصير والخيبه
      تـركـد يـاطـلال ولاتـصـاحـب شـلة الانـــــــذال = نصيحة واحدٍ ينصحك من واقع تـجاريـبـه
      يقولون الرجال اهل الفهم ترى الرجال اشكـــال = رجـل ترتاح له والاخـر يحـق لـك تجنـيبه
      فيهم صندوقٍ مقفل بفولاذٍ من الاقفــــــــــــــــال = ما تشره في مفاتحــته ولافرة لــــــوالـيـبـه
      وفيهم جاهل مغربل حياته حياته كلها غربـــــال = دايم نفسه مزايمته وافكار الجهل تـــدويبه
      برايه منفرد مايسمع الناصح ولا الــــعـــــــذال = سواة الساذج اللي عقله الجاثوم ساريـبــــه
      متى يتبين الرجال للسائل هنا الــــســــــــــــؤال = من المنطق ورأس لسانه الى قام يـهـذيـبـه
      تعرفه من علومه مايبي لك نشــــــــــــده ودلال = عنوانه منطق لسانه يظهر صدقه وتـكذيبه
      يجيك غليمٍ مغتر في زوله وفيه اخبــــــــــــــال = مغرور والده ما حسن بتربـيـتـه وتـأديـبـه
      الى ناظرت بالصوره والزول من اكبر الازوال = ولاحققت بالنظره ظهرماكان يخــفـــي به
      في المظهر ليا منك لمحته بالنظر رجـــــــــــال = وفي الجوهرصفر لو طول اثيابه واشانيبه
      الى جاءك يتمايل بالعباه ونكس اله عقـــــــــال = وخش المجلس وعدا يبي مركن يتــكي به
      وهو من خاملين الذكر ماله قيمه ومنــــــــــزال = لبس ثوبٍ ماهو ثوبه وهو معروفٍ ثــويبه
      طلع عن حجمه وتالي زمانه صار فيه اهبــــال = طوير الحمرا تالي زمانه يـلــوي اذنـيـبـــه
      لو توديه سوق الرق مايسوى هلل و ريــــــــال = ولاحدٍ يلتفت له بين بــايــعبــه وشــاريــبـه
      ياليت الله خلق للخبل في وجهه علامة خــــــال = علامه يعرف إبها بين خـــلانــه واقــاريبه
      مثل خطو الهبيل اللي لسانه بالهذر ختــــــــال = قبل يكشف عيوب الناس اولابه يكتشف عيبه
      بكره لاقرب الميزان بيوم العرض والأهــــوال = يعض ابهامه ويندم الى عرضت مــكاتيـبه
      مافكر كيف مظهاره قبل يقدم على المدخـــــال = ولامــنه تـنـدم قـام يـنـفـض ثـوبــه وجـيـبـه
      عسى فاله نهار العرض ماهو للصديق بفــــال = هــذا خـسـران بـالـدنـيـا وبـاخـرتـه عواقيبه
      الى عرضت موازين العمل والعدل والمعــدال = احدا تـرفـع مـوازيـنـه واحـد للهـوى تهويبه
      وانا مااقصد بها زيداً ولا عمرا ولا هـــــــلال = حديث المجتمع في كل حي وبيت نوحـي بـه
      ولاحـــــد سـالـم مـن الـنـاس ذا طـيـب وذا بـطـال = لكن الطيب تغطي مزياه لعذاريـــبـــــــــــه
      واهل العقول في راحه والــعـقـل زيـنـة الـرجــال = وان زال العقل لاهامة ولا وده ولاجيــبــــه
      العـــاقل يعـقل لـسانـه ويخـشــى الـعـالـي الـمـتعال = مثل ماكون ابن ادم باحسن صوه وتركيــبـه
      وانا من صغرتي مارتاد اوكارالقيل واهل القـــــال = واهل المجالس اللي تجلب الي الشك والريبه
      مثل ماقال الاول كان مانته للحمل شيـــــــــــــــال = جنب عن صحبة النمام ولا تشذب عراقيـبـه

      واختمها بطلبة خالقي في صالح الاعمـــــــــــال = ومن يطلب ولي العرش ماخابت مطاليـبــه
      بصلاة لي وتسليمه عدد مايمطر الهمـــــــــــــــال = على شفيع كل الخلق اللي مزاره بطيـبــــه








      [/poem]

      تعليق

      • أبو محالة
        عضو فعال
        • Jul 2005
        • 136

        #18
        فشل مؤتمر واي وكروزما مر بسماي

        الى سامعي الكريم :
        هذه قصيدة قالها الشاعر ابو طلال ماجد بن عبود بن مغيرق وعنوانها
        فشل مؤتمر واي وكروزمامر بسماي
        وفحواها تنم عما حدث من خلال الحرب او الهجمه الشرسه التي اطلق عليها ثعلب الصحراء
        لضرب العراق مساء يوم الاربعاء الموافق 28شعبان لعام 1419هـ
        واستمرارها الى صبيحة يوم الاحد الموافق 2رمضان للعام الجاري بعد ماتم تدمير بغداد والبصرة
        وغيرها وجادت قريحة الشاعر ابو طلال ماجد بن عبود بن مغيرق من خلال متابعته للاحداث
        والقصيده كالاتي :


        [poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]

        يا سامعي هاذي خواطر وتذكـــيــر = من بدوي الصحراء سعودي عـتـيـبــي

        ماني من أرباب القلم والتفاكــيــــر = ولا باحث مفكر ولانــي خـطــيــبــــي

        ولاني مراسل بالصحف والـتـقـاريـر = ولالي نشاطاً بـيـن كـاتـب وأديــبــــي

        بين السموم وبين لـفـح الـمـعاصير = أسرح مـع رعـاة الدبـش والـعـزيـبــي

        فكري مع الخلفات وتبع المعـاشيـر = وأنقل خيامي من شعيب لـشـعـيـبي

        وبيت الشعرسكني من الهضب للنير = وزادي تمر حولي وطاسة حـليـبـــــي

        ويقودني للشعر لحن ومـجـاريـــــر = ومهما رفعت الصوت مالي مجـيـبـــي

        مثل الغريق اللي وقع بأسفل البير = وزمى عليه الماء وجم القـلــــيـــبــي

        وأتابع الأخبار وأحداث تـثــيــــــــــر = ومناورات الغرب وأهل الــصـلـيـبـــــي

        كلنتن غدا قاضي لجمهور شامـيـر = ما بين أهل غزه وأهــل تـــل أبـيــبي

        يحكم بحكم الجور والظلم والنـيـــر = وأصبح محامي لليهود ونـقـيـبــــــــي

        المؤتمر فاشل بكل المـعـايـــيــــــر = فاشل وأبو عـمـار مـالـه نـصـيــبــــي

        سلام مغلف بـخـدعــــه وتــزويــــر =وقاضي بني صهيون شرس ورهيـبي

        بعد لبس غترة عـرفـات تـقـديــــــر = هدية لرئيس أمريكا الـمـهـيـبـــــــــي

        وتصفيق واستقبال وحشد وطوابير = للرئيس ولام الجبين المخـيـبـــــــــي

        بمكبرات الصوت وحفل ومـزامـيــــر = ويقول أنا المنصف لمن يلـتـجـيـبــــي

        وملصقات العار ونشر الـتصاديـــــــر= لأكبر عـدو لـلـعـروبـه مــهيـبــــــــــي

        وأستبشرت غزه وغرد بها الطـيــــر = ولبست ثياب أعراسها للخطـيـبـــــي

        ثياب الهزائم فضلوها المـنـاكـيــــــر = وحنا لبسناها شـبـابـاً وشـيـبـــــــــي

        المملك كلنتن وشـارون حجـيــــــر = وأصبح نـتـنيــاهـو أقــرب قــريـبــــــي

        في قبضة أكالة لحوم الـخــنـــازيــر = ويوم الفرح بدل بـيـــوم عـصـيـبــــــي

        عليهم اللعنة وصالي زمـهـريــــــــر = يـالله لـدعـوة عـابـدك تـسـتـجـيـبـي

        مفتاح غزه في يدين الـمـغـاويــــــر = عسكر نــتـنـيـاهـو لهـا أقرب قـريـبي

        يا طامع بالقدس من دون تـحـريـــر = عنك ابعد من الشمس وقت المغيبي

        القاضي أخفق واختلق له معاذيـــر = منها يشيب الراس قبل الـمـشـيـبـي

        من عثره بعثره ولا فيه تـغـيــيــــــر = وإلى متى يبقى وطنا سـلـيـبــــــي

        نصب لأبو عمار فـخ وخـوابــيــــــــر= وفخين لشعوب الهلال الـخـصـيـبـــي

        وجانا خبر ةأحدث في الجو تعكيـر = منه الشجاع يخاف قبل الرعـيـبـــــي

        وهل الهلال ونـور القلب تـنـويــــــر = هلال رمضان لطلته نـستـجـيـبـــــي

        وهل بسماء بغداد صـاروخ شـريـــر = من صوب صاحبنا الخليل الصحيـبــي

        قدم لنا وجبه وجرعات تخديـــــــــر = وبالشرق الأوسط صارخصم وطليبي

        بحلول شهر الصوم واليمن والخيـر = هل بسماء بغداد هلالٍ غريــبـــــــي

        دار السلام ودار كل المشاهـــيــر =غدت هدف لكروز وهوك العطــيـبـــي

        ومقاتلات تمطر الجو وتـغـيــــــــــر = وأهدافها شعب العراق الحـبـيـبــــي

        لضرب العراق وخنق صوت الجماهير = هذا قـتـيـل وذا جـريـح وصـويــبـــــي

        تقذف قنابلها وتـلـقـي مـنـاشـيــــر = لتبديل هدام بـعـمـــيـلٍ ربـيـبـــــــي

        ينفذ أمـر الـسيـر مـن دون تـقـصـير = ويمشي لهم صاغر وطـايع وأديـبــي

        مخططات الغرب تحبك بـتـدبــيـــــر = للهيمنه على الهلال الـخـصـيـبــــي

        على سماء بغداد هجمه وتدمــــير = وعلى لواء البصرة جحيم ولـهـيـبـــي

        شعبً يـبـاد وشعب يدفع فـواتـيـــر = وشعبً ذليل وصامت ومسـتصيـبــي

        وشعبً مطوق بالحرس والنواطـيــر = وشعبً كما المسجون ماله مجيـبي

        وشعبً عليه أقيود وحفر وخوابـيــر = عراقي وسوداني وسوري ولـــيـبــي

        بأمر وفكر من طور كروز تـطـويــــــر = وحنا ستاتً بين غلب وغـلـيـبـــــــي

        الغرب يضربنا وحـنـا مـثــابـيـــــــــر = وأوطـانـنـا مـا بـيـن نـهـب ونـهـيـبـي

        تمهيد للتبشير و دعوات للتـنـصير = مـا فـيـه شك ولا شكـوك وريـبــــي

        نبكي ونتباكى بحيره وتـحـيـيــــــر = والحرب تحصد كل رملى وبـيـبـــــي

        بأن الخلل فينا وصرنا معاثـيـــــــــر = وذعر الهلع بأجسادنا له دبـيـــبــــي

        بأسباب دكتاتور مـجـرم وشـريــــر = حطم قوى شعبه وراحت حطـيـبــي

        نطأطئ برؤوس مثل رؤوس العصافير = وأصابنا الذعــر ورداة الـنـصـيـبــــــي

        اليوم في بغداد وبكره على الغيــر = وبوادر أحـلام اليهودي قريـبـــــــــي

        من دجله إلى النيل حلم الخنازيـر = حلم خطير وبات في حكم غيـبـــي

        ومن غربي المغرب وطنجه وأغادير = إلى أرض الخليج معرضه للهـيـبـي

        أرض العراق تدك من دون تـبـريـر = بأوامر كلنتن ومن له ربـيـبــــــــــي

        ثعلب أمريكا والذئب توني بلـيـــر = أصبح علينا ثعلب الغرب ذيـبــــــــي

        ينظر لنا نظره مهونه وتحـقـيـــــر = وحنا السبب ما فيه شك وريـبـــي

        ومن لا أمتثل لأمره يواجه بتعزير = وأكلنتن القاضي وأخوه الطبـيـبـــي

        نتسيده ونقول يالسير يالسيـــر = وننصاع لأمره طوع من غير طيــبـي

        فرض علينا الذل وهاذي مقاديـر = مثل العبيد لعاكفين الصليـــــبــــي

        وأهل الخليج أكل ونوم وتعاميــر = ولعب البلوت وكبسه بالزبـيـبـــــــي

        ذباحة الكنعد ورؤوس الهواميـــر = وإن صاح جار السؤ جونا هريـبــــي

        يالله لا تجزي حزب البعث بالخير = شقر عصا الأمه ردي النصيـــبـــــي

        للطيب والمعروف ناكر ونكـيـــــر = ومن ينكر الحسن له الله حسيـبـي

        والمملكه شعبه إلى جوا طوابير = مع حاكمه عمى عيون الحريـبــــي

        للخير سباقين من دون تأخـيـــر = وللشر وأهل الشر شراً عطيـبـــــي

        شعب كريم ولا يحسب المخاسير = وإلى التوا يلوي ذراع المهـيـــــبـــي

        حكامنا منا ولا فيه تقصــــيـــــر = منهم ومنا وان دعونا نجـيــــبــــــي

        أصل وفصل ما جوا بفيزه وتأشير = منا وفينا بالحسب والنسيـبـــــــي

        حكامنا آل سـعـــود بـتـبـصـيـــر = فكاكة أحبال النشب والنشيـبــــي

        تحكم بشرع الله وخير الدساتير = ما هو شرع وأفكار فلبي حبـيبــي

        ما أخذوه من قانون حمر الدناقير = أخذوه بمهد الصعب والصعيـبـــــي

        ما تو جوا للعرش بأمر ومواميــر = أخذوه بالأجرب نحاز الشريـــــبــي

        والأردني يقول وش بده يصيــــر = ما من سلاح ولا مصاري بجيبــــي

        اليد فقيره ما بيدي دنانـيـــــــــر = وأن بنت بالساحة غغديت وغديبي

        والشام وأهله بالحجر والسواطير = لضرب القناصل بالحجر والقضـيـبــي

        والشارع المصري حماس وجماهير= بصوت ينادي كل أصيل عريـبــــــي

        ونبرة غضب للشيخ وصيحة وتكبير = لمهاجمة عدوان الأمه يهيـــــبــــي

        والمغربي يقول وش غادي نديــر = تخاذل امتنا مشين ومعـــــيـــبـــي

        أصواتنا كادت تشق الحناجيــــــر = أقوال دون أفعال ذله وعيـبــــــــــي

        وشعب الجزائر له مكانه وتوقيــر = وذيابته قامت تقانب قـنـيـبـــــــــي

        وتظاهر السودان وأعلن بتحذيـر = ولا زال بجروحه وينحب نحيـبـــــي

        وفي ليبيا شعب مخيف ومناعير = ويقول يابن العم لا تـنـتـخـيـبـــــي

        بكماشه ما نقدر انغير وأنـطيــر = شعبا عليه محاسبين وحسيـبـــي

        وشعب اليمن فيه أنتفاضه وتفجير = بجبال صنعا والسهل والكثيـبـــــي

        وأسلام أباد وكل سكان كشمير = ومن دينه الأسلام أبعيد وقريـبـــي

        ثورة غضب من كل مسلم وتعبير = وتعازي لشعب العراق الصويـبــــي

        من واقع الأحداث ما هي تحازير = وبوادر الفتنه تومي وتـغـيـبــــــــي

        الأمر واضح ما يبي له تـفـسـيــر = والكوره بمرمى الحكم واللعيـبـي

        الباك ملعون الثوى توني بـلـيـــر = وكلنتن البواب شئً عجـيـبـــــي

        تقاسمون قوم ياهوه وأعزيــــــر = والكل منا هاجد ومستريــــبـــــي

        عرب هويه يا عرب ما بكم خيـر = متشتتين ولاش رأي مـصـيــبــي

        رحتوا طعام أم جحوش بين الجزارين = جحوش المريكان وجحش تل أبيب

        وجحش بلندن ينهق وتوه أصغير = وفيرسكم ماله علاج وطبـيـبــــي

        والخاتمه نقول يالله عسى خيـر = وصلوا على خير العباد والحبيبي






        [/poem]

        تعليق

        • أبو مرحبا
          مشرف عــام
          • Jan 2005
          • 8037

          #19
          ابومحاله

          الله يرضالي عليك الكتابه علامها كذا كبيرة

          اعمت عيوننا



          مبروووووووووووووووووووك الديوااااان الجديد للمؤرخ
          والشاعر ماجد ابن مغيرق العصيمي العتيبي
          [align=center]



          [/align]
          [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
          [align=center][/align]

          تعليق

          • أبو محالة
            عضو فعال
            • Jul 2005
            • 136

            #20
            [align=center]تبان عندنا صغيره
            ولكن
            اااااااااااااااسف
            [/align]

            تعليق

            • أبو محالة
              عضو فعال
              • Jul 2005
              • 136

              #21
              ألفية ابو طلال من كل حدث مقال

              [poem=font="Simplified Arabic,5,black,bold,normal" bkcolor="transparent" bkimage="" border="double,8,teal" type=0 line=0 align=center use=ex num="0,black"]
              ألف أولف من لحوناً تو طرلي = حلت ولجت ولشجوني تتلي
              وقر فكري للحن واللي رسلي = وصار بين القلب واللحن انسجام
              وبات مركز محوره في هاجس لي = عقب ما كان الشعر عني مولي
              كنت من عشاقه سنينً مضى لي= وغبت عنه وغاب من مدة عوام
              وتو ركابه جت توامي وأقبللي = وهاضني طاروق لحنه وأستهلي
              والشعر بأول شبابي مهنة لي = وحن قلبي للطواريق القدام
              وذكر رب الكون دايم مبتدأ لي = الكريم اللي على العرش متعلي
              العظيم الملتجى اللي ما يخلي = نعبده ونوحده دائم دوام
              دائم لذكره نواصل ما نملي = ننحني لأمره ولأسمائه نجلي
              الله المعبود ذكره ملتجى لي = يا عظيم الشأن يا عال المقام
              طالبك يا رب تقبل طلبة لي = تجعل أجنانك وحوضك منزل لي
              تلطف بعبد يصوم الك ويصلي = يا رحيم لكل من صلى وصام
              وبعد ذكر الله على الهادي نصلي = نقتدي به بين ترحال وحلي
              وعن طريقه ما نحيد ولا نظلي = سيد البشر أجمع وكل الأنام
              أتبع هديه وهديه منهج لي = من حديثه نستنير ونستدلي
              وسيرته بالكتب دايم شاغللي = سيد الأمه عليه أفضل سلام
              ما خسر من قال محمد قدوة لي = وأتبع سنة نبيه وأستدلي
              وأمتثل لأمر الله بخشعه وذلي = وسلم أمره لأمر ربه وأستقام
              النبي الهاشمي قوله يسلي = نور قلب المؤمن الصالح وظلي
              وأحمد الله سيرة الهادي هوى لي = مستريح البال وأنعم به وأنام
              خاتمٍ للأنبياء وأفضل رسول = صادق ونصدقه فيما يقول
              لو تزول الدنيا ذكره ما يزول = في قلوب المؤمنين له أحترام
              ب
              باء بأغني وأستعيد الذكريات = باللحون اللي بصدري كامنات
              توها تنعنشت بعد الممات = تختلج والها في الصدر أزدحام
              ذكرتني بالطروق الماضيات = وأحيت اللي بالكوامن نايمات
              بالضمائر واردات وصادرات = وأيقضت قلبي وأنا بأحلى المنام
              والليالي مضحكات و مبكيات = تجربه لابن ادم طول الحياة
              تنذره وتحذره قبل الممات = والعمر محدود وقته بالتمام
              وصوت حيا للفلاح وللصلاة = لطاعة الرحمن قدام الفوات
              واعلم ان الباقيات الصالحات = وابعد عن الشبهه ودرب الليام
              وامقت الغيبه وقذف المحصنات = في مجالس قوم ود وقوم هات
              وشذبة الغافل ونتب الغافلات = بألسنة غثاء المجالس بالكلام
              واهجر اوكار الشياطين الغوات = قبل لادرع في طريق المنكرات
              مع خبيثين الطبايع والعصاة = واخر المشوار فرقه وانقسام
              تربيتهم فاشله شيٍ ثبات = بئس لمرب العيال مع البنات
              غاص في مستنقعاتٍ جاريات = واجرفه سيل الجهل واصبح حطام
              فكره مشتت وليله مايبات = في مجاهيل ومتهات وشتات
              مانتبه للمعضلات المقبلات = ولايميز بالحلال من الحرام
              ت
              تاء تبين ماتبين من حقايق = في سجلات المخازن والوثايق
              احد ثابت واحد عند اسمه عوايق = بين لمز وغمز ومهمز وانفصام
              في حياتي مااتبع خدوش اللفايق = والكذب ومروجه منه اتضايق
              خصاً الى صار لصقه من لصايق = اسفهه والضرب بالميت حرام
              والنذل ما نأمنه خاين وبايق = مذهبه ضيق وجوه غير رايق
              وجوي لجوه حشا ماهوب لايق = لو على صدره نياشين وسام
              ذاه نوعه من شياطين الخلايق = مثل ذيب البيت ينبح ويتهايق
              كل ماشاف له غره جاي يوايق = واعترض للحذف وحداد السهام
              ج
              جيم جاني علم صادق بالوكادي = غير قابل للنشر والاعتمادي
              مستكناً في معاليق الفوادي = سر للغايه ولا فيها كلام
              مصدره له مطمع وقصد ومرادي = شب ناره واندفن تحت الرمادي
              واحرقة جسمه وثوبه والعتادي = هامد الجثه تحت كوم الركام
              من يحاول كيد خلق الله يكادي = قاد نفسه للتهالك والفسادي
              واصبح مكبل وفي رجله قيادي = ماثلاً مابين تهمه واتهام
              ابرق الجنحان بالله وين غادي = يومي براسه مثل ثور البلادي
              عن طريق المعرفه حاديه حادي = واخر المشوار هايم واستهام
              لانظرت لزوله وشكله وسيم = تيقن انه قدوه وعقله سليم
              واثره انساناً بعقلية بهيم = اشرد من البوم وطيور الحمام
              وبعدها نرجع الى موضوع ثاني = حول حمران العلابي والاذاني
              وريس اسرائيل شرس وقلباني = بين مد وجزر وهجمه واقتحام
              ح
              حاء حراب الحرب مدت واستمدت = كلما قلنا انتهى الشر استجدت
              في بلاد العرب والشرق استبدت = بامر كلب الغرب قام الحرب قام
              عمقها بالقدس وفي بغداد هدت = عبت وهبت لضربه واستعدت
              والوطن ماله يديناً عنه عدت = اصبح بقبضة كلنتن والليام
              من بلاد الى بلد دارت رحاها = براً وبحراً وجواً في سماها
              والعرب والشرق الاوسط من عشاها= وحلف الاطلس قام يلهمنا التهام

              خ
              خاءخـرق كـل القوانين وتــعــدى = وهضبة الجولان والقدس المبدى
              مـالـقـالــه رادع وقــام يـتـحــدى = وافترسهم واصـبـح البطل الهمام
              د
              دال دلـوا نـقـطة الضعف وتمــادوا = والعرب ضلو عن الدين وتحادوا
              نصف قرن من الهزايم ماستفادوا = من هزيمه في هزيمه وانهزام
              ذ
              ذال ذلينا وبان العيب فينا = والصليب وحامله هيمن علينا
              للقضاء على العرب والمسلمينا = والخطط محبوكة للأنتقام
              ر
              راء رمونا وأرتمينا وأنثنينا = بعد خالفنا العهود ولا وفينا
              وارضنا تقاسموها الطامعينا = وأصبحت في حوزة أولاد الحرام
              ز
              زاء زمى جور اليهود ولا زمينا = جرعونا السم وحنا ما اقتضينا
              وأمتثلنا للأوامر وانحنينا = وقتنا كله خصومات وخصام
              س
              سين ساموا لأرضنا واحنا رضينا = طوقونا من يسار ومن يمينا
              واصبح أمر الغرب مفروضا علينا = ومن خضع للظيم لا بده يضام
              ش
              شين شفنا الجور منهم والتعدي = والمجازر والمهونه والتحدي
              والفلسطيني يقول بلاد جدي = بين نهب وسلب وقسمه واقتسام
              ص
              صاد صدينا وظلينا الطريق = والعرب من نومها عيت تفيق
              باعهم من باعهم بيع الرقيق = ذا يباع وذا في المجلب يسام
              ض
              ضاد ضيعنا الصراط المستقيم = وأتبعنا درب شيطاناً رجيم
              والغزو فكري مخطط من قديم = دبروه الملحدين أبناء الحرام
              ط
              طاء طلبنا عقد قمه وأجتماع = والنتيجه كلها دجل وضياع
              ونهشتنا بالمخاليب السباع = ما لنا قيمه ولا وزن ومقام
              ظ
              ظاء ظهر فينا التفكك وانخذلنا = وأفترقنا وأنخدعنا من جهلنا
              والعدو أجحف علينا وأمتحنا = وصفنا مشقور ولا فيه التئام
              ع
              عين عانينا المتاعب والخسائر = بغرب مغربنا وأخص ارض الجزائر
              وهضبة السودان فيها الحرب دائر = وليبيا تحت الحظر والأنتقام
              غ
              غين غابت شمسنا وأظلم قمرنا = طوقونا الغرب وأحتلوا ديرنا
              وأن شكينا الأمر لكلنتن دمرنا = وصانعين كروز صرنا الهم طعام
              ف
              فاء فقدنا القدس وأخذوها اليهود = والعرب صاروا لنيرانه وقود
              وطوق الأقصى وحطوا له حدود = وأضرموا نار الحرايب والضرام
              ق
              قاف قام الغرب يقصف من ورانا = في ميادين ارضنا وأجواء سمانا
              والتجارب جربت بأرض احدادنا = لقنوهم درس ما ينسى دوام
              ك
              كاف كاف الله شرور المعتدينا = وزمرة الليكود وغدر الماكرينا
              ما يخافوا بطش رب العالمينا = حطمونا وألغوا أشروط السلام
              ل
              لام لموا شملهم وأحنا افترقنا = كلما قلنا اتحدنا وأتفقنا
              صابنا ما صابنا حتى أحترقنا = فرقه وفوضى ولا يوجد نظام م
              ميم ما نقدر نصادم واضعفونا = سممونا واغدرونا وانهكونا
              وفككوا صف العرب بعد ولونا = لقنونا الدرس واحداث اجسام
              ن
              نون نجشب بالجرايد والصحافه = بالاساطير الممله والخرافه
              والعدوا ينظر لنا نظرة سخافه = بين نظرة حقد ونظرات ابتسام
              قبل نقدم ما نفكر بالمسافه = لين ناقع في دياجير المخافه
              والزمن له انجرافه وانعطافه = والبقاء لله يا يوها النيام
              ندعي بالعلم وفنون الثقافه = والمواهب والبلاغه والحصافه
              وكل منا بعوجاجه وانحرافه = ولا نزال بعالم الثالث عوام
              و
              واو وين امة محمد وين وين = غافلين وغارقين ونائمين
              انهضوا من نومكم يا مسلمين = قلبٍ وقالب ووحده والتحام
              وينكم يا احفاد ابو بكر الصدوق = مصدر الحكمة وتحقيق الحقوق
              صدق لدعوة نبيه ما يبوق = وقاوم الرده بحكمه واحتكام
              واينكم يا احفاد امير المؤمنين = سيرة الفاروق عنها تائهين
              سير جيوشه لفتح المشرقين = واستتب الامن بعهده واستقام
              وينكم يا احفاد عثمان الامين = جهز جيوش الفتح والفاتحين
              وانفق امواله لجيش المسلمين = في مغاربها وشرقيه وشام
              وينكم يا احفاد ابن عم الرسول = ابن ابي طالب علي وقت النزول
              فارس الاسلام بسيوفه يصول = دوخ اهل الشرك واغداهم حطام
              وين ذرية سعد وابن الوليد = وشرحبيل وزيد وزياد ويزيد
              ما يفل اهل الحديد الا الحديد = عند لقوات العدو وقت الزحام
              وينكم يا احفاد حمزه والحواري = وجيش عبدالله بطل ذات الصواري
              وفاتحين السند وديار البخاري = بالمشارق والمغارب له علام
              وينكم يا احفاد عامر ابو عبيده = له بفتح الشام صفحاتٍ مجيده
              ذاك امين الامه اوصافه فريده = له في التاريخ صفحاتٍ عظام
              وينكم يا احفاد مصعب بن عمير = اول مفاوض وللهادي سفير
              لدعوة الانصار حتى اصبح نصير = واستجابوا للنصير وللسلام
              ومصعب وعبدالله اولاد الزبير = وطارق بن زياد وموسى بن نصير
              والمثنى صار اله دوراً كبير = لهم بالتاريخ شهره واحترام
              وصطوة ابن العاص وادوار المغيره = دكوا حصون العجم في كل ديره
              صيتهم بالعالم وبأرض الجزيره = للمفاخر قمه وراس وسنام
              وينكم يا احفاد هارون الرشيد = وابو جعفر صاحب الراي السديد
              للحضاره شيدوا صرح ٍ مجيد = والخلافه مركزه دار السلام
              وذكر دور المعتصم واجب عليه = دك عموريه وقاد الغزيه
              مستجيبٍ للمراه الهاشميه = والتزم بالعهد والثائر التزام
              ودمر ابراج المدينه والمباني = وارعب السكان بصوت الجبخاني
              وساق قادتهم كما سوق السواني= وبالغنايم عاد بعد الانتقام
              ي
              ياء ياليت اسلافنا ما خلفونا = بعد خنا اجدادنا اللي عقبونا
              فازوا بكل المكارم واسبقونا = وانحرفنا عن تعاليم ايمام
              تدعوا باسم العرب واسم العروبه = خافوا من الله ومن يوم العقوبه
              ارجعوا لله وتوبوا والتجوبه = واخلعوا ثوب الملامه والملام
              جيديناً بالخطب فوق المنابر = والجنايز كل يوم بالمقابر
              واحد متفرج واحد للغلب صابر = يذهل اللي ما بلغ سن الفطام
              بالمظاهر يا عرب عرب هويه = ما اتبعتوا قوله وسنة نبيه
              تابعين وتعلنون التابعيه = بايعيناً للضماير والذمام
              كل ما راحت قضيه جت قضيه = وزاد مكروب القذاره والاذيه
              انهضوا والا اكتبوا عقد وصيه = وكلوا بعض اصدقاكم والعمام
              العدو قام يتحدى ويتجرا = زاد جور الغرب والظلم استمرا
              والعرب ما للعرب حيل ومفرا = بين تسليم ومسلم واستلام
              والنصارى مالهم مذهب ومله = واليهود اخبث بشر للبشر كله
              الةٍ للغرب وتضرب تحت ظله = والعرب كبش الفد تحت الخيام
              ومسجد الصخره والاقصى حاصروه = والفلسطيني عن ارضه شردوه
              ومن تبين راسه الهم دمروه = وكمموا فمه وحطوله لجام

              بالسجون وفي سراديب المذله = بامر زنديقاً تحدى البشر كله
              ولاش اذاناً مصغيه للصوت لله = واهل غزه في قلاقل واعتصام
              لامنير ولامفر ولا مطير = والله اعلم بالنهيايه والمصير
              نستغيث برئيس امريكا الحقير = فاسداً لازال مولع بالغرام
              والعرب مال للعرب عذر وجيه = مسجد الصخره يبى ناس اتحميه
              امرها لله دايم ترتجيبه = ما التهوا في عربدة عادل يمام
              والليال الحمر واشباع الغرايز = من شباب وشيب ورجالاً عجائز
              بين صوت العود وتقديم القزايز = والكواعب كنهن جول الحمام
              مثل حزب البعث وحزب الملحدين = مالهم مذهب ولاذمه ودين
              غرهم عفلق وصدام اللعين = وانخذل صدام بميدان الصدام
              حلمهم مثل السراب وفاشلين = فاشلين وفاسقين وغادرين
              واعطوا الفرصه لجيش الكتلتين = والسبب صدام مدهون الرسام
              وين ياتلميذ عفلق وين وين = عن صراخ القدس واولى القبلتين
              وهضبة الجولان واهل الضفتين = حلت اللعنه عليك الفين عام
              والعرب تشتمك حينٍ بعد حين = والعراق وساكنين الرافدين
              بسبتك صاروا هدف للحاقدين = لضربهم بكروز وصواريخ سام
              مطمعك حكم العرب شرقه وغربه = وهققك عفلق بعد عطيت دربه
              وصرت وكراً للشتات وراس حربه = وانحنيت وطاح سيفك والحزام
              لاجزاك الله ياهتلر بخير = هتلر اهل الضاد شيطاناً حقير
              خايناً لامتك وخاين للضمير = اسودٍ وجهك مثل لون اللثام
              بالخيانه مالك انداد ونضير = خنت جيرانك وللحسني نكير
              غرك الزنديق ودهواك الخبير = والطفل يشتمك وتشتمك المدام
              وانبذوك العالم وشرك شرير = مثل مكتوف الايادي والاسير
              بكره الى اقلعت لمثواك الاخير = الجزا تلقاه في يوم الختام [/poem]



              ملاحظات :
              ميلاد هذه القصيده تزامن مع ازمة الكويت وانتفاضت ابطال فلسطين
              وشاعرنا يتابع الاحداث وكل حدثٍ بقصيده
              الشاعر : ابو طلال ماجد بن عبود بن مزيد بن مغيرق
              الكاتب : ابـــــــــــــومــــــــــــحــــــــــــــــــال ــــــــــه
              ( النهايه )

              والسلام عليكم ورحمة الله وبركاته

              تعليق

              • أبو محالة
                عضو فعال
                • Jul 2005
                • 136

                #22
                [poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
                حـن الـقـلـم لمعانـقـة بـيـض الأوراق = وأسـتـنـفـر الهـاجس جـداد الطواريـق
                مـن فـيـض فـكـر عـادته كـل ما ضاق = عـدى مـراقـيـب الـقـصـيـد الشواهيق
                يـشـرف عـلـى غـر الـمـعاني وينساق = مـعـهـن ويـطـلـق للجـزال المسابـيق
                مـغـزاه مـن جـزال الـتـعـابـير ما لاق = لأذواق وافـيـن الـرجـال الـمـطـالـيق
                نـوادر مـارامـهـن كـل تـفـــــاق = غـرايـب تـبـهـج صـدور مـفـالـيق
                بـاغٍ ألـيـا تـاقـت رفـيـعــات الأذواق = تلقى العوض عن سـفـسـفـات المطافـيق
                دلايـل الـدجـه وسـيـعـيـن الأشــداق = اللي على سـهـج الـمـجـالـس مشافـيق
                كـل أرعـن لـمـلاقـف الـهـرج سـباق = مـغـيـر يـتـبـع غـرّة الـهـرج ويويق
                ثـم جـاك بـالـعـورا عـلى قـل الأوفاق = لو طـوقـه نـقـد الـمـشـاكـيل تطويق
                والـيـا تـهـيـا لـه عـلى الـقـيل مدناق = أهـوى عـلـى الـهـزلات من غير تبريق
                مـنـي لابـن عـبـود مـا لاح بـــراق = جـزل الـثـنـا الـلـي شام عن كل تلفيق
                ومـشـاعر تـنـصاه مـن كـل الأعـمـاق = وفـاه وثـقـهـا مـع الـوقـت تـوثـيـق
                يـوم الـمـعـرفـه عـودت زيـف ونـفاق = الاّ وصـار الـود هـرج ولـمـاصـيــق
                شـانـت نـفـوس الناس من شـين الأخلاق = وأضـحـى وفـي الـعـهـد شوفه تـشافيق
                الـيـا وفـيـت لـواحـد فـالـمـلابــاق = وأظـهـر مـعـاري كـبـوته حزة الضيق
                لـكـن ابـن عـبـود فـي راس شـوهـاق = يـزهـاه مـاجـد دون كـل الـمـخـاليق
                رجـل سـنـا صيـتـه عـلى الـبعد شعاق= يـسـري بـه الـسـاري بـلـيـل التواهيق
                وإن جا لـدامـغـة الـحـجـج عـج وسباق= لـه سـابـق عـنـهـا السـبـايـا مفاهيق
                تـلـحـق وتوثـق غادي الراي بـوثـــاق = وتـرد هـقـوات الـتـبـجـح مـراهـيق
                الـطـيـب الـلي طاب من طـيـب الأعراق = فـي مـثـل شـخـصه يصدق المدح و يليق
                ولا قـلـت قـول الا لـه الـفـعـل مصداق = وصـحـايـف بـالطيـب بـيضٍ لـواهيق
                قـلـتـه وأنـا الـلـي مغـلق فكري إغلاق = عـن شـبـه مـدح مـا يـعـز الطـواريق
                لـي هـاجـس مـاهـوب لـلـمـدح ينساق = لا صـار مـا عـنـدي لـلافـعـال توثيق

                عبدالله بن متعب السميحّ
                رد ماجد بن عبود بن مغيرق على الشاعر المبدع الاستاذ عبدالله بن متعب السميح شاعر الفصحى والعامي.
                حن الضمير وفز من بـعـد الافـراق = للـشـعـر واهـل الشعر واهل التعاليق
                حن لصدأ صوتٍ له الـقـلـب تـواق = مـاهـوب صـوت مجمعين الخثاريق
                هيضني االلي دايم لصـوتـه اشـتـاق = صـوتٍ يـخـل الـخارق بنومه يفيق
                احيا كوامن هـاجـسٍ تـو مـا فـاق = وايـقـظ هـجوس لجلجت بالصناديق
                يـا بـن سميح لو بـجاريك ما اطـاق = لـلـمـفردات وسبك الابيات ما اطيق
                بـحـراً الـى طبيته اغرقني اغـراق = وانـا ادري انه صعب وينشف الريق
                لكن انـا بـاعـوم واسـبـح بالاعماق = واظهـر على شاطئه من دون تعويق
                واحـيـي الشـاعـر الى هوجس وراق = واجـنـب الـوعره وحبل المشانيق
                شـاعر علم واضح مثل شمس الاشراق = يـسـتـاهل الفنجال الاول الى سيق
                الـشـعـر يسـتـهوي السانه الى لاق = ولا يـنـخدع للمدح واهل التصافيق
                وان عـمـست الارياء ويبسن الارياق = له صـفـحة بيضاء وكلمه وتعليق
                بـجـرة قـلـم تـلـجم قلم كل دراق = ولا يـلـتـفـت لمهاترات الدواريق
                عانق عيون الشعر وعانـقـتـه اعناق = لـهـا مـع افـكـاره تناغم وتنميق
                مـا قـلـتـها مـن باب مدح وتملاق = قـول صـحـيـح وعن قناعه وتدقيق
                الـشـعـر امـانه بالضماير والاعناق = مـا كـل مـن قاله مصدق وصديق
                الـشـعـر اله ندوات وافنون واسواق = وحـريـة الـتعبير من دون تضييق
                مـن مـاضـي الازمان للشعر عشاق = ومـعـلـقات بـاقـيه للعشاشيق
                بـعـكـاظ وايـامه لهم سبق واسباق = بـمـعـلـقات المبدعين العماليق
                والـيـوم سـوقـه بين سارق سراق = ينتحله مـريـزيـق ويباع لرزيق
                وابـن سـمـيـح محرقٍ نفسه احراق = مـن خـمـةٍ على انتحاله مشافيق
                نـاس مـجـال تسهم ملاحاه واخناق = اوبـاش كـالادبـاش ما فيه تفريق
                نـاس تـعـلـق بالـمـعارف تعلاق = والعرف عنهم مثل صنعاء عن طويق
                الـبـعـد عـنـهم مع وسيعات الافاق = مـكـسب عن اهل القلقله والنقانيق
                اكـبـر مـنـافـق ولا عـنده اخلاق = يـخـدعـك بالمظهر وجواه زنديق
                غثـا الـمـجـالس جـعلهم مالهم باق = اهـل الـكـبار الزرق ركابة زريق [/poem]

                تعليق

                • أبو مرحبا
                  مشرف عــام
                  • Jan 2005
                  • 8037

                  #23
                  ابومحالة


                  بيض الله وجهك على تزويدنا بقصائد المؤرخ والشاعر : ماجد بن عبود بن مغيرق العصيمي العتيبي
                  [align=center]



                  [/align]
                  [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
                  [align=center][/align]

                  تعليق

                  • أبو محالة
                    عضو فعال
                    • Jul 2005
                    • 136

                    #24
                    مشكور على المرور واهتمامك بمتباعة قصائد شاعرنا ماجد بن عبود

                    تعليق

                    • أبو محالة
                      عضو فعال
                      • Jul 2005
                      • 136

                      #25
                      [poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
                      بسم الله الرحمن الحيم
                      بركات الشريف يقول:
                      عندك حكى في وعندي حكى فيك * * وأصبحت مبغضنا وحنا كرهناك
                      وهذا ديدن البشر من قديم وحديثانما الى مسمعي صوتٍ حقير ويشبه صوت الحصني طبق
                      الأصل ولاننظر له إلاّ نظرة الإحتقاروالأزدراء ولايستحق من برد عليه ونعطيه أكبرمن حجمه
                      ولكننا ننبه من يحذو حذوه من الأقزام والسفله بالأبيات التاليه: لماجد بن عبود بن مغيرق

                      أبو زهره علامه يخترش ويهز رأس الذيـل = حصيني والحصيني مثل الارنب مابلشنابــه
                      ينبح من جحره المظلم وزرب الخبث والتضلـــيل= ولا يهمنا لو ينبح وكشر عن انـــيــابــــــــــه
                      يحس بنقص ويكايل همومه بين حط وشيـل = لسانه وصخ وملوث وفيروس الوبى صابـه
                      يسب ويشتم ويلعن لكن الحيل مامن حيــــل = لسانه عاثر وعند اللقاء ما يقدر يجابــــــــــه
                      باكر يلقي جزاه بساعةٍ يشوف فيها الويــــل = يعض ابهامه ويندم الى ضاقت به اثيابــــــه
                      عسى شكله قليل فالربع والمجتمع والجيـــل = ولا تكثر ملامح سحنة المعتوه واضرابـــــه
                      الغيبه مهنته والقلقله بأوكار قال وقيـــــــــل = ما خلى واحدٍ من ربعه الاّ أذاه واغتابــــــــه
                      ترىالمقصود نكره والجحش ماهو مثل الخيـل = وأنا من عادتي مارتاد عش البوم واغرابـــه
                      قزم ما يحمل الطخه على الصابر قزم واخبيل = ولايتحمل الضربه من الصامل بمشعابـــــــه
                      أنا قبل أحسبنه عاقل وطيب وأقول احليــــل= وأثر وجهه ملطخ بالخزى والنقص ينتابــــه
                      لوأني ما ترفع واتسامى كان زدت الكيـــــل= طليته طلي راع البل للأجرب باسفل الغابــه
                      قبيح الوجه والمنظر ماله بالمجتمع تفضيــل = عمى قلب وعمى القلب أمعه ماأحد يتقدابـــه
                      لو صد بوجهه عن المنظره وأخفاه بالمنديل = أفضله يستتر ما بين عماته ودولابــــــــــــه

                      ( انتهت القصيدة )


                      الشاعر :أبو طلال ما جد ابن عبود ابن مغيرق [/poem]

                      تعليق

                      • أبو محالة
                        عضو فعال
                        • Jul 2005
                        • 136

                        #26
                        بسم الله الرحمن الرحيم
                        قصيدة قديمه للشاعر لماجد بن عبود بن مغيرق
                        عنوانها : انتفاضه حره ومقتل محمد الدره
                        في 2/7/ 1421 هـ تفاعل ابو طلال مع الاحداث
                        وانتفاضة الاقصىوابطال الحجاره وصرخة محمد الدره ومقتله في
                        حضن والده برصاص الصهاينه
                        امام الراي العام وظهوره على شاشات التلفزه
                        (القصيده كالاتي)
                        [poem=font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=0 align=center use=ex num="0,black"]

                        القدس تنخى والعرب مستسلمين =للبيت الابيض واهله اعيال صهيون

                        الا لـشـجـب المعـتـدي مستعدين = لـشـجـب الـيـهـود ولـعـنهم مايبالون

                        بـالشجب والتنديد دايم فصيحين = بـكـلامٍ اقـوى من صواريخ شارون

                        مـتمسكنين وللاهانـات راضيـن = تـديـرهـم شـمـطـأ امريكا وصهيون
                        مـتـشـتـتين وفالهم شين وامشين= واسـتـسلموا للعسف والعار والهون
                        لاوامـرامـريـكـا عـبـيدٍ مطيعين = واسـتـعـبدوهم قوم موسى وهارون
                        وحـكـامـهـم مايسمعون المنادين= مـايـسـمعون اللي بالاقصى ينادون
                        عـلى الـمـنـابـر بالخطابه قويين = بـالـهـرج والـتهـريـج مـاينـتناحـون
                        بان الخلل والذل والجبن والبين = من سئ الى اسوى ومن دون في دون
                        وش عذركم من ربكم يامساكين = امـام رب الـخـلـق ومـكـون الـكون
                        لانتم بلا موتى ولا انتم بحيـيــن = وانـتـم عـلى وجه البسيطه تعيشون
                        تـفـكيـركم مشلول مثل المعاقين = امـام راي شعـوبـكـم وش تـقـولون
                        والشعب الاعزل ماله اعضود وايدين = واطـفـالـهـم بـاسـم العـرب يـستغيثون
                        شـعـبٍ لـحـومـات الوغا مستميتين = لـمجـابـهـة جـيـش الـعـدو مـايـهـابون
                        وجـنـايـز الابـطـال وسـط الميادين = هــذا شـهـيـد وذا مـشـوه ومـطـعــون
                        شـئ يـريـب الـقـلـب ويشيب العين = وانـتـم عـلى الـشـاشات بالعين تارون
                        بـامـر يـهـودٍ بـالـوطـن مـسـتـبدين = وسـكـان غـزه بـالـمــدافــع يــبــادون
                        بـاراك وكـلـنـتـن وثـالـثـة الاثـنين = ام الـجـبـيـن الـشـيـن والشكـل ملعون
                        زمـرة يـهـودٍ مـالـهم مذهب ودين = تـيـدهـم امـريـكـا عـلـى مـايـســـوون
                        تخطيطهم واضح من ايام رابـين = وشارون واحزابه وحزب ابن قريون
                        يـامـة مـحـمـد ويـنـكم وينكم وين = عن شعب اعزل دمره جيش صهيون
                        وين رؤساكم ياعرب والسلاطين = ماينهضون وصوب الاقصى يسيرون
                        لتطهيره وطرد الغزاه الملاعـيــــن = بـعـزم وحـزم الـنـــصـر بـالله مـضـمـون
                        وين العروبه والعرب والتـقـيــيــــن= ويـن الـذيـن بـالـمـسـاجـد يــخــطــبـــون
                        عن روضة اول قبلةٍ للمســلـــمـيــن= والى متى من غـفوة الـنـوم تــصــحــون
                        والـمسـجـد مـطوق بحراس شرسين= ومـفـتـاح بـابـه مع معـاويـر فــروعــون
                        وتم الحضر على دخول المصـلـيـن = لادا الـفـروض الـخـمس مع اللي يصلون
                        مسرى الرسول وموقع اجناح جبرين = فـــيـه الـيـهـــود يـقـسـدون ويــنـوحــون
                        واين الايمه والمشايخ هل الـــديـــن = ويـن الــذيــن لـلـعـهـد مــا يــخـــونـــون
                        واين الذين ينطحون المــــعـــاديــن = واين الذيـــن بالـــمـــواعــيـــد يـــافـــون
                        وايـن الـذيـن يلبسون النياشين = والاوســـمــه بــصدورهم مثل مالون
                        واين العرب واجيوشهم عن فلسطــيـن = عــن ســاحــة الاقـصـى ورا مايذ ودون
                        واين الكومندس والجنود الميامـيـن = لــلــواجــبــات الــواجــبـــه مـايـبـيـنـون
                        وايــن الـذيـن يـمـلـكـون الملايـيـن = حـتـى الـفـيـض امـوالـهــم مــايــزكــون
                        وسط النوادي بالـسـوالف جريـيـن = وفــي ســاعــة الازمــات دايم يغيــبـون
                        ومسجد عمر والقدس مثل الحبيســيـن = فــي قــضــبــة الــكــفــار وانــتم تغنون
                        تفرض علينا الهيمنه والـقـوانــيــن = والــبــيــت الاسود مصدر لكل قــانــون
                        من المغرب الاقصى لمسقط مطيـعـيـن = ومــن عــارض الــقــانــون يــجـلد بحاجون
                        تـحـكـمـو فـيـنـا وصاروا وصيـيـن = وحــنــا نــطــاوعــهــم عـلى مايريدون
                        الـقـتـل حـامي بالـصغـار البريـيـن = واسـلاحـهـم قذف الحجر ويتــنــاخــون
                        غـدوا ضـحـايـا لـلـيـهـود وقرابين = وبـعـض الـعـرب تـخـاذلــو ويـتـبـرون
                        والـدره يـلـوح بـكـل الـذراعـيـــن = يـنـخـى الـعـرب ويـقـول تـكفون تكفون
                        اول هدف بين الرماه المجـرمـيـن = فـي حـضـن ابوه وكل الامه يـشـوفـون
                        رمز الشباب ودرته عام الالـفـيـن = ومـراسـلـيـن الصحف باسمه يشـيـدون
                        اسمه على الصفحات رمز وعناوين = فـخـراً لـجـيـل الـيــوم واجـيـال يـتـلون
                        هو درة الاقصى ودرة فلسطـيــن = مـن مـنـظـره كـل الـمـسـلـمـيـن يبكون
                        ودموعهم من فوق الاوجان والعـيـن = واعـريـبـيـا وشـلـون بـالغلب يرضون
                        بالجبن والخذلان صارو مصابين = مـتـشـتـتـيـن الـراي والـحـقـد مـدفــون
                        يـسـتـنـكـرون وبـالـشـدايد ذليلين = بـاراك مــرعـبـهـم وصـاروا يخافــون
                        هاذي نتايج فرقة الصف والبيـن = والـوازع الـديـنـي مـاعاد اله يصغـون
                        بان الفشل والضعف في قمة الـفـيـن = وبـاراك واعـوانـه لـحـسـنـي يـحـيـون
                        المؤتمر فاشل والاقطاب قسمين= والـمـنـتـصر باراك واقـطاب شـارون
                        وقمه بشرم الشيخ قبله بيـومـيـن = بـرئـاسـة كـلـنـتـن ويـاسـر وحــســون
                        وشمطاه تبرمنا من يسار وايمين = والـحـل فـي يـدهـا مـعـلـق ومرهــون
                        تـلـوبـنـا وتحـوفـنا كـل شهـريـن = والـويـل لـلـي لامـرهـا مايخضعـــون
                        تامر وتنهى والعرب مستجيبيـن = مـسـتـصـغـرين ولامـرهـا مـايــردون
                        تـحـكـمـت فينا عجوز الشياطين = وحـنـا كـمـا الـلـي بـالـحـضـانه يربون
                        مثل اليتامى قاصرين وحزينـين = عن نجدة الاقصى ومن يطـلب العـون
                        وبعض العرب في صفها ومتواطين = بـعـض روسـاهـم لـلـمـهـانـه يـقــادون
                        بانت بواينهـم عـسى فالهم شين = مـثـل الـجـلايـب لـلـمـجـازر يساقــون
                        بين النصارى واليهود الخبيثين = يـتـصـرفـون بـشـعـبـنـا حيـث ياشـون
                        هذا جزاء من ضيعوا وازع الديـن = نـسـيـوا عـقـيـدتـهـم وضـلـوا يتيهـون
                        علماني وبعثي على اديان كو هين = ومـذاهـب اهـل الـزنـدقـه مايخجـلـون
                        عن نصرة الدين الحنيف متعامين = لازالـوا بـضـلالـهـم ويـــتــعـــامــون
                        تكفون ياال سعود يانصرة الدين = الـقـدس تـسـتـنـجـد بـكـم لاتـغـاضون
                        القدس تنخاكم من احياناً لحيـن = مـن جـور سـفـاحٍ يـسـمـى بـشــارون
                        انتم هل الوقفات بالعسر واللين = بـشـرع الله وسـنـة رسـولـه تـحكمون
                        بيت العرب درع العرب والمسلمين = وانتم على تحرير الاقصى حريصون
                        حـكـامـنـا هـم الـتـقـاه الوحيدين = دسـتـورهـم حـكـم الـشرع خير قانون
                        ومن بعدها نقول يـارب يامعين = بقدرتك تنصرنا على احزاب صهيون
                        واختامها اصلي على ابن الذبيحين = وتـسـلـيـم وزيـاره مع الـلـي يزورون
                        نـبـيـنــــا خـاتـم جـمـيـع النبيين = سـيـد الـرسل وافـضـل نـبياً في الكون[/poem]
                        ملاحظه:
                        ام الجبين الشين اول برايت وزيرة خارجية كلنتن ، وباراك رئيس وزراء اسرائيل
                        الــــــكــــاتـــــــب : ابـــــو مـــــــحــــــــالــــــــــه
                        وجدت هذه القصيدة في مكتبة ابو طلال واستأذنته في نشرها وربما نستطيع على اكثر من ذالك

                        تعليق

                        • محمد العتيبي

                          مشرف منتدى شعراء قبيلة عتيبه

                          • Mar 2005
                          • 10789

                          #27
                          ابو محاله الله لا يهينك يالغالي ،،
                          [align=center][/align]








                          [align=center]للتواصل عبر twitter تويتر


                          al_bargawy@
                          [/align]

                          تعليق

                          • مرزوق حمدان العتيبي
                            مشـرف عام
                            • Nov 2003
                            • 20403

                            #28
                            ...
                            .

                            الله لايهينك
                            يا بو محاله.... على اتحفنا بهذه الدررللشاعر النادر..
                            حاولت بقدر ما استطيع ان انسق القصائد... ولكن ياخوي الدنيا
                            كلها تبي تنسيق

                            على العموم ملاحظه ...
                            الكتابه الجانبيه مالها علاقه بالتنسيق
                            ويجب ان تكتب من غير استخدام المنسق الشعر..
                            ثانيا بين كل شطر وشطر ضروري وضع علامة =

                            تحياتي للكل ...
                            [align=center]
                            [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                            فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
                            حط حبه في كياني ماتغيّره السنيني = وانثني من دون عرضه بالذراع وباللساني[/poem]







                            @Marzouq_MHD
                            [/align]

                            تعليق

                            • محمد العتيبي

                              مشرف منتدى شعراء قبيلة عتيبه

                              • Mar 2005
                              • 10789

                              #29
                              الاخ الاستاذ: مرزوق العتيبي


                              شكرا لك يا اخي العزيز على الاهتمام الطيب من سيادتك .
                              [align=center][/align]








                              [align=center]للتواصل عبر twitter تويتر


                              al_bargawy@
                              [/align]

                              تعليق

                              • الــوآفــي
                                عضو اداره
                                • Mar 2003
                                • 3629

                                #30
                                قصائد رائعه لشاعر فحل

                                صح لسان بن مغيرق

                                وشاكرين للاخوان ابو محاله والرتوعي على هالموضوع القيم


                                سيتم تثبيت الموضوع لمدة شهر ثم ازالة التثبيت وسيتم وضع رابط الموضوع في الموضوع المثبت :

                                لمن يريد دواوين شعراء عتيبه الموجوده داخل هذا القسم

                                تحت هذا الرابط




                                شاكر لكم مره اخرى على هذا الديوان الرااااائع

                                اخوكم ذيبان
                                [align=center][flash=http://assa97.jeeran.com/azzoz.swf]WIDTH=450 HEIGHT=350[/flash]



                                [align=center]



                                [align=center]ليا جاء طاري الهيــــــلا يفز القلب فزة شوق[/align]






                                ألبوم صور



                                مدونه مميزه



                                [/align][/align]

                                تعليق

                                العمل...