ديوان الشاعر ماجد بن عبود بن مزيد بن مغيرق

طي
X
 
  • التوقيت
  • إظهار
مسح الكل
المشاركات الجديدة
  • أبو محالة
    عضو فعال
    • Jul 2005
    • 136

    #1

    ديوان الشاعر ماجد بن عبود بن مزيد بن مغيرق

    [align=center]

    بسم الله الرحمن الرحيم
    المقدمه:

    هذه القصيده عمرهايقارب 12عام هـ
    من نظم ماجد بن عبو بن مزيد بن مغيرق
    وابيات هذه القصيدة تترجم ما يختلج في صدر قايلها
    استهلها بوصفه لاول مجموعة بقيادة الرسول (ص) في بيت الارقم ابن ابي الارقم
    سريةحتىاسلم عمر بن الخطاب الذي تباشر اهل السماء واهل الارض باسلامه


    هذه المنظومة بصدد مشكلة فلسطين وقضية السلام التي اصبحت صوريه

    وادعاءات اليهود في تعنتهم وتصوراتهم بانهم شعب الله المختار
    ونـحـــن
    العرب ،السبب لماذا............!!؟؟
    لاننا نسينا صدق ابي بكر وعدالة عمر ونبل عثمان
    وبسالة علي وفروسية
    خالد وشجاعة سعد واقدام الزبير بن العوام.
    ونتذكر بصفه مستمره بطولة نابليون فرنسا وبسمارك المانيا
    وهــــتـــلـر
    وروميل المانيا ولويس الاول الى السادس عشر ملوك فرنسا وموسليني ايطاليا
    . وستالين ولينين روسيا ومنتقمري واللمبي الانجليزي ولورنس
    العرب ومغامراته وبيتان وليوتي
    و فرنسا.[/align]



    [align=center]مــنـــظـــومـــــة حـــــماس لفـــــرد مـــــــــن النــــــــــــاس [/align]





    بداية القصيدة:

    [poem=font="Simplified Arabic,5,black,bold,normal" bkcolor="transparent" bkimage="" border="double,7,sandybrown" type=0 line=0 align=center use=ex num="0,black"]
    يا نـــاطقين الضــــاد ضيعتــــوا الضـــــــــاد = لغــــة بـــــني يعـــرب بمحكـــــم كتابـــه
    ولغـــــة نــبي الخلــــق وتقــــــواه والــــــزاد = و لغـــة هــل الجنـــه نهايــــــــة حسا بــه
    مــــن بطن مكــه شعشع النــــــور وانقـــــاد = بقيـــــادة الهـــادي وجـــــــــل الصحابـــه
    بـــأولهم الفــاروق وحمــــزه لــه اسنـــــــــاد = واول مصـــــــدق للنـــــــبي واقتـــدابـــه
    في بيت الارقــــــــم مشعــــل النور يـــــزداد = لاظــــــــهار ديــــن الحـق ومفتاح بابـــه
    واخــــذ عمـــــر قوســــه وحول مــع الـــواد = وقــــريش تخشـــــــى هيبـــته وارتهـابـــه
    وقــــــال الـــــــذي وده ييتـــــــــــم له اولاد = يلحقنـــــــي بجــــــال الشعيــــب وجنابــه
    وهـــــاجر نبـــــي الخلق ويتلونه افـــــــــراد = واستبشـــــــــرت طيبــه بمقــــدم ركـابــه
    والاوس والخــــزرج تهـــــــلل وتنــــــــــقاد = وتعلـــن ولاهــــــا يــــوم جـــاءوالتجابــه
    خاضـوا بغــزواتــه في احــــروب واجــهـاد = وقضى على اهــل الشرك وكر الخــرابــه
    واهــــل الجزيرة وحـــــدوا والامن ســـــــاد = واقـــــام شـــــرع الله وحكــــم كتــــــابــه
    وبلـــــغ بدين الله على رؤس الاشهــــــــــــاد = وارســـــــــل مناديبه وعــــمــم خطابـــه
    لكـــسرى وهرقـــــل والمقوقس والافــــــــاد = وعادت مناديبـــــــه بـــــــدون استجابــــه
    وجهز ثـــلاثة الاف جنــــــــدي بــــالاعداد = للــروم في مـــوته وعـــــــالي هضابـــــه
    يقـــودهــــم زيدٍ وهو خيــــــــــر من قــــــاد = ثم خلفــــه جعفر وروحــــــه فــــــدابـــــه
    وابــــن رواحــــه يــــأخذ الرايــــــــه و ساد = ثم خلفـه خـــــالد و غطـــــاء انسحــابــــه
    بالميمنه والميسره جنــــــــــــــدٍ اجـــــــــداد = ومقـــــــــــدمه ومؤخـــــــره في عقابـــــه
    من واقع التــــــاريخ نقـــــــــرأ بالامجـــــاد = سيرة رجــــال المجد واهــــــل المـهابــــه
    في طاعة المعبــــــــود ركــــــــــع وسجــاد = رجــــــــــالٍ تعبد الله وتخشــــــى عقابــــه
    وايــــن الرجــــال اللـــي للامجــــاد رواد = امثــــــــــال سيـــــــف الله وراع العصابـه
    وابو دجـــــــانه يـــــوم اخـــــذ ســـيفه وذاد = واللي لهم بــــــــالفتح دور و صــــــــلابه
    والمعتصم للنـــاخيه عــــــــــــد الاعــــــداد = وأخــــذ بثـــار اللــــــي زهــــــم وانتخـابه
    واين المثنى وايــــــــــن يزيـــــــد وزيــــاد = وعمـــرو وابـــن وقــــاص واللي حذابــه
    وايــــن بــــــن الاســـــــود واللملقب بمقداد = وابن معاذ وجيشـــــــــه اللـــــــي غزابـــه
    وجيش العبــــادل يوم كلــــــف بـــــالاعداد = حطم عـــــــروش الـــروم يــــوم التقـــابه
    واســــــــباط ســــــيدنا و هو خير الاســـياد = سـادة هـــــــل الجنــــه وســـــادة شبــــابه

    لفتح شمال إفريقيا جيشاً أمــــــــــــــــداد = لابي سرح وابن الزبير أستنابــــــــــــــه
    عاشو بكروفر وحروب واجهـــــــــــــاد = تحت سماه وفوق عالي ترابـــــــــــــــــه
    وصلوا الى النهرين وديارٍ أبعـــــــــــــاد = والصين واقصى الصين حتى إنتهابـــــه
    ودار البخاري والنسائي والأكـــــــــــراد = ودار الخوارزمي ومن قد مشابــــــــــــه
    وصلاح الأيوبي بعقل وتركــــــــــــــــاد = اللي حمى الأقصى وطهر جنابــــــــــــه
    من رجس قوم الزندقه والتجــــــــــــــلاد = طهر تخوم الشام وذلل اصعابـــــــــــــه
    حموا حمى الإسلام يـــــــــــــوم الله أراد = ودكوا كنايسهم من أعلى قبابـــــــــــــــه
    لهم الفخر واللائمه جت للأحفـــــــــــــاد = والجبن والخذلان خيم سحابـــــــــــــــــه
    بقلوبنا هم وغم وتوجــــــــــــــــــــــــــاد = على مشاهير العرب والصحابـــــــــــــه
    تواردت فكري تماثيل وأنشـــــــــــــــــاد = وأحترت ما بين السؤال وجوابــــــــــــه
    للشعر دور وفن وأسلوب وأبعـــــــــــــاد = والشعر ياهل الشعر فن وذرابــــــــــــه
    وللشعر ياهل الشعر مصدر وميــــــــراد = من واقع الأحداث واللي قرابــــــــــــــه
    بلحون من مكنون توجــــــــــــــات وراد = تقفي وتقبل واللسان ابتدابـــــــــــــــــــه
    مالي جدى الا الشعر وسيفي بالاغمـــــاد = على محظوره مقايض نصابــــــــــــــه
    من قوم يس وي صناع الاعتـــــــــــــــاد = لابد من يوم يغشاهم ضبابـــــــــــــــــه
    يا قوم يس وي زاد الخطـــــــــــــــــا زاد = اهدافكم تحققت بالاصابــــــــــــــــــــه
    البارحه بالقلب مخبر ونشــــــــــــــــــــاد = ومتابع الأخبارزاد التهابـــــــــــــــــــه
    أخبار ما تفرح ونظراتٍ احــــــــــــــــداد = من كافرٍفي عز بادي شبابــــــــــــــــه
    زنديق متغطرس وملحد وجـــــــــــــــلاد = سلالة يهودٍ مالقاله مجابـــــــــــــــــــه
    قام يتهبد في عربنا تهبــــــــــــــــــــــــاد = مع كبرياءه وقامته وانتصابــــــــــــــه
    مع زمرة الليكود وأقلام موســـــــــــــــاد = ومناورات الدجل نهجه ودابــــــــــــــه
    يضرب بسيف الغير بعنف وتمـــــــــراد = وعريبيا ماهوب حاسب حسابــــــــــــه
    من كل حدب وصوب نرمى بالأحقـــــاد = حقدٍ يكال النا من أخبث عصابـــــــــــه
    قامت تناهشنا من الغرب حســـــــــــــــاد = ودبٍ من المشرق يكشر بنابـــــــــــــــه
    حربٍ صليبيه وأهل أفكارٍابعـــــــــــــــاد = أطماعهم بالشرق كلٍ درا بــــــــــــــــه
    وحنا نطبل دون توجيه وأرشــــــــــــــاد = وتفرض علينا الهيمنه والرقابــــــــــــه




    ونــــشاهد التلـــــفاز ونسمع من الـــــراد = ولانستــطيع نقول للغــــرب جابـــــــــــه
    نشجــب ونستـــــــنكر وبالصحف نقــــاد = والــــــفعل مــــامن فعل عنـــد اكتــــرابـه
    عــــرب هــــويـــــه للملــــــذات رواد = ولا فكـروا بـارض الوطــن واغتصــــابه
    افكـــــارهم متشتته مثـــــل الاوغــــــــاد = يطعن بعضــهم بعــض ويعلــن سبـــــابه
    بتــــهديد وانـــــذارت وشـــــتم وتوعـاد = علــــى المنابـــــر بـــالخطب والخطـــابه
    عـبر الاذاعـــــه بــالصحف جد واعمــاد = ذا يحكـــي بهـذا والاخــــــــــر حكـــــابه
    من نكبـــه بنكبـــــه هـذا شــــىء معتـــاد = فيروســـــهم مالــــــه طبيب وطبـــــــــابه
    لو صوتـــت مكــــه للازهـــــر وبـــغداد = واهــل اليمـــن والشـــام بالاستجــــــــــابه
    والمغـــرب وشعـب الجــزائــر جو امـداد = وطرابلـــــــس والقيروان وشبـــــــــــــابه
    وشعـــــب الخلــــــيج التم ونادابــه منـــاد = وتضـــــامن الســـــودان واللي رعــــابه
    وكراتشــــي مع كابــل وحيــــدر ابــــــاد = والتــــــرك وتركستـــــان واللي ربـــــابـه
    والبوسنـــــه والهرسك وذيــــك الانجــــاد = ومن دينــــه الاسـلام يحســب احســــــابه
    من اقصـــى فريـــــقيه الى دولـــــة تشــاد = والهند واهل السنــــد واقصـــــــى تبـــابه
    بتكبيره وتهليـله وزنــــد وازنــــــــــــــــاد = دفـــــاعٍ ٍعـــــن القــدس وطرد العصابه
    بجحــــافل منــها الاعـدو يلبــــد البـــــــاد = مثـــــــل النعــم بين الحمــــــاد وشعـــــابه
    بكلمة هــل التوحيـــد نحصــــدهم احصاد = ونرمــــــي جثثهم للسبـــــــــاع وغرابـــه
    علــــى عقيـــــدة صدق ما نا قف احيــــاد = والنصر مكفـــــــول بمحكــــــــم كتـــابــه
    لو يلتحـــــم مليــــار مسلم بتعــــــــــــــداد = محا بني صهيـــــــــون ودمر اقبـــــــابه
    وتراجــــــع الابيض وخلى التهـــــــــداد = وتراجــــــــــع كلنتن وقصــــر النيـــــابه
    كلنتن يـــــــواعــدنـا بـــــود وتـــــــــوداد = لاعــــــــاد يوم فيه تم انتخـــــــــــــــــابه
    لعيوننا وعيون غضـــــــــات الانهــــــــاد = من اجــــــــل مضخــات البحر واجتلابه
    والبيت الاحمر كـــــف عقـــب التحشــــاد = بعد التفكك يلســـــــــــن اللي بقــــــــــابــه
    والصبر طــــــال ومعهم الصبــــــر مافاد = والقاضي كلنتن وحكمه قضــــــــــــــابه
    للصبر حـــــد و صبــــــرنا ينفد انــــــفاد = والقــــــدس تنخـــــــانا وتشكـــي صواب





    وجـراحـهـا تـنـزف ولايــوجد اضـمـــاد= وحـنـا كـمـا الـشـطـرنـج ولـعـبـة لـعـابـــه
    تصــرخ وتـسـتـصـرخ ولابــسـتٍ احداد = مـن جــور هـــدام الـكـيــان وخــرابــــــه
    تـقــول واسـلامــاه وتـعـض الأنـجـــــاد = فـي قـضـيـة إسـرائـيـل وتـحـت أنـتـدابــه
    وحـتـيـش لـو نمـشي في اجرود واجراد= مـا يـنـجـلـي هـمٍ تـراكــم ضـبـابــــــــــــه
    مـن سـئ إلـى اسـوى وعـمـيـان وارماد = نـخـضـع لـلامـر الـواقـع وامـا جـرابـــــه
    أوقـاتـنـا كـوره مـن اسـتـاد لـسـتــــــــاد = ودش الـخـلاعــه لـلـعـقـول وذهـــابــــــه
    بعض الشباب اجروم وازوال واجـســاد = حـداه عن درب الـقـدا مــن حـدابــــــــــه
    لا صـنـعـة بـالـيـد ولا افـلـح ولا فــــــاد = عـالـه عـلى أهـلـه والـوطن وش يـبـا بـه
    لــو طـول اشنـابـه عـلى مـاش وش عاد= سـائـب ومـتـسـيـب والأخــــلاق ســــابه
    مـعـقـد ورب الـبـيـت زاد الـتـعـقــــــــاد = ويـلـهـي بـلـهـــوات الـجـهـــل والـتـهابه
    مـع بشـكـة أهـل السوء وأشرار الأوغاد= واجـب نـحـث أولادنـــــا بـاجـتـنـابــــــه
    الـغـزو فـكـري ضـد فـلـذات الأكـبـــــاد = لـجـرف الـشـبـاب وجرف بعض الشيابه
    فــي كــــل عـالـمـنـا الـغـزو زاد وأزداد = مـالـه عــــلاج ولا يــفـيـد الـــــــــدوا به
    كـتـب عــــلـيـنا الـذل مـن كـل مـصـطاد =وصـرنـا طـعـام الـطـيـر وحـايم ذبـابـــه
    لـو نـغـتـسـل بـالـبـحـر والـنـهـر مــا فاد= مـا تـنـظـف أدران الـوســخ والـجـنـابــه
    أرض الـعـرب صـارت توزع بالأقصاد = وحـنـان رضـيـت بـه ويـاســر رضـابـه
    وحـنـا نـفـاوضـهـم ونـخـدع بـالأوعــــاد= وعـار الـمـذلـه لـبـسـونـا ثـيـابـــــــــــــه
    لـو نـتـوحـــد صـف نـخـمـدهـم أخـمــــاد= ونـشـعـل فـتـيـل الـحـرب ونشعل شهابه
    يـا حـيـف كـيـف الـعـرب لـلـغـرب تـنقاد = تـخـضـع لأوامــرهـم وتـحـت الـرقـــابه
    بـعـض رؤاسـهـــم مـن زنـادقـة الإلـحـاد= مشـكـوك فـي عـروبــتـه وانـتـسـابــــــه
    وش عـذرنـا مـن ربــنـا يـا هـل الـضــاد = أمــام رب الـخـلــق وبـطـشـت عـقـابـــه
    مـــا مـن قـلـوب ولاش مـــرٍ بــــالأكـباد= ولا مـن ضـمـيــرٍ حــي يـوحــي الـندابه
    بـقـومٍ تـصـادقـنـا وبـالـبـاطـن أضـــــداد = وعــريـبـيـا مـن كـابـة بـــأثـر كــــابــــه
    حـرب صــلـيـبـيــــه ولـلـنـار وقـــــــــاد = والـمـسـجــد مـطـوق ومـغـلـوق بـابــــه
    مـطـوقــــاً بـجـنـود وسـلاح واعــتــــــاد=ومــصـفـحـات مـــــجـهـــــزه لـلـحرابه
    بـــأمـر نـتـنـيـاهـو وجـــــمـهور مـوسـاد = فـي هـضـبــة الـجـولان يـشـهـر حـرابه



    نصب صواريخه ورادار وارصـــــــاد = ويهدد وينذر بحرب ونشابــــــــــــــــــه
    فازوا بها واللائمه جت لمن حــــــــــاد = وانصاع للخذلان والاكتئابــــــــــــــــــه
    رؤس اليهود اهل الدسايس والافســــاد = والبيت الابيض مرجعه واحتجابـــــــــه
    يبني في الجولان ويدق الاوتــــــــــــاد = وحنا غدينا للصليبي نهابـــــــــــــــــــه
    لو فيه شمس من امس جاءله توقــــــاد= في هضبة الجولان واللي بنابـــــــــــــه
    من مؤتمر بال وحنانوم وارقـــــــــــاد = واحلامنا مثل الهبوب وسرابــــــــــــــه
    مانتعض من وعد بلفور ياطـــــــــــراد = وخطط بني صهيون والانقلابــــــــــــه
    لو يعلن القاده لنا حرب واجهــــــــــــاد = لتحرير بيت القدس عقب استلابـــــــــه
    على نمط عمر وحشده للأجنــــــــــــاد = اللي وصل تل المكبر وجابــــــــــــــــه
    بعزم وحزم مافيه جبن وتــــــــــــرداد = لتحرير بيت الله من اللي عدابــــــــــــه
    مفروض نعتزل النساء والتوســـــــــاد = ونخجل من الله والنبي والصحابـــــــــه
    ونضرب عن اللذه ونضرب عن الزاد = ونمشي سوى للقدس صف وحزابــــــه
    القدس تشك الجور وترسف بالا صفاد = وتلعن نتنياهو وابو من زنابـــــــــــــه
    بيقن يقول الهم في الأرض ميعــــــــاد = يحتج بالهيكل وضيع صوابــــــــــــــه
    هيكل سليمان الذي بيد وبــــــــــــــــاد = زاله مهب الريح مع من غدابـــــــــــه
    وبادت طسم وجديس وثمود مع عـــاد = وهامان مع فرعون مااحدٍ بقابــــــــــه
    قبل ثلاث الاف عام بالاعــــــــــــــداد = ومية سنه برواية اللي روابــــــــــــــه
    قبل المسيح ولاش تاريخ ميـــــــــــلاد = بقرون ماتحصى ونجهل حسابـــــــــه
    بعد سبيئ بابل جماعات وافــــــــــراد = غدوا شتات وذاقوا أقسى عذابــــــــــه
    ارض العرب من قبل عنتر وشـــــداد = عصبة بني كنعان مابه طلابـــــــــــــه
    من غربي المغرب الى شرق بغــــداد = مهد العرب مافي شك وغرابـــــــــــــه
    ماله في ارض العرب ملجأ ومقعــــاد = دنس تراب ابلادنا اللي وطابــــــــــــه
    القدس تبغي ناس لله زهــــــــــــــــــاد = ماقلدوا بيقن ولبسو اثيابــــــــــــــــــه
    ماهم سوات اللي للأصنام عبــــــــــاد = نسيوا عقيدتهم ونسيوا كتابـــــــــــــــه
    مثل النعم تسرح وتمسي بالاوهـــــــاد = تحت جناح الليل وسط الزرابــــــــــه
    عاشوا بسوق العربده واتعربــــــــــاد = وميدان شهوات الجهل والخيابـــــــــه




    مكبــــــلين بين صـــائد وصيــــــــــــاد = فــي هضبة الجولان وسينا وطابه
    من المستحيل النصر من غير معــــواد = معواد للمعبود ورجـــــــوى ثوابه
    ما يعبد مع الله تمـــاثيل وانــــــــــــــداد = ومن حط لله نـد يلــقى عــــــــذابه
    لابد من يـــــوم يـبددهـم ابـــــــــــــــداد = فـي سـاعـة الاهــوال والانحـطابه
    لعبوا على اطفال الحجارة بالاوعـــــاد = واستوطنوا بـالارض وتم اكتسابه
    وسلامهم صوري وجمد تجمــــــــــــاد = وامـالــنــا خــابــة ولا فـيـه ثــابه
    لو اشتهوا حــــل النزاعـــات مــا كــاد = حــطــوا لـهـم بالقدس وكر ونقابه
    مسكين ابو عـمار وش عــاد وش عـاد = يـحـلـم بـعـرش رئـاسـة ماارتقابه
    مـــا بين ذاك وذاك ســــرداد مــــرداد = هـذا يـخـطـط لـه وذاك اختــلابه
    صلى على رابين وشــــــارك بالاعياد = اعيــــاد مبتـدعـه بـزيـف وغرابه
    ما تفلح وجندك عـــن الحــــق صـــداد = حلمــك سرابه من خدعك وسرابه
    مابين غــــار ونـــار مشــدود بـقيـــــاد = ولامـن صلاحـيـه ولامـن مهــابه
    بــرحله مكـوكـيـه من بـــلاد لــبـــــلاد = وساع البريد اخفق مع اللي سعابه
    عــمـر لك ارقيــــلــه وســــو لك بــراد = وهات الكمنج وجر قوس الربــابه
    والا دخل المسجد وصل التهجــــــــــاد = واقرا في السبــع المثــانـي وبـــابه
    اقـرا بسـورة فـاطـر وغـافــر وصــــاد = واقرا في المصحف مع اللي قرابه
    خدعك حزب البعث وسعـدون حــمـــاد = وهويت مع صدام باللــي هـــوابه
    من الـخـلـق والاخـلاق مـجـرد تـجـراد = وخيب رجاء شعبه وخاب الرجابه
    وانته تعـرف الـحـزب وكـر لـلافـســاد = مؤســسه عفـــلق وزمــرة كـــلابه
    تبي حــكـم ذاتـي و سـلـطـة ومـرقـــاد = عنك ابعد من الشمس وموقع مغابه
    مالك مـطيـر ولا مـنـيـر اجـلـد اجـــلاد = فــي قبضة اكـلنتن وحـامي عقابه
    محـصور بـين اثـنـيـن مـا فـيه مشــراد = مثل الطفـل مـا بين مــامـــه وبابه
    ازبــن عـلى ال سـعـود وخـل التـمـجاد = سـور البلاد وهــم ذراه وحــجــابـه
    خــدام بـيـت الله وقــادة هــل الــضـــاد = دســتورهـم حكم الشـريعه وادابــه
    من بطن مكه تعلن الحرب واجـــهـــاد = على بني صهيون وجيش العصابـه



    بصوت مجلجل للعروبه ورعـــــــــاد = والراي لال سعود ومفتاح بابـــــــــه
    وانخ الفهد يدعمك با سلاح واعتـــــاد = وتسعين فوجٍ من قبيلة اعـتابــــــــــه
    بين القبايل مالهم ند وانـــــــــــــــــداد = وباق القبايل كل ابوها تشابــــــــــــه
    لــــطـامة الـعـايل ولـلـمــــــوت وراد = وذباحة الحايل للضيف وصحابــــــه
    ونطاحة البارود مـــــــن دون الاذواد = وحرزالدخيل الى زبن والتجابـــــــه
    عتيبة الهيلا لها الضيف يرتـــــــــــاد = فكاكة حبال النشب والنشابـــــــــــه
    مع دولة ال سعود من عهد الاجــــداد = ماتنهزم رايه وفيها عتابــــــــــــــه
    عز الصديق وضدٍ لكل الاضــــــــداد = تشهد لها نجد وشوامخ هضابـــــــه
    في وقت ابن هندي وتركي لها قـــــاد = ومسلط وسلطاناً مقادم عتابــــــــــه
    مثل القمر بين القبايل وهو بـــــــــــاد = ولها مكانتها وعز ومهابــــــــــــــه
    قبيلة ياوي قبيلة لها امجـــــــــــــــــاد = لادق زير الحرب ماتنتجابـــــــــــه
    وان جاء نهاراً فيه مطرود واطــــراد = عدوهم ما ينتعالج صوابـــــــــــــه
    والى لفيت بيوتهم تلقى الاجــــــــواد = وكلمة هلا للضيف ويامرحبـابـــــه
    اشرس قبيله للمعادين والــــــــــــــداد = وبالطيب والفزعات ماله مشابـــــه
    اهل الخيول السرد وسيوفٍ احـــــداد = كم شيخٍ اخذوا عطفته مع زهابــــه
    لو توزن مع اقرانها وزنهــــــــا زاد = هيلاً الى انهالت ويحسب حسابــــه
    رجالهم صياد ماهوب ينصــــــــــــاد = يضحك احجاجه دوم ولين جنابــه
    اقولها واصدق بما قلت يابجــــــــــاد = بشهادة الاسلاف واللي روابـــــــه
    ماهما من قال ترديد الانشـــــــــــــاد = لازالت اعتابه وتبقى اعتابـــــــــه
    بالماضي وحالياً الطيب يــــــــــزداد = وبيوتهم من جاءه يلقى العشابــــه
    اولاد بكر بن هوازن والاحفـــــــــاد = وبني سعد ساس النسب والنسابــه
    منهم خوال المصطفى سيد الاسيـــاد = من الرضاعه دون شك وغرابـــه
    وبني هلال اخوال خالد بالاوكـــــاد = امه هلاليه وتدعى لبابـــــــــــــــه
    لبابه الصغرى بنت الحارث الجـــاد = في معجم الانساب وكتب النسابه
    لهم بشمال افريقيادور واجهـــــــــاد = بني هلال وجشم وعقبه بقابـــــه
    أنهل من اصحاب السير علم وارشاد = ماهوب هذر وسفسطة من هذابه





    كـلام مـوثـق ومـسـنـد بـالاسـنـــــــاد = مــا أخـذ مـن أفـواه العوام وكذابه
    مــا نـسـتـمـع مـن كـل جاهل وهرباد = ونـهـأيـة الـجـاهل عـلى ما انتهابه
    مـا كـل قـصـادٍ يـقـال لـه قـــــصــــاد= ونـصـدقـه فـيـمـا نـشـر وادعـابـه
    بـنـي سـعـد قـرنـه عـتـيـبـه والأجـداد = بـجـوامـع الـسـيـره وصفحة كتابه
    مـا فـيـه شـك ولا شـكـوك وتـــــرداد = ومـن كـان واهــم نـقـنعه بالأجابه
    مـا هـو كـلام أحـمـد وحـامـد وحـمـاد= والكـذب خـيبة من كذب وافـترابه
    مـا قـلـتـهـــا نـاقـد ولانـي بـنــقـــــــاد =والـعـلم ثـروة من درس واعتنا به
    ابـحث وانـاقـش واتــــركـد تــــركــاد= والـلـه أعـلـم بـالـخـطأ من صوابه
    نـبـذه عـن عتـيـبـه وذكـرى لـــلأولاد= من ماضي الأزمان واللي مضا به
    وشمر لهم سطوه واهل باس واعنــاد = وجمع البقوم وحرب وحرث شبابه
    ومطير أهل وقفه واهل خف واجـيـاد = من الحره الى أرض الحفر واللهابه
    وأولاد وائـل مــــرغمـة كــل حـسـاد = وقحطان والـغـلـبـا عز من اعتزابه
    وجمع الظفـيـر الـلـي لهم كار واشداد = أهل الـبـيـوت مـزبـنـة مـن لـفــا به
    وثـقـيف حرز وركن واركان واعماد = وجـمـع بـنـي مـالـك سـند من تلابه
    وجمع الفضول دروع وسيوف واعـضـاد= تأطى المخاطـر مثـل شـهب الذيابه
    سـلالـة بـنـي لام الـهـم أذكـار وأمجاد= وتـمـيم لا دقـت طـبـول الــحـرابـه
    وجـمـع بـنـي خـالد كـما وصف رعاد= سـيـل الـى دم الـه وادي غـــدابـــه
    وجـمـع الـسـهـول ويـام قـيـف الى قاد= بـأولـهـم الـعـجـمـان م أحد يهـقا به
    وأهـل الـيـمـامـه مثل نـوءٍ الـى أنـقـاد = وأهـل الـقـصـيـم مطوعة من نوابه
    وجمع اكلب وشهران ودوسر هل الواد = مـثـل الـجـبـال وغـابة سـد غــــابه
    وسـلـيـم وقـضـاعـه مـا افـنـدهـم افناد= وهـذيــل ورجـال المع ومن حذابه
    وزهـران مـع غـامـد هل الباع والماد = مـثـل الـخـيـال الى ضفا مع ضبابه
    وجـمـع رجـال الحجر تاقف بمرصاد = وبـالـقـرن مـع شـمـران قوه ولابه
    وقـبـايــل الاشـراف للـهـادي احـفـــاد= رجـالـهـم ينـطـح جـمـع لالـتـوابـه
    وجـمـع الـبـواهـل مع بني زيد الأنداد = مثـل الرمح والسيف وسلة انصابه


    وجمع بني هاجر والمره له زنــــــاد = عدوهم ما يهتني في شرابـــــــــه
    وبني عطيه والحويطات هــــــــــداد = تهد هامات العداه ورقابـــــــــــه
    وجمع الحوازم والعوازم الى انحــاد = سوق الوغا قد باع به واشترابــه
    وجمع الشرارات الهم افعال واجـواد = للمعتدين اعداء وعز القرابــــــه
    وبني رشيد حيود ماهيب تنحــــــــاد = لاصار يوم فيه غلب وغلابـــــه
    والمملكه شعبه الى اوحى له منـــــاد = يفدي بما يملك وروحه فدابـــــه
    اهل الفتح منا جنودٍ وقــــــــــــــــواد = واول سهم بالدين واللي رمابــه
    لله عباد ولا رضاه زهــــــــــــــــــاد = نصوم ونصلي لرجوى ثوابـــه
    مانعبد الاوثان واحجار الاحـــــــــاد = مثل الذي يعبد صليبيه وكابــــه
    لو نتجه للقدس بضمير وافـــــــــواد = قلب وقالب لين ندخل رحابـــــه
    بهجوم معاكس على القدس من غـاد = لتحطيم جيش الغدر عند اقترابه
    بنصرا محقق كان رب المـــــلا راد = وكان انخذ لنا الله شديدٍ عقابـــه
    والخاتمه صلو على سيد الأسيــــــاد = سيد من أيد سيرته واقتدابــــــه [/poem][align=center]ملاحظات/
    ورد في القصيدة،كلمة قوم يس كلمة نعم بالأنجليزيه،
    وقوم وي ،كلمة وي نعم بالفرنسيه
    ورد أيضا في القصيدة ،جيش العبادل مجموعة من الصحابة تحمل اسم عبدالله

    والبيت الذي يقول :
    ماهمها من قال ترديد الانــشــــــــــــاد
    لازالت اعتابه وتبقى اعتابـــــــــه[/align]
  • أبو محالة
    عضو فعال
    • Jul 2005
    • 136

    #2
    ديوان ماجد بن عبود بن مزيد بن مغيرق

    [align=center] بسم الله الرٌحمُن الرّحُيََّم
    خواطر زائر للمغرب والجزائر *** من نظم /ماجد بن عبود ابن مغيرق
    قبل مايقارب عشر سنوات [/align]

    [poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]

    أول مبداي ذكر الخالق وكلمة شكر وأجلال = بالسر وبالعلانية ذكر المعبود نبدي بــه
    وثاني مبداي يا طارق خواطر زائروجـوال = للمغرب والجزائرغيره الأوطان ماليبـه
    خواطر زائر احبكها بجرة ريشه السيـــــال = بتصريف الثلاثه دربه يدله ويمشي بـــه
    قلب المؤمن دليله والله لعبده سندواظـــــلال = مادام العبد يعبد ربه ويخشى عواقيبــــه
    دقات القلب تنبيني ولساني بالمثايل قـــــــال = وانا لي مدة عازف عن الشعر ولواعيبه
    تهيض خاطري في رحلتي هاذي مع الأشبال = بعدما حان مبدا القاف ابا بديبه واغنيبـه
    تسمع ياطلال وناد طارق يسمع الأمثـــــــال = من الهاجوس مثل الموس تقبل به وتقفي بـه
    علىاللحن اللويحاني ماهو لحن هل المـــوال = حيث اللحن اللويحاني تشوقني هناديبــه
    خواطر بالضماير بين الاقافيه مع الاقبـــــال = مره تسكن عواصفها ومرالقلب تومي بـــــه
    هواجيس تعلمني وهاجوسي بدا الأرســـــــــــال = بدا يرسل ويستقبل في نظم الشعرويجيبـــه
    جنوب المغرب الأقصى شرق اغادير والونــــدال = وحنا في جبال اطلس بين أنهاره وأشاعيبــه
    فيه الخضرة وفيه الماء والوجه الحسنوالاطــــلال = مناظر تعجب الناظر وتسحر من يراعي به
    أشوف الخشف مرني وقلبي للخشف مامــــــــــال = طويت ارشاي عن طرد الهوى واقفت مراكيبه
    مهما عرض علينا لابس الخلخال والترقـــال = ماعاد ارفع بطرفي للغزال ولا كواعيبه
    قضيت العمرياطارق مابين الحل والترحــال = من أيام الصبا مابين تشريقه وتغريبــــه
    واليوم اشوفني معكم كما الخدام والمرســـال = هذا يقول يابابه وذاك يقول يا شيبــــــــه
    خدمة طلال واخوانه شرف ليه وراحة بــال = وايام التاج ونجومه مضت والعز والهيـــبـه
    لكن العز والهيبه خداماتي مع الأنجــــــــــال = هذا نسعى لتعليمه وذا نسعى لتهذيبــــــه
    وانا اليوم بشمال افريقيا والقلب اله ولــــوال = اقرا التاريخ والتاريخ النااليوم اكبر مصيـبه
    بربوع المغرب لوحدي بين البربر وبني اهـــلال = واطالع في مرابط جيش الاسلام ومضاريبه
    من ارض القيروان الى الصويره فعلهم مــــازال = محفوظا في بطون الكتب والتاريخ ينبي به
    اجول بنظرتي لمشاهد الغبات والأهــــــوال = على شط المحيط الأطلسي والسفن تجريبـه
    على الطبيعة نشاهد مضارب عقبه وماقــــــــــال = لولاهذا البحر يارب لاسلك فيه وامضي به
    يطلب مرضاة ربه ما تجشمها لكسب المـــــــــال = شعاره راية التوحيد واهدافه واساليبــــــــه
    محافر خيلهم في ملتقى البحرين فوق الجــــــــال = على ضفاف طنجه والجبل ميدان تدريبـــه
    الى قالو يتوج قولهم بالصدق والأفعـــــــــــــــال = ماهو كلام من يشجب خطط بوش ومقاليبه




    ايام الفتح الأسلامي وقادة جيشه الأبطـــــــــــال = معاقل طارق وموسى وعقبه هو وأصاحيبه
    أمثال ابن الزبير اللي خلخل صف العدوخلخـال = قطع رأس الزعيم وسلمه عثمان في طيبـــه
    قائد جيش العبادل صاب خيل الروم منه إجفـال = وابوه بغزوة الخندق عطيبات مضاريبــــــه
    راعِ العصابه الصفراء وراعِالصارم القتــــــال = وقع له مالك بغزوة حنين بساعة الريبـــــــه
    قصص من واقع الماضي تقراءه أجيال بعداجيـال = وانا من عرض من يقراء وأحدث به وأثاريبـــه
    بطولتهم نحاجج به هل الصليب والتمثــــــــــال = بغرناطه ومسجد قرطبه واللي يصلي بــــه
    طلايع جيشهم غادً لها بالأندلس زلـــــــــــــزال = وصقر قريش قائدهم وأمان الله يناديبـــــــه
    وأين الأبطال ياأرض الأندلس وأين أهلك الأبطـال = رجالاً كانت الهم صوله وجولاتٍ أصعيبــه
    سبحان الواحد الفرد الصمد مغيّر الأحــــــــوال = ديار أجدادنا الأسبان تحتله وتبني بـــــــــــه
    أدون في سجلاتي مثل ما يكتب الرحــــــــــــال = مثل ما قال ابن خلدون وماتوحي مكاتيبــــه
    عن شعب محمد الخامس وابن بله وابـن زروال = خلى المستعمر تغادر سراياه ومناصيبـــــه
    وشعب المختار والمختار اختار الموت باستبســال = كافح جيشه العدو واستشهد بقضبة مخاليبـــــــه
    دافع عن دينه وعرضه ما يرضى العسف والأذلال = اذهل جيوش روميه قوة باسه وتصويبـــــه
    وفي مشرق وطنا القدس حالوا دونهــــا الأرذال = غدينا بين شامير ونتنيياهــو وألاعــــيـبـــه
    بعد صلاح الأيوبي تقول تقول اليوم ماش ارجال = مثل خال وابن وقاص والقعقاع وقتيبــــــه
    وابن الجراح وامثال المتنبي صفوة الأبطــــــــال = في اليرموك واجنادين والشام ومناقيبـــــه
    واحنا نشجب وانستنكر لكن الفعل ماش أفعـــــال = على بيض الورق نشجب وغيره مالنا هيبـــه
    ما عاد نميزالصادق من الكذاب و الدجـــــــــــال = مثل نكتة كراتيرا في الصحف وكتاتيبــــه
    مابين البيت الأحمر وأهل الأبيض حلها مــــازال = وحنا الكل منا مايبـــي يغضب معازيبـــه
    مهونة يا بني ياعرب علينا جرفـــــــها ينهــــــال = ماعاد النا وجيه وحقنا ما احيداعيبـــــــــه
    متى نصحى من الغفوه ونرخص بالجسد والمــال = ونعلن بالجهاد ونقبس النارومشاهيبـــــــه
    نخلع عنا ثياب الذل ونخمد شوكة العيــــــــــــال = وندخل روضة الاقصى ونذن في محاريبـــه
    ما يقدر بالحديد الا الحديد ومعركه واقتــــــــــــال = ملينا من مواعيد الامم والمسجد اغديبــــه
    نعلن من بطن مكة للجهاد بصوت اله جلجــــــــال= يهز اجبال صنعاء واليمن شبابه وشيبــــه
    ويهز القاهره والنيل والسودان والصومـــــــــــال = والشعب التونسي والليبي الواجب يلبي به
    وشعب المغرب وشعب الجزائر واهله الابطـــــال = لهم خبره وتجريبه في الحرب وتجاريبــه

    ملاحظه (جيش العبادل مجموعه من الصحابه تحمل اسم عبدالله)
    (وراع العصابه الصفراء الزبير ابن العوام)
    (ومالك زعيم هوازن في موقعة حنين)
    والقصيدة تنم عن بعض المواقـع وقـادة الـفـتـوحات الأسلاميــه ولـطـولـهــا إخـتـصــــرنــــــاهـــــــــا


    وبغداد ودمشق وشرق الاردن من جبل واسهال = نوحد صفنا والروح والاعمار نفديبــــــــــه
    نصلي بالحرم ونحرره من قبضة الانــــــــــذال = حتى تركع بني صهيون لصال النار والهيبه
    والا نصبر لما جانا من التـــــــــــهديد والاذلال = ونتزيا بثوب العار ونرفل في جلاليـــــــــبه
    كلام مواطنا مافي يده حيله ولايحـــــــــــــــتال = مشدود عقله وفكره ولاله راي يدليبـــــــــه[/poem]



    نكتفي بهذا المقطع من القصيدة التي تزيد عن مئتي بيت

    تعليق

    • أبو محالة
      عضو فعال
      • Jul 2005
      • 136

      #3
      ملاحظة

      [align=center]الاداره طلبا من الرتوعي ان اعيد تنسيق القصايد وان اكملها
      لان فيه نقص
      [/align]

      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        تسلم لاهنت

        تحياااااااااااااااااااتي

        تعليق

        • الرتوعي
          عضو ماسي
          • Aug 2004
          • 525

          #5
          [poem=font="Simplified Arabic,5,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]

          خواطر وشجون بصدد ما يقولون

          أبدا باسم من له عباده يلبــــــــــــون = تقربا لله وموحــــــــد لــــــــــــــــــه

          واد الفروض الخمس مع اللي يصلـون = تنفيذ لامر الرب وعبادة لـــــــــــــــه

          ومن بعدها بأدلي مع اللي يدلـــــون = بنصيحه وتنبيه يا سامع لــــــــــــــه

          يا مؤلفين الكتب لا لا تغلطـــــــــــون = هدوا من السرعة وقولوا اسم الـلـه

          لا توهمون الناس فيما تخـطـــــــــون = بأخبار مغلوطة من ألفه إليا لــــــــــه

          واجب عليكم تحرصون وتحـــــــــرون = قبل القلم تنوشكم جرة لـــــــــــــــه

          من ناقدٍ يلقا مثاليب واطـعــــــــــون = ما بين قيل وقال ومقلقللـــــــــــــــه

          عن الحقايق بالكتب لا تطوفــــــــون = كم عالم ٍما سلم من هفوة لــــــــه

          أخاف من غلطه عليها تلامـــــــــــون = والمؤمن من الخلق قلبه يدلـــــــــه

          تحققوا قبل المخاليق يوحــــــــــــون = قبل الكلام يشيع من ناقل لـــــــــه

          ياللي بالأنساب القديمة تخوضـــــون = تشبثون بعلم ما أنتم هل لـــــــــه

          عندي نصيحة كان للنصح تصغــــــون = نصيحة ما اريد منكم جزاء لــــــــــه

          ما كل من ولف نزيهن ومأمــــــــــــون = خلى الأمانة عمد متجاهللـــــــــــه

          والناس والنقاد بالنقد يلـقـــــــــــــون = عليه مهمز في كلامه وخلــــــــــــه

          قريت لي منشور بالزيف مشحـــــون = كله خرافات وسوالف مملـــــــــــــه

          البعض منهم بالنسب صار مفتــــــون = تدخل بشئ ماهو مستوى لــــــه

          نشر عن الرحال والنشر مطعـــــــــون = عاري من الصحة ولا صحة لـــــــــه

          واين المصادر واين ياللي تكتبـــــــــون = لاقناع من يقراه من مصدر لـــــــــه

          كلام ٍملفق ولا هوب متكـــــــــــــــون = واللغز واضح واكثر الناس حلــــــــه

          يا من وقعتوا فالخطا لا تمــــــــــــادون = منشوركم مبتور وكل فطن لــــــــه

          علم النسب بحرا بموجوه تعومـــــــون = تلاطم أمواجه على ساحللـــــــــه

          أعماقه اصعيبه على اللي يغوصـــــون = ما كل من هام البحر سابح لـــــــه

          عمقه متاهات ومجاهيل واحصـــــــون = في عالم ٍمجهول ما حدٍ يدلـــــــــه

          قمتوا على أنساب القبايل تجــــــــرون = من دون اسانيد وحقايق وأدلـــــــه

          تروون عنهم من مجالــــس يقولــــــون = على الجرايد والصحف والمجلـــــه

          بالله على ما نشر وشلون تجـــــــــرون = لا صحه لما نشر بالصحف لـلـــــه

          أبنشد الراوي واقول له وشلــــــــــــون = غيرت اسم عتبه وصفحة سجلــه

          وسميته عتيبه على ما تريــــــــــــدون = غلطة من الراوي كبيرة وزلـــــــــه

          باسم هوازن بالسوالف تسمـــــــــوون = والكل منكم حطها عزوة لــــــــــه

          هوازن اله اشعوب وافروع وابطــــــون = أشعوب وقبايل ما حدٍ محصي لــه

          من اكبر قبايل قيس بسجل مضمـــون = وعلم النسب محفوظ ما فيه خله

          لابن حزم شرح ٍ موثق ومـــــــــــــوزون = شرح عن الانساب وموضح لـــــه

          ومقدمة ومجلدات ابن خلــــــــــــــدون = ومؤلفاته فيه الأخبار كلـــــــــــــه

          وموسوعة الكلبي عنه لا تتيهـــــــــون = علم النسب بمجلده مهنة لـــــه

          وابن الاثير وراجع اللي يعرفـــــــــــــون = وفي معجم الانساب دقة وجلـه

          وفي صبح الاعشى واضحه كان تقرون = مختص بالانساب ومدقــق لــــــه

          وكتب المفصل كان للبحث تهـــــــــوون = شرح عن الأنساب ومفصللـــــــه

          أبو العتيبه سعد لا تضيعـــــــــــــــون = تنسب له عتيبه وهو دوحة لــــــه

          والجد بكر بن هوازن ومضمــــــــــــون = في شجرة الانساب يوجد سجلــه

          يا مدعين الفهم وشلون تقــــــــــرون = سؤ الفهم فيه الف عله وعلـــــــه

          بالهون يالعراف بالهون بالهــــــــــــون = عروة وعتبه ما انتم بشجرة لــــــــــــه

          لو باتدخل قالو الناس مجنــــــــــــون = والحق حق ولا حدٍ معارض لـــــــــــه

          قالوا لي انصح قلت ما لي بها شـؤون = وكثر المجادل ماني بفاضي لــــــــــه

          اعتيبه قبيلة وأصلها مابه اطعـــــــون = وبني سعد ساس النسب والمظله

          قرنة عتيبة في نسبها يعـــــــــــــدون = وظير النبي منهم وهم خولة لـــــــه

          هوازنية جد واالناس يــــــــــــــــــدرون = في جمهرة علم النسب مرجع لـــه

          أولاد بكر بن هوازن يسمــــــــــــــــون = ثلاثة اسما بالنسب مستقـلـــــــــه

          سعد هو أولهم مع اللي يعــــــــــدون = وأحفاده العتبان وسلالة لـــــــــــــه

          وشقيقه منبه مثبت ومضمــــــــــــون = أبو ثقيف ونسلهم راجع لــــــــــــــه

          ومعاوية شقيق ثالث ومصيــــــــــــون = وذريته شوكة ونقوه وسلـــــــــــــه

          نصر وجشم مع صعصعه لا تطوفــــون = وكعب كلاب احفاده وعصبة لـــــــــه

          والمنتفق وابناه قوم ابن سعـــــــدون = ارض العرق وهضبته منزل لــــــــــه

          وبني نمير وغيرهم ناس يتلــــــــــون = ودولة بني عامر هل المدح كلـــــه

          واهلال وأحفاده هل المجد والكـــــون = غزا شمال افريقيا واستحلـــــــــــه

          وجشم مع البربر لهم عقب واضعـون = لازال بالمغرب بحله وثلـــــــــــــــه

          مفهومكم يالربع من دون فـــــي دون= خافوا عل انفسكم وخافوا مـن اللـه

          عن المزالق والخطا ما تحاشــــــــون = عليكم الناقد لقا مدخل لــــــــــــــه

          على المتاكي بالسوالف تطبــــــــون = طبة غريق البحر في غبة لــــــــــه

          ما كل من يفتي لكم له تطيعـــــــون = فتاويا ضحلة ولا صحة لــــــــــــــــه

          ولا كل هراج لهرجه توحـــــــــــــــون = هذا يطبله وذا مرشد لــــــــــــــــه

          الكاتب أخفق والجماعة يشيــــــدون = بعلمه وتعلميه إدقاقه وجلــــــــــــه

          في أودية علم النسب لا تهيمـــــون = أكرمكم أتقاكم من البشر كلــــــــه

          خلوكم اعتيبه وباسمه تعــــــــــزوون = تاج على الهامات مثل المظلــــــــــه

          قبيلة وقت اللقا ما يهابـــــــــــــــــون= يا سعد منهم باللقا لابة لــــــــــــــه

          بين القبايل يوم الأكوان والكـــــــــون = مثل القمر بين النجوم المطلــــــــة

          في وقت حومات الوغا ما يضــــــدون = قمع الحريب ولطمته عادة تلــــــــه

          لاقيل يا عتيبه وجوك يتناخــــــــــون = حرز الدخيل وحصنه وملتجأ لـــــــه

          بجيش عرمرم يقهر اللي ينـــــــاوون = تشهده له الحكام ونجد وهللـــــــه

          أعتيبه اسمه تاج للراس أومتـــــــون= تاج له وعز له وطولة لـــــــــــــــه

          تفخر به اعتيبه من اسنين واقــــرون = ما فيه مهمز للدنس والمذلـــــــــه

          قوم ٍبفال الروح للموت يـــــــــــردون = يوم اتربه واقتالها شاهد لــــــــــــــه

          ومعارك الطايف عنه لا تناســــــــون = ومفتاح مكه سلموه لا هللـــــــــــه

          واحصار جده والرغامة يقولــــــــون = فيهم عمود الجيش وقيادة لـــــــــه

          قبيله لا عاهدوا ما يخونـــــــــــــون = ما يهزم البيرق وهم نصرة لــــــــــه

          و تذكروا محدارهم يوم ينحــــــــون = من أرض الحجاز الممحله والمملـــه

          من الطائف وركبه مشوا ويتبــــارون = بالخيل والجيش الحمر مرءف لــــه

          برقاوي وروقي على العهد يافـــــون = بقرار اعتيبي من الجمع كلــــــــــه

          يبون نجد ودونها ما يبالــــــــــــــون = لمجابهة شيخ ٍ تمادى بظلـــــــــــه

          تعاهدوا ما بينهم ويتواصــــــــــــون = والوعد عهد وكل ٍمؤيد لـــــــــــــــه

          بجمعا رهيب ويرهب اللي يعـــادون = جمعا عتيبيا بحله وثلـــــــــــــــــــه

          مثل الخيال الى اقتفى مزنه أمــــزون = وأرعوده البارود في كل حلـــــــــه


          نزل قرارة نجد بسلفان واضعـــــــــــون = حتى اصبحت في ملكه وموطن لـه

          يردون حيضان الدرك ما يخافــــــــــــون = كل يبي واد الرشا مرتـــع لـــــــــه

          والى زمى العايل زموا ويتحـــــــــــدون = تسقيه كأس المر من حنـظـلـلـــه

          قبيلة بالحرب ما ينتناحــــــــــــــــــــون = وهضاب نجد وجوها مسرح لــــــه

          من قوق قحص الخيل والجيش يحدون = وتركي ومسلط كلهم قادة لــــــــه

          في وقتهم لهم المشاهير يصفـــــــون = هم قادة الهيلا ورمزه وظلـــــــــــه

          بالميمنة تركي على ما يقولـــــــــــون = أزاح ابن هادي وحل بمحلــــــــــــه

          قصايده تشهد مع اللي يغنـــــــــــون = وثايقا محفوظة في سجلـــــــــــــه

          عن سير وسيرة حياته يخطـــــــون = ومهما كتب عنه ما حد منصف لـــه

          وعتيبه بتمجيد تركي يشيـــــــــــــدون = حكيمها فقيها فارس لـــــــــــــــــه

          وبالمسيره مسلط وناس يسمــــــوون = شمال نجد وغربها تابع لــــــــــــه

          شيخ المناخ وشيخ من له يحامـــــون = عضـد لـه وزنـد لـه وقوة لــــــــــــه

          يناوخ الحكام ولا يقبل الهــــــــــــــون = بجيله يمثل دولة مستقلــــــــــــه

          محوالهم كل الملا عنه يــــــــــــدرون = والراي للاثنين وعقده وحلــــــــــــه

          ومن بعدهم ظهر شيوخ يعــــــــــدون = أمثال ابن هندي خذ المدح كلـــــه

          وفرسان عن سمو القبيلة يـــذودون = تشهد قبايل نجد والشاهد الـلـــه

          لمحه من التاريخ لمن يستحقــــــون = من قيل ابن عبود تو استهلـــــــــه

          لو ابتوسع وأفضي بكل مكنـــــــــــون = فند تهم كل أبلج بمفرد لـــــــــــه

          وأختامها أصلي مع اللي يصلــــــــــون = على نبيا بالمدينه محلـــــــــــه[/poem]

          تعليق

          • الرتوعي
            عضو ماسي
            • Aug 2004
            • 525

            #6
            [poem=font="Simplified Arabic,5,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]




            مابين السطور ضد الزهو والغرور

            تهيضت يا طارق والامثال جــــــــــــن اورود = وردت من جديد لمنهلٍ من مناهلهــــا

            بعدما عزفت وجاوز العمر ست اعقـــــــــود = تفاعلت مع صوت اللـحون ومثايلهــــــا

            على اثار بيت قادني للمعاني قـــــــــــــود = يهز الشعور وله صدى في دواخلهـــــا

            ما لوم السميح لو ضرب بالوتر والعـــــــــود = وبين نقاط الضعف وأفصح وفصلهــــــــا

            ضرب في وتر حساس يفطن له المولــــود = وركز على ناس تمادى تطاولهـــــــــــا

            شرح عن شرايح فكرها مغلق ومحــــــدود = لا زال التخلف كامنا في معاقلهـــــــــا

            أوادم بمظهرهــــا لكن الوعي مفقـــــــــود= مناظر كما الأشباح وابليس مشغلهـــا

            هذا يعترض للحذف والنقد والمنقـــــــــــود = وذا يمدح ويقدح والآخر يوصلهــــــــــــا

            وانا قبل ما اصدق وجاني خبر موكـــــــــود = من أوباش بعض الناس واقزام اسافلها

            خبر ناش من حولي وانا ماني بمقصـــــود =ولكن وقعه فالعظام ومفاصلهــــــــــــــا

            من اللي عسى قربه وعرفه ماعاد ايعــود= يزول وتزول علاقتي معه وأفصلهـــــــــا

            أنا قلبي أبيض وأمقت أهل القلوب السود = ولا شفتها صديت عنها ما أجاملهــــــــا

            ما أحب الخطأ لكن لاحك عودٍ عـــــــــــود = أوجه سهومي صوب الاعداء واقاتلهـــــا

            أهدف وأثبت مضرب السهم والعبـــــــرود = لقص ألسنة غثاء المجالس واناملهــــــا

            ولا همني غضب حميد ولاحمــــــــــــــود = ولاهمني هذر السواقط واراذلهـــــــــــا

            بعضهم نحسب أنه رفيق وسند واعضــود =وتحملت زلات الهمج واتجاهلهــــــــــــا

            لكن العفون اعفون ما للعفون أعهـــــــــود = وانا ما تزعزني دوادي مهبلهــــــــــــــــا

            ولا فيهم اللي يحمل الرد والمـــــــــــردود = رعاع المجالس ما ينومس مقابلهـــــــــا

            بعد لاح لي ما لاح بالأفق يا أبو سعــــــود = حبست القدم عن حي الأنذال وأحللها

            وانامن سماتي ماأصحب الجاهل النمرود = وأحسب لمخراج القدم قبل مدخلهــــــا

            بعد شفت لي ناسٍ تحب الظهور بـــــزود = تحب الظهور بزود والجوع قاتلهــــــــــــا

            تنابز بالألقاب وتهارش تقول اقــــــــــــرود = وهي ذكرها خامل من أعصور أوايلهــــا

            زماناً مضى يوم أشهب الملح والبــــارود = مال أجدادها شهره تثبت فعايلهــــــــــا

            تقلد هل الطالات وأهل الوفا والجـــــــود = تبي المدح بالقوة لا شادة مراجلهــــــا

            تبي المرجلة والمرجلة حبلها ممـــــدود = ولا كل من هام المراجل يحصلهــــــــــا

            ترى المرجلة حض ونصيب وتبي مجهود =ماهي بالبشوت الشقروالشمغ واعقلها

            مثل من خرج عن حده وحجمه المعهـود = وغره قرينه وقذفه في محابلهـــــــــــــا

            سنحة رجل بالمظهر على منظره محسـود = مثل من نقل له شيخةٍ ما يليق الهــــا

            راع المشلح الأشقر رماه بنكد وانكــــود = أبو شمسةٍ تجهر نظر من يخايلهـــــــــا

            يمشي مشية الخيلاء كما الكاعب أم انهود = إليا جت تبختر تنتظر من يغازلهــــــــــا

            ولاقلت له يا هن أنته من يابو ازنــــــــود =وش الكنية اللي في هويتك تحملهــــا

            تفاعل وكأنه راعي الصارم المجــــــــرود = وهو نكرة مجهولة من تسلسلهــــــــــا

            رعاةٍ تقلد لبس الأجواد وآل اسعــــــــود = تزيت بزيا بالقدايم ماهوب الهــــــــــــــا

            مظاهر علىلا شئ والنقص مثل الـــــــزود = والآيام تكشف عن خفايا خمايلهـــــــــا

            شعارات براقة تبارق بدون ارعـــــــــــــــــود = سوات السراب لناظره في مجاهلهــــا

            غلاظ القلوب الحاقدة مالها مقصــــــــــــــود = يكود اغتياب الفافل ونتب غافلهــــــــــا

            جفاة الطباع أهل الحكي والنكد والكــــــــود = تثير الفتن بين الاقارب وتشعلهـــــــــــا

            حفاة عراة مثل عمال أبو هنــــــــــــــــــــود =عاقلها إلى حدث مثل عقل جاهلهـــــا

            ما حدٍ سالم منهم حتى اللي كلاه الــــدود = تنبش قبور الميتين ونصايلهــــــــــــــــا

            مذاهب بعضهم مثل مذهب أهل التلمــــود = وفيهم صفاتٍ من صليب وقبايلهـــــــــا

            وأضن المرض بنفوسهم حاصل وموجــــــود = وعداوة منتشره وبانت دلايلهـــــــــــــا

            وحل الغرور وصاب راس الولد والعـــــــــــود = وبان الخلل وسط النفوس وتخللهــــــا

            هاذي خاطره غناها ماجد العبــــــــــــــــود = توضح نقاط الضعف للقوم واعللهــــــــا

            من أهجوس حره ماعليها حظر واقيــــــــود = أقابل خصومي وجه بالوجه ما أختلـها[/poem]

            تعليق

            • الرتوعي
              عضو ماسي
              • Aug 2004
              • 525

              #7
              [poem=font="Simplified Arabic,5,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
              طلال هات الطرس واكـــــتـب بتـبـيان = رداً على الشــاعــر ونــظـمـه وقـيـله
              لو كان مـالـي بـه لـزوم و لا شـــــأن = لكن أبا أنـصـح صـاحـبـي واسـتـمـيـله
              نصيحة ما أبـغـا جـزاهـا بـالأثـمـــان = حشى حشا لـلـه مـا أبغـا بــديـلــــه
              يا نجر ما أنـت أبـا الـجـلاد ا شـويـمـان = شاعـر عـتـيـبـه فـي زمـانـه و جـيـله
              أخـفـقـت يا نـجر الـعـصـيمي وغلطـان = بأعـلانك بـقـرية عـصـيـل ومـسـيلـه
              وزعـت لـك بـلـدان وحـددت بـلـــدان = كـنـك كـبـيـر الـقـوم وإلا و كـيـلــه
              ترمي بها يا نـجـر مـن دون مــــيـزان = رمـيـة عـيـل وإلا خـدعـك الـدلـيـلـه
              وإن كـانـهـا يـا نـجـر زلـة لـســان = عـود لـدرب الـحـق واسـلـك سـبـيـله
              يـا نـجـر مـا أسـبـك ولا أذم عـيــدان = ولا لـي عـلـى ذمـك طـريـق و سـيـله
              أنـتـه حـفـيـد الـلـي يـسمى شحـيـمان = ومزبوره الـشـاهـد لـجـوده وكـيـلـــه
              ومـدح بـلـيـا فـعـل يـا نـجر نـقـصان = ومـن يـنـخـدع لـلـمـدح واعـزتي لــه
              بـعـض الـمـدح مـثل الـمـذمه وبـهـتان = ما يـشـفـي أمـراض الـقـلـوب الـعـليله
              وبالـنـسبه لـعـيدان وأمـثـال عـيـــدان = ما لـه عـلـى الـحـيـين زود و فـضـيـله
              مـفـروض مـدحـك للـحـمراء و ابو حمدان = ورشـيـد وانـداده ومـن يـنـتـمـي لــه
              وخـلـيـف ومـجـري ومـذكـر و رشـدان = ذوي مـطـيـر الاربـعـه عـن قـبـيـلـه
              ومـضـيـف الـعـوشـز ونـزله وقـبـلان = وثـالـثهم مـسـيـميـر راع الـكـحـيـلـه
              وصـطـام وعـزيـز مـذاخـيـر نـجـران = وهـزاع شـيـال الـحـمـول الـثـقـيـلـة
              صحـح مـفـاهـيـمـك وروح لابن شـرفان = يـخـبـرك بـدقـاق الـخـبـر مـع جـليله
              أنـشـد كـبـار الـقـوم عـن كـل مـا كان = والـشـيـخ ابـن فـاهـد حـكـيم الـقـبـيله
              خـل الـمـدح يا نجر لاطـوال الايـمـــان = أهـل الـكـرم وأهـل الـمـهـار الأصـيـله
              ما دمـت شـاعـر والـك بـالشـعر ديـوان = حـكـم ضـمـيـرك واتـرك الـمــستيحله
              الـديـرة الـلـي بـيـن صـبـحان وعروان = دار الشـيـوخ ودار كـل الـقـبـيـلــــه
              مـا هـي بـدار فـلان والا فـلـنـتـــان = دار الـرجـال اللـي خـطـاهـم طـويـلـه
              ذخـر جـلـوي وفـنـيـتـخ وذخر شجعـان = الاد عـاصـم كـاسـبـيـن النـفـيـلـــه
              يا نـجـر قـطمـان الـمـحازم لـهـم شـأن = أيـمـانـهـم بـالـمد مـا هـي بـخـيـلـه
              ربع لـهـم صـولات وأسـنـان و عـنــان = أهـل الـوفـا وأهـل الـبـيـوت الـضـليله
              حـمـو حـمـاهـا يـوم روغـات الأذهـان = بـمـشـوك رأس الـمـعـادي يـزيـلـــه
              حامـيـنـها يـا نجـر مـن مـاض الأزمان = بـرمـاحـهـم والـمـرهـفـات الصقـيـلـة
              زمـل الـمـنـاخ إلى غـشـا الـجـود خان = يـتـنـون مـن دون الـحـلـل والـحـلـيله
              حـامـيـنـهـا من وقـت طـلـمس ومشعان = أهـل الـبـخـت وأهـل الـفـعـول الجـليله
              يا نـجـر لا تـجـهـل سـلايـل سلـيـمان = هـاذي مـرابـع جـيـش طـلـمس وخـيـله
              و عـبـدالـلـه ومطلـق دواهـي وشـيـخان = يـشـهـد لـهـم شـريـف مـكـة وجـيـله
              وشـيـخ الـمـظـاهـيـر الـمسمى كحيلان = إلى اعــتـلا مـن فـوق بـنـت الأصيـلـه
              محـيـمـيد مـروي شـذرة الـسـيف والزان = حـمـاهـم مـن كـل عـيـلـه ومـيـلــه
              ومـزيـد وزيـد الـلـي يـفـكـون الأضعان = حـمـايـة السـاقـة نـهـار الـدبـيـلــه
              أخوان هـيـا أخـبـارهـم عـنـد قـحـطان = مـفـرقـة حـبـل الـخـلـيـل وخـلـيـله
              بالـحـرمـلـيـه فـعـل أبـو مـرحبـا بان = جـنـدل عـقـيـد الـقـوم واقـتـاد خـيـله
              وفعـلـه عـلى عـرجـا وفـعل بن صدغـان = عـلى جـبـا عـرجـا وجـال الـنـمـيـله
              أقـتـادوا الـعـطـفـة وهـانـوا صنـيـتان = لـلـشـيـخ بـن هـنـدي زعـيـم الــقبيله
              وجـزا عـقـيـد الـقـوم بـايـام الاكـوان = لا هـوا بـسـيـفـه ما يـعـالج قـتـيـلـه
              هـذال يـشـهـد لـه وخـيـل بـن سفـران = صـويـبـه إلـى طـاح مـا أحـد يـشـيـله
              ابـا الـعـلا جـزا يلـقـب بـقـشعـــان = قـصـار ربـعـه بـالـوغـى تـلـتـجي له
              وكـون الـرشـاويـه ذبـح فـيـه دوشــان = من سـيـف نـايـف مـاش نـايـف مـثـيله
              ومن بـعـدهم تـسـلم الـرأي سـلـطــان = أسـس سـنـام ولـم شـمـل الـقـبـيـلـه
              كافـح مـع بـن سـعـود ضـمـن الأخـوان = حـلـحـيـل بـأفـكـاره وعـزمـه و حـيله
              يـوم تـربـه حـضـر مـعـارك رمــادان = بـجـمـع رهـيـب مـثـل نـوء الـمـخيله
              وحـمـايـة الـبـيـرق عـلـى راس زبدان = وغـزولـه أجـمـوع الـعـدو تـرتـكـي له
              وشـديـد الـحـثـري ظـهـر فعـله وبـان = بالـمـارتـيـن الـلي تـقـص الـحـبـيـله
              أخـذ الـركـايـب والأشـده والأرســــان = والركب جدع رؤسهم بالـمـسـيـلــــــه
              ومـحـسـن وحـاسـن كـل الاثـنين فرسان = يـردون يـوم أن الـمـوارد قـلـيـلــــه
              دون الـمـعـقـل يـوم لـلـمـلـح دنـدان = ومن قـبـلـهـم صـايـل مـزيـف د خـيله
              ومـبـارك ابـن هـريـس مـلـفـا ومزبان = لـلـي لـفـوه طـالـبـيـن الـعـديـلــه
              قـدم خـيـار الـزمـل وبـيـوت الاسـكـان = وغـنـابـه الـحـافـي ويـشـكـر جمـيـله
              وطـاحـوس مـع مـسـلط وعقاب بن شبـنان = نـهـار كـون الضـال يـوم الـمــهـيـلـه
              حـول بـجـمـعـه وأمـتـلأ الـجـو نيران = وثـار الـدخـن بـيـن الـعـمـيـل وعمـيله
              بـقـول الـحـضـور وحضرة بن ربـيـعان = تـحـدث بـقــصـيـدةً لـه طـويـلـــه
              سـهـاج مـا غـيـره مـن شـهـود الاعيان = أثـنـا عــلى طـاحـوس وأطـرأ القـبـيله
              ربـعـه مـدفـنـت الـركـب يـوم الأ كوان = نـطـاحـة الـبـارود تـنـتـمـي لــــه
              عـشـو طـيـور الـجـو والـذيـب سرحان = بـصـاف الـحـديـد وحـامـيـات الفـتـيله
              كـم شـيـخ قـوم هـازهـم وأعـلـن إعلان = وعـنـد الـمـواجـه نـار وأعـلـن رحـيله
              وجـمـع هـل الـسـمراء ونـزل بـن ريمان = عـبـيـد حـامـي نـزلهـم و الـدلـيـلــه
              والاد عـبـاد الـمـتـاكـيـن ضـفـــران = مـثـل الـخـيـال إلـى ارجـف ودق سـيله
              والاد حـاسـن مـعـطـبـة كـل فـسـقـان = مـنـيـعـهـم فـكـوه واخـلـو سـبـيـله
              وربـع الـطـويـل سـعـود مـا هـم برديان = رجـالـهـم يـنـطـح جـمـوع و قـبـيـله
              بـمـسـلـبـات دون حـلـوات الألـبــان = مـثـل الـرمـاح الـغـاريـات الـطـويـله
              وأمـثـال بـن سـحـاب مـع شـيـخ برزان = بـمـلـيـت نـذكـر لـه فـعـول جـلـيله
              وقـف لـهـم بـالـريـع بـشـهـود الاعيان = وحـمـد صـبـي الـحـرب وأشـفـى غليله
              ولـو بـاتـوسـع وأذكـر فـلان وافـــلان = عـنـدي سـوالـف كـوم مـا هـي قـلـيله
              هـاذي خـواطـر الـعـصـيـمـي بتـبيان = مـن هـاجـسٍ مـا يـلـتـفـت للـهـزيـله
              والـنـاس والـنـقـاد يـا نـجـر قـشـران = حـتـى الـقـبـر تـنـبـش ثـراه و نـثـيله
              ولا حـدٍ بـسـالـم مـن قـلـيـلين الإحسان = شـذايـة الـعـرقـوب والـحـنـثـو يـلـه
              وأخـتـامـهـا أصـلي على خـيـر من كان = عـلـى الـذي قـبـره بـطـيـبـه نـجـيله[/poem]

              تعليق

              • الرتوعي
                عضو ماسي
                • Aug 2004
                • 525

                #8
                في فندق صحارى والجــول يتـبـارى




                [poem=font="Simplified Arabic,5,black,bold,normal" bkcolor="transparent" bkimage="" border="double,7,orange" type=0 line=0 align=center use=ex num="0,black"]
                في نهار الخميس اللي تعدى مع طريق المطارى = كنت ماشي لوحدي وأتـمـثـل بالـلحـون القـدامــــي

                شفت زولً نـطـحنـي وسط جول يــدرج ويـتـبـارى= يدرج ويتبارى في مسيره مثل جـول الـحـمـامــــــي

                في طريق وأنا بـيـن المطار وبـيـن فندق صـحارى = فز قلبي وحن وتـهـت وعـيـونـي حـربـهــا الـمـنامي

                وأخذ راس السهم وأوعز له المسؤول بالانـتـشارى = خطوتــه وحده يمشي على الدقه وهو بـالأمـامـــي

                وأعترض بالمسير ولا وقف لي وانحرف واستدارى = قلت رد الـتـحـيـة يـالـحـمـام الـورق وأد الــسلامـي

                قال من حـظـرتك يـالـلـي لـنـا بـالأمر تصدر قرارى = ما أنـت ضـابـط مـرور ولا مـديـر ولا أنت قـايـمـقامي

                قلت أنا شخص عادي لا مدير ولانـي مستشارى = ماشيا في طريق الصح وحدي ما أخترقت النظامي

                قالت أنت الحـيـا على محـيـال وعـلـيـك الـوقـارى = بالشكل مستقيم وصرت بالجوهر خفيف وحرامــي

                نحسب أنك من أهل الشبح وإلا من عــيال السدارى = غرنا الشكل والـهـنـدام والـسـنـحـة وحـلـوا الـكـلامـي

                ما درينا أنك بـديـوي مغربل عشت بأرض قـفــارى = ما عرفت الـتـمـدن والـحـضـارة قبل عشرين عامي

                عايش بـيـن رعـيـان الـبـدو ومـتـابـع أم الـحــوارى = حافياً دايـم وعـريــان يا بـدوي وجـيـعـان ظـــامـــي

                مـهـنـتـك تـطرد الضبان بالـمـكانـس ليل ونـهـارى = فوق وارد عـراوي والسكن بالطلح والا الـخـيـامــي

                قلت أنا صح بدوي والبدو ساس العرب والحـرارى = هم هل المجدوأهل العزوأهل المتعبات الحشامي

                آكل الضب والـغـزلان وطيـور الـحـجـل والـحـبـارى = وأتلذذ بنسمات الهواء والـبـر غـايـت مـرامــــــــــي

                لاختلط نـبـتـه ونـواره وريـح الـنـفـل والـشـقــارى = وشفت نبت الزهر كاسً تضاريبه ورؤس الـعـدامـي

                من بدايةحياتي عشت في هضبةوسيع الفقارى = مسقط الراس نجد وديرة أهلي والخوال وعــمامي

                ديرة ما أمتزج في دم أهلها دم ترك ونـصــــــارى = ديـرة الـعـرب وأرض الـعـرب مهد لـلـرجال العظامي

                والمدينة عرفنا سـلـمـها واحنا بسن الـصـغــارى = وقد قرينا في السبع المـثـانـي جـالسين وقيـامي

                والحضارة ومفهوم الحضاره في لغـتـنـا شـعــارى = من نهر دجله إلى أم القرى وأرض الكنانه وشامي

                وجامعة فاس وأرض القيروان وكل ذيـك الـديـارى = وجامع الأندلس بالغرب والمـشـرق بدار السلامـي

                من مقدمة ابن خلدون أخذنا الدرس والاعتـبارى = في لغة ناطقين الضاد تـلـقـيـن الـعـبـر والـعـلامي

                قالت أنـتـه مخضرم وأرجو أنـك تـقبل الاعـتـذارى = والمسامح كريم ويـظـهـر إنـك مـن ربـوع كـرامـــي

                قلت أنا ما تعديت الحدود ولا طمرت الـجــــــدارى = محتفظ بالأدب ومقيدً نفسي بأدب وإنـتـظــامــــي

                قالت من أين لك هذا وحنا في كلامك حـيـــــارى = وأنت عايش ببيئة ناس عمي وكل أبوهم عوامــي

                قلت ذي مهنتي والسرماأبدي به لناسً كـبـــارى = يدعون الفهم وعـقـولـهـم تـسبح بجهل وظلامــي

                قالت العفو يا شيخ الشباب وبالـمـزوح نـتجــــارى = بين سلبي وإيجابي من حديثك كن حديثك فيه إنتقامي

                قلت لا ينكشف سري وسرك ثم يصير انشقـــارى = يـصـبـح الـكل مـن عـرضـه لـلائـمـه والــمــلامـــي

                والحذر ما يفك من القدر وأنتي حذارى حـــــذارى = والمشقى معرض دايـم لـلـنـقـد والإتـهـامــــــــــي

                خلها بـيـنـي وبـيـنك خفا يا سيد كل لـعــــــذارى = لا تفرح علينا الشامـتـيـن ونـاقـلــيـــن الــكــلامـي

                يا خساره على التعليم يا هل المعرفه يا خســـارى = ميزة العلم الأخلاق الـفـضـيلـه والادب له سنـامي

                علم من دون أدب وأخلاق عرضة للخلل والدمــارى = وكل من حب ذاته يكره ولا يـصـبـح الـــه إحـترامي

                قالت أقطع علاقـتـنا الـقـديـمة مـانـي لك مجــارى = ساعة أجمـعـتنـا نـفـترق فـيـهـا بـسلم وسلامي

                قلت ما فيه مانع عندنا كان الغضي ما أستـخــارى = والستر حبه الله مر حـطـي لـــك حــجـاب ولـثامي

                قالت أعطني إسمك صح لا تعطيني المستـعارى = وخلنا نبني عـلاقــات ود وصــادقـه وإنــسـجـامــي

                قلت أنا تبت عن طردالهوا والـعـشــق عـنـي تــوارى = أذكر العشق ودروب الـهـوا والـحب مـثـل الـحلامي

                قالت أنته خطير ويظهر أنك تـخـتـبـرنـا أختـــبـــارى = خاف ربك وعوذ من إبلـيـس وصـل خـــلف اليمامي

                قلت أنا أصلي فروضي وأحج البيت وأرم الحجــارى = وأدي الواجبات الواجبة وأصـوم شـهـر الـصــيــامـي

                قالت أنا أنتقم منك وولع بالـمـعـالــيـــق نــــــــارى = لين تمشي لنا مطواع يأحمد بالرسن والخطامــي

                قلت دربي يمين ودربكم يا زيـن عـنـي يـســــارى = وكلنا بشر ناقع في مـتــاهات الخطأ والـظـلامـــي

                ربنا كونك من ضلع أعوج ما عـلـيــهـا غـــبـــــــارى = كيدكن كيد مع يوسف عليه أفضل صلاة وسلامـي

                دارت الدائره عليك يا راع الـنـهـــود الــصـــــفـــارى = والتحدث معك مـمـتـع وحـــنـا مــا ورانــا دوامـــي

                قالت أرفق ترى جسر الموده صار فيه انـهـيــــارى = وأصبحت بـيـنـي وبـيـنـك يدين البغض والإتهامي

                أنت طولتها وأحـــــنـــــا علينا طــول الإنــتــظــارى = لا تورط بقذف المحصنات الـغـافــلات الـحـشامي

                عندي إحساس بأن الملتقى والمعرفه بأنحــدارى = بأنحدار وتدني والنتيحه بـيـنـنـا الأنـقـسـامـــــــي

                قلت نظرة مودع للمودع والذي صار صـــــــــــارى = وحل وقت الفراق وبعدها ما عاد فيه التيامـــــــي

                قالت الله معك وأنته برأيك حر واحــنــا حـــــرارى = والبشر غالب ومغلوب من عدة قرون وعوامـــــي



                [/poem]

                تعليق

                • الرتوعي
                  عضو ماسي
                  • Aug 2004
                  • 525

                  #9
                  [poem=font="Simplified Arabic,5,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
                  من حديثي مع اللبناني ثارت ثورة البركاني

                  يا خسارة جيتي للملعب ومن لـــــمه = والنقاش اللي حصل مني مع اللــبـنـانــــي

                  ليتني ما ادليت بالسؤال والتـسـلـمــه = لجاهل مغسول مخه والعـقـل فــروانــــي

                  كنت ابابحث معه وأنهل من غزارة جمـه = وقلت هاذي فرصتي مع عالم الـفـتـيـانــــي

                  غرني مظهر قليل الوفق وأثـره رمــه = وأقـتـنـعـنـا من ضحالة فكر ابن لـبـنـانـي

                  ما يحوش ولايهوش ابكم كما الطرجـمه= هيكل وسـنـحة ولـد ومـسـمـم وغـلـبـانـي

                  فكري بهمه ولاعب كورته فـي هـمه = وحز في نـفـسـي وثـارت ثـورة الـبـركانـي

                  ما أنت بلاعب كورة مبلم لك بـتـبلمه = عالة على وطـنـك وفـاشـل وخـسـرانــــي

                  لاعب الكورة نـتـنياهوا وابوه وعمه = والحكم وزيـرة كـلـنـتـن في الـمـيـدانـــي

                  كورتك صارت بـيـد بـوابهم وأزدمه = وأنت ما لك عندهم قـيـمـة ولا وجـدانـــــي

                  أمهم وا شـنطن ولنـدن سوات العـمه = وروسيا الــجـده ويـلـسـن مـرشد وعـوانـي

                  كل ما درت يـنـازع ثـديها ويـخمه = وأمـتـزج دم الـيـهـود بـدم امـريـكـانـــي

                  الكـفـر مـن ملـه وحـده ولاله ذمه = يحبكون الـنـا الـدسـايـس من وراء الجـدراني
                  يا شباب العرب واين الدين واين الهـمه = أ تـديـتـوا ثـوب عـارالـذل و الـخـذلانــي

                  كل ما زرنا بلاد إلى الأمم ملــتـمه = عـنـد مـيـدان الكور ومصـارع الـثـيـرانـي

                  وأمـنـا بـأحـدادها بالمسجد ومغتمه = وأخـتـهـا بـقـيـودهـا في هـضـبة الجولاني

                  صوتها مخنوق وتصوت ولاحد يـمـه = تصفـق بـيـدها وتـنخا يـأهـلـي وخـلانــي

                  بـيـن هـم وغـم يـوميا تجرع سمه = والعدو الـمـشـترك يـهـودي ونـصـرانـــي

                  مكبله بـقـيـودها وتـقول وين الأمه = أمـة مـحـمـد وراهـا تـغـظي وتـنـسانــي

                  بالسجون ونسمة الغربي ما عاد تـشمه = تـحـت مـطـرقـة الـيـهـود ورحمة السجاني

                  كل ما جـتـنا مطمة زودت بـمـطمه = من وعـد بـالـفـور وبعـده نـكـبة حـزيراني

                  والـعـرب ما كـنها لـلمشكلة مهتمه = كل مـنـهـم مـنـحيا باللآئـمـة لـلـثـانـي

                  أحد مـتـحفظ ولآخر كـمـمو له فمه = وأحد سـنـي بـالـشـكـل وبـجـوهره عـلماني

                  والأمل ما فـيته أمـل من قمه إلى قمه = وإجـتـماعـات عـقـيـمـة ما لها بـرهـانـي

                  حارس إسرائيل بالضـفه وبرج الحمه = وحائط الـمـبكى ومـوقـع هـيـكـل سـلـيماني

                  والفلسطيني على أرضه كيف يهدر دمه = يـنـتـظـر نـجـدة عـيـال الـعـم والإخواني

                  ندعي بأسم العروبة دون عزم وهـمه = ونـدعـي بـأنـا الـعـرب وأسـلافـنـا فرساني

                  لـيش ما نقرأ بتاريخ العرب ونصمه = وسـيـرة رجـال الـصـحـابـة مرجع وعنواني

                  يا شباب العرب هبوا وأنجوا من الغمه = وجـهـوا بانـظـاركم لـلـقـدس والـجـولاني

                  الأبـن يـفدي بروحه دون دينه وأمه = ما يـبـيـع ارضه وعرضه نـهـب لـلعـدواني

                  في وطنا أستأسد الثعلب وجيش الخمه = حطوا لهم في وطـنـا أوكـار وأسـتـيـطـانـي

                  كل يوم يوزع أرض عريـبيا ويظمه = ما لقى من يردعه ويـوقـف الـطـغـيـانـــي

                  صارذئب وصار قاضي لعنبوا ذالغمه = ولعن أبو من يـرزح ويـنـصـاع لـلـديـانـي

                  حقق احلامه وحط عريـبـيا في كمه = والـبـسـونـا ثـوب عـار الـذل والأدرانــي

                  ليش ما نجمع مسيرتـنا ونزحف يمه = قـلـب وقـالـب ونـدقـم شـوكـة الـعـدواني

                  الولد وأم الولد وأبو الولد مع عـمـه = مرخصـيـن الـروح والأمـوال و الـولـدانـي

                  ذا نصكه بالقـنـاه ونخطفه ونخمـه = وذا نـدوسـه تـحـت دهـس الـرجل والحذيانـي

                  نلتحم لإخماد جيش الكفروالـشرذمـه = وديـنـنـا الأسـلام يـنـسـخ بـاقي الأديـانـي

                  وكان فينا نقص نكمل ديننا ونـتـمه = ونرجـع لـدرب الصـواب وطـاعة الـرحـماني

                  نتجه للقدس ونجمع مجتمعـنا ثمــه = بـالأيـادي نـشـتـبـك ونعض بالأسـنـانـي

                  لين تـنـتن الجنايز من لحوم مخمــه = وفي جماجم قوم بـيـقـن نضرم الـنـيـرانـي

                  منهم ومنا ونضرب جسرهم و ندمــه = وتـسـتـعـيـد الـقـدس من عـبادة الأوثـاني

                  داب يدفق سمه وداب يتجرع سمـــه = ونـقـتـل الحـيـات ونـقـطـع دابر الديـباني

                  الرحال تشد لأولى القـبـلتين بهمــه = عن عـقـيده صادقـه بالصـدق و الإيـمـانـي

                  واجب المسلم يدافع عن ثلاث مهمــه = ديـنـه وعـرضـه ومالـه مـالهـن أثـماني

                  العرب كل العرب تمشي صفوف و لمه = من نهر دجلـه إلى أقـصى طـنـجة وتطوانـي

                  ومسلمين أفريـقـيـا تمشي لنا منظمه = ومسلمين الـهـنـد والأتراك والـشـيـشـانـي

                  وكابل وكراتـشي وأهل جاكرتا لمـه = ومسلمـيـن الـبـوسـنـه والهرسك الشجعانـي

                  العدد معرفته وكيـفـيـتـه مع كمه = ما علـيـنـا نـقـص بـالأعـداد و الـسـكاني

                  نرتدي زي الصحابه بالوزر والعـمه = نرضي الخالق ونطـلـب جـنـة الـغـفـرانـي
                  [/poem]

                  تعليق

                  • الرتوعي
                    عضو ماسي
                    • Aug 2004
                    • 525

                    #10
                    محور القصه كالاتي /

                    1- راى شخص ما فتاة فاتنة بالجمال باحدى المدارس فالمنطقة الشرقية
                    و افضى لاحد رفاقه طالبا منه الاتصال بولاة امرها وذويها وطلب حبلها له على سنة الله ورسوله.

                    2- رفيقه استعد وقال امهلني كي اتأكد عن نسبها و حسبها و دينها
                    و قام بذلك وأ خيرا
                    اقنع صاحبه بالعدول عن رغبته حيث لا يتفق الاقتران بها لعلمها بانك متزوج
                    العايق الثاني القبيلة اما دنيا فلا مانع لذلك ولكن النسب هو الاهم عند البادية.

                    3-العاشق اتهم رفيقه الوسيط بانه هزه الشوق لكونه اعزب آنذاك
                    و طمع والوسيط يقول أتق شر من احسنت اليه فلل العاشق و للوسيط التعجب
                    و القصه لها عشرون عاما و للايضاح العاشق محمد ابن راشد ابو كتيفه
                    والوسيط ماجد بن عبود بن مغيرق

                    وجرت بينهما مساجله شعرية حول الموضوع وكان ابن راشد
                    يعمل بام القواعد بالظهران و انا بالدفاع الجوي بالظهران.







                    ماجد بن عبود بن مغيرق



                    [poem=font="Simplified Arabic,5,black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]



                    يا شاعر ام القواعداعطني اعلومك = اعطني علومك يا بن راشد و مفصلها
                    جاني خبر صادق مخالف لمفهومك = من اذاعة توه اكدلي مراسلها
                    خلود ما تنتسب بالعرق في قومك = ولا هي من عتيبه و شتى قبايلها
                    لو ان سني سنك لمعلومك = لا ولي امرها و اطلب مقابلها
                    و ان كان ودك تحقق احلومك = تحزم و عزم و صمل وقابلها
                    والأ أقتنع يا ولد عمي بمقسومك = قبل تجي بين حابلها و نابلها
                    اخاف من ثورة من داخل لحومك = وتجي على افواه قايلها و ناقلها
                    ثورة غضب من صداها ترمي اهدومك = لكن راجع مفاهيمك و حللها
                    هذي خواطر لملمومي و ملمومك = و بيت القصيده من اخرها الى اولها
                    نظمتها واتحرى رد منظومك = و انته حكيم القوافي وانت قاتلها



                    محمد بن راشد ابو كتيفه

                    يا بن مغيرق حشى لله مالؤمك = في ديرة ضاع عاقلها بجاهلها
                    و مع كل هذ نبيك تعقد اكمومك = المسأله كلها ألك خص وانت الها
                    حاول تنفذ على الحلوين مرسومك = و الكلمة اللي تسمح خاطري قلها
                    خلود ما تحتريك تقوم من نومك = تبي لها من يجيها و يتحايلها
                    وانته رفيقي وتومي مدد انا تومك = وان ما و صلت امها من عاد ياصلها
                    لا شك خادمك لا يطمع بمخدومك = حنا نبرد صحنها وانت تاكلها
                    العام يوم ان فرسك صالحت رومك = سميت بالله فاخرها و باولها
                    والحمت في مقدم الفرسان مسمومك = وطمعت بالدرده اللي بين اناملها
                    يا بحر انا اعرفك واسبح فيك و اعومك = فيك الاساطيل راسيت بجافلها
                    يا بحر طبعك مجال انذار لخصومك = لا توجه الموجه الخطره و ترسلها






                    قال ماجد :


                    أنا آصـل الـحــروه إلـى انـهـارت عزومـك = وإن كـان عـزمـي تــردى أنـتـه تـحـمـلها
                    وأنا أخـبـرك لا عـزمـت تـورد أسـهـــومك = تـرد الـمـخـاطـر ولا تـخـشـى حـبـايـلـهـا
                    وأنـا ذراعـك و زنـدك وأسـتـر أثـلـومـــــك = وأفـكـارك الـسـود يـمـي لا تـمـيـلـهـــــــا
                    بـيـنـي وبـيـنـك تـعـادل شـؤمـي شــؤمــــك = والـدور بـوجـيـهـنـا صـكـت مـداخـلـهـــا
                    لا تـبـحـث هـمـومـي وتـشـكـي لـي همومك = ونـضـيـع وسـط الـمـتــاهـات ومـجاهلها
                    أنـتـه تـهـوم الـبـحـر وأمـواجــه أتـهـومــك = وأحـذر تـورط بـغـبـاتـــه وتـنــزلـهـــــا
                    في غـبـة تـبـلـع عـظـامـك وجـمـومـــــــك = وحـيـتـان تـذهـلـك مـا تـقـدر تـقـاتـلـهـا
                    وأحرص على سر مكتومي ومـكـتـومـــك = والــسـر أمـانــه ولا نـبـغـى نـطـولـهــا
                    فرجت عني عسى الله يـبـطــي بـيـومــــك = أسـلـي الـنـفـس بـألـحـانـك وأعـلـلـهـــا[/poem]

                    تعليق

                    • الرتوعي
                      عضو ماسي
                      • Aug 2004
                      • 525

                      #11
                      نصيحة للمصابين بداء الغيـبة والنـمـيمة



                      [poem=font="Simplified Arabic,5black,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]

                      يقول اللي تـهـيـض مـن جـديـد بقافه وغناه = بعد ما كان عازف عن طـروق الـشـعراله مده

                      الا ياالله يا معبود الا ياالله الايااللــــــــــه = ثبتنا لا تزيغ قلوبنا فاللين والشــــــــــــــــــده

                      على طاعتك وعبادتك ياالله يا عزيزالجاه = وتبهت من بهتنا يا عزيز الجاه وتلــــــــــــده

                      سمعنا علم مخجل ما أتضح مضمونه وفـحــواه = قالوا من خـارج الـبـده وأظـنـه داخــل الـبـــــــده

                      الىمنا بلينا بالخبيث التافه وشـــــــــــرواه = ترى ماله علاج الاّ الجفا والبعد والصــــــــده

                      صبرنا والصبر طال وسمعناالهمس واوحيناه = من أفواه الخباث اللي وراء المقفـي لهم هــــده

                      أثر عدونا منا وحقده مختفي جــــــــــــــــــــواه = عسى كيده بنحره في مكامن صدره يـــــــــــــرده

                      سواة السوسه اللي شرهاوسط البطن واحشــــاه = والسوسه شرها ينخر عظام الجسم ويهــــــــــده

                      حتى لو إبتسم بالود تقرأالحقد بمحيـــــاه = حقيرٍ وسافلٍ ما يحمل الطخه على خــــــــــــــده

                      أناماسامحه مادام حي وعايش بدنيــــــاه = والله لدعوة المظلوم باب العدل ماســــده

                      الى منا تلاقينا نهار العرض أنا وإيـــــاه = أمام الواحد الفرد الصمد والحكم في يـده

                      يبا الله يفضح الظالم ويفضح كل من غواه= ويلعن حظه العاثر ومن للتهلكه حـــــده

                      بنا أدم زينته عقله وإن زاغ العقل ضاع وتــــــــاه= مثل ما قالو الجده وقتيه مالها مـــــــــده

                      علامات المنافق واضحه للعين بمحيــــاه = تشوف رسومها في مقرن أ حجاجيه ممتــــــــــده

                      ياليت العفن يجلس بين عماته وجنب انثاه = ولايرمي بنفسه في نحر واحد ماهوقده

                      هذاه من المهابيل الـثـلاثه والرخوم أشباه = تحت ولية نساءهم ما لهم شده ولا مده

                      أطيبهم محني الهامه ما ترمش عينه مع أنثاه = تـقـوده مـثـل قود الثور فـالـمـنـحـاه وتكده

                      عسى رجلٍ تديره حرمته تـنـشـل كل أعضاه = ويـبـقـى حـي مثـل المـيت لاهاته ولا وده

                      يقضي ما بقي من عمـره بداه ولا يفيد أ دواه = حـتـى يـغـادر لـمـثـواه والـميسم على خده

                      جزاء من يطلق السانه لا واجه ربـه ولاقــاه = بلحـده منـفـرد ما يــنـفـعـه جـده ولا عــده[/poem]

                      تعليق

                      • الرتوعي
                        عضو ماسي
                        • Aug 2004
                        • 525

                        #12
                        [align=center]

                        نصيحة وارشاد وتوجيه للأولاد
                        انطلاقاً من انطبعاتي عن ما يحدث ويشاهد في المجتمع والمدينه وبعض الاسواق

                        والقريه والاحياء ومضارب الباديه والشباب والشيب وبعض
                        المناظر وغيره و غيره ويتلخص ذالك في قصيدة من نظم :
                        ابو طلال ماجد بن عبود بن مزيد بن مغيرق يوصي
                        نفسه واولاده والمستمع بردع جماح النفس وصدها عن اهوايها.
                        ( بداية القصيده )

                        المبتدامن منطلق حس واحساس + مابين هاجوسٍ وطاري وهوجاس + من كثر ماشاهدت ناسٍ من الناس
                        + سميت باسم الله وسبحت بأسماه
                        اليوم وامس وقبل قبل امس مريت + لسوق العقاريه وجلت وتمشيت + ولمحت بالعينين ماشفت واغضيت
                        + وقلت العفو يالله يالله يالله
                        وحسيت واختفيت وغبت وتواريت+ ومهما عذلت القلب عن عذله ازريت+ وشعرت بأني بالخطايا تماديت
                        + وقلبي يحدثني وانا اعصاه وانهاه
                        ونهيت قلبي عن خطاه وتفاديت + وقلت اله يا قلبي تحاديت واخطيت + وجهت وجهي للولي حامي البيت
                        + يحميني من الذنب والوذ باحماه
                        لو استجبت لرغبته واستمريت + وقعت بانفاق الظلام وتحاديت + عن طاعة المعبود وللمغوي اصغيت
                        + وش عذري من الله نهار الملاقاه
                        ونفسي تحدثني وقلبي دليلي + وضليت افكر بين عدلٍ وميلي + وانا ونفســـــي بين حطــــــاً وشيـــــلـــــي
                        + وقررت اجاهدها على طاعة الله
                        قبل الرجل بالوحل يهوي قدمها + وتدرع في الاشواك ويكبر ورمها+ ومن طاوع اهوا النفس نفسه هدمها
                        + امارة بالسؤ لمن طاوع اهواه
                        ورجعت من توي مذهولٍ وخايف + بعد لحظت وشفت زين الوصايف + والعين سباقه وقلـبي مـهـايــــف
                        + ذكرني بعز الفتوه وذكراه
                        وتحركت مشاعري بالتماثيل + مثائلاً توافدت باخر الليل + باقصى الحشا هاجت وترسل مراســــــــــيــل
                        + وهاض الضمير وهاض قلبي من اقصاه
                        واسترسل الخاطر بنظم القوافي + باخر هزيع الليل والجو صافي + وبينت مما اخفيت ماكان خــــــــافــي
                        + وللشعر دور وفن واسلوب ورواه
                        وبيدت باسم الرب رب السموات + وسجدت لله حمد واقرا التحيات + لرجوا الثواب ومغفرة كل ما فــــات
                        + ياعالمٍ بالسر وكامن خفاياه
                        ياعالمٍ بالغيب ومكون الكون + تعلم بما لانعلم وكل مكنون + ومن طاعك اله النصر والفوز مـــــضـمــون
                        + وانت الرحيم بحال عبدك وملجاه
                        وانت المعين وعون من كان يرجيك + ومفتاح باب الخير كله بياديك + والشر ياقع فيه من كان عاصيك
                        + وانت الملاذ لكل مظلوم يالله
                        يا موضـح لعبدك طريق الهـدايـه+ ونهيته عـن الشـرك ودرب العصايـه + وبينت درب الحق ودرب الغوايه
                        + وحبل الرجاء وصله بأياديك وارشاه
                        البارحه بالقلب فكر وتفاكير + خواطر تنبيء بيقضه وتذكير +ذولي جدد وورود و ذولي مصــــــاديــــــــــــر
                        + تملي حدث ماصار وكنهه وفحواه
                        تحاورت بأقصى الحشا وازعجتني + وغنا مغني لحنها واسمعتني + وهاتفتها من بعد ما هاتـــفــــتـــــنــــي
                        + وطار الكرى وانصت للصوت وانداه
                        ما بين مد وجزر وعنف وتحدي+ مره تحاورني ومه تصدي + ولحــــنــــهـــا مجـبــور اجـــــاوب واردي
                        + ولا كل من شاف الهدف صاب مرماه
                        بلحون من مكنون مما طرالي + ما قلتها من نسج ضرب الخيالي + واللحــن شـــوقـــنــي وتـــوا استـــــوالي
                        + وحن الضمير وتاق للحن واغناه
                        ودونت بالريشه لحون ومثايل+لها في الهاجس دليل ودلايــل+ تـــــومــــي كمـــا تـــومي باهـلهـا الرحــــايل
                        + بين الذهاب وبين الاياب بوماه
                        حلت وانا باحلى منامي وفزيت+ ومن ذعرها ذكرت ربي وسميت+وهـلـلـت واستـغـفـرت وللـرب صليت
                        + واتلي من اياته وسميت باسماه
                        ابن ادم بدنياه دايــم مسـير+ في حكمة الخــــلاق مـــاهـــــو مخــيــر+والـى وقــع بـالـذنـب يـبـقى مـحـيــر
                        + ماله مفر وحيل الاحيلة الله
                        يا غافل بدنياك لابد من يـــوم + تشوف من لوعاتــها هم واهــمــوم+ وتراكم ذنوبك وتفزع مـــن النـــــوم
                        + وتقول يا ويلي من الله ويلاه
                        لو تبتسم لك واضحكت وارقصت لك+ ما تؤنمن ميلاتها لو صفتلك + سريعة الاقـــــفــــاي لــــو اقبلت لك
                        + ما دامت لقارون و فرعون دنيــــــاه
                        متقلبه والها خطر واصطفاقه + مهما انتبهت وصار عندك حذاقه+ مــا فــي يــدك حـيـلـه ودبـره وطـاقـه
                        + كم واحدٍ من غمها جاه ما جاه
                        لها انقلابه واصطفاقه وطله + ومن لاعته عجزت اعظـــــامه تقله+ لا مامــــــن ولا مـــزبن ولا مـظـلــه
                        + الا اظلال الله ولطفه ورجواه
                        والدين من نص الحديث النصيحه+ للصالحين اهل الوجيه الفليحه + ومن اتعـض قـدام سـاعـــة مـطـيـحه
                        + يلقى جزاه وتوبته عند مولاه
                        افطن ترى الدنيا كما الظل زايــل + ما تنومن لها انــقلاب وحبايل + مثل الجدار وساسه الى تـــهـــايــــل
                        + لابد ما ينهار ويطيح مبناه
                        طلال انا بأوصيك واحث طارق+ وخالد وتركي قبل وقت المفارق+ لا تنخدع وتضيـــــع يا بن مغــارق
                        + ما تنفع الكنيه ترى النافع الله
                        صلوا صلاة الفجر بصف الجماعه + بخشوع وذله وخوفٍ وطاعه + تشفعلكم يوم الحشر والشفـــــاعـــه
                        + وسيروا على سيرة نبيه ومجراه
                        وتنافسوا بدروسكــم يا عيــالـــي+ وتنافسوا في كسب عليا المعالي + ولا تنصتون لقول قيلٍ وقـــــــالي
                        + ومن قارب الاجرب بفيروسه اعداه
                        حنا علينا حثكم للمراجــــل + والبــــــر خير البر لا صار عاجل + نحثكم عاجل ماهو حثٍ اجـــل
                        + قبل القطار تفوتكم سرعة خطاه
                        من الواجب اوصيك واحفض وصاتي+ اد الفروض الخمس بوقت الصلاتي + وصوم الشهرلا هل واد الزكاتي
                        + وعليك حج البيت ومرضاة الاله
                        واضب على درسك وكرس جهودك + وركز مع مدرسك واثبت وجودك + ما دمت غض بمبتدا نمو عودك
                        + وتصفح اكتابك وناجه مناجاه
                        وافطن لشرح الدرس وحضر احسوسك+ والى رجعت البيت ذاكر دروسك+ وثوب الجهل لا يعتريك ويدوسك
                        + والعلم عز البيت وتشييد مبناه
                        وبيت بليا علم مثل الخرابه + لاصــار رب الـبـيـت مـالــه مـهـابـــه + وجوده مساوي لفجوة غيـــــابــــــه
                        + مهدوم شخصيه وهادم لمبناه
                        مشمات ومعقد وضعه مـزعـزع + والـطـفـل يبـكي والـولـيـه تـلـعـلـع + لا عين تدمع له ولا قــلب يجزع
                        + ومسيب اولاده وعايش مع اجواه
                        اول شروط العلم حثاً بترغيب + ساعات ترغيباً وساعات ترهيب + والعلم تـنــــويراً لعـقـلـك وتـــهـذيـــب
                        + ضاعف جهودك لاتفوتك مطياه
                        انت واخوانك عندنا بالسويه + مالك عليهم ميزه ولا افضليه + والله ومر بالعدل بين الـــــــــرعــــــيــــــــه
                        + وحنا لكم خدام وكداد وارعاه
                        وليا طرحتولي عتاب وسوالي + وقلتوا وراك تخص اخونا طلالي + وانت الابو واحنا اربعتنا العيـــــــالي
                        + وانت ولي الامر والوالي الله
                        وجوابي اكبركم في السن اله دور + بعد الابو يرجعله الراي والشور + لاصار صالح مابدر منه اقصـــور
                        + قدوه وطاهر في سلوكه وممشاه
                        وحنا عرب لنا اسلوم ومذاهب + ومكارم الاخلاق حظ ومواهب + والعمر مهما طال فاني وذاهـــــــــــــب
                        + ولاكل متمني حصل غاية امناه
                        طلال خلك منتبه مع اخوانك + هم عضدك وساعدك ويدك وبنانك + وزندك وعونك في تقلب زمانـــــــــــك
                        + وصل الرحم واجب وصى به الله
                        وابعد عن الاشرار وغثا المجالس + مابين بليسٍ وخاتل وبالس + حتى الذي غافل بداره وجالــــــــــــــــس
                        + تلحقوه وشرشحوا كل موتاه
                        واحذرجليس السوء خيره وشره + وعدوك احذر منه مره ومره + واحذر صديقك ياطلال الف مـــــــــــره
                        + يضحك ويفشي سرك لكل من جاه
                        وابعد عن النمام واهجر محله + واحفظ لسانك لايجي منه زله + يرميك في حبل النشب والمــــــــــــــذلــه
                        + ومن هان نفسه هين وخصمه توطاه
                        واحذر تجي للقيل ناقل ونقيل + تضحك بك الاوباش ورؤس الرجاجيل + مابـيــن عـقالٍ وناس مـهـابـيــل+ وتصبح كما المنبوذ منذاك الى ذاه
                        لاتصحب اهل القلقله والرذيله + اهل الدوادي والعلوم الهزيله + تصبح معرض للخطر والـــــــفـشــيـلـه
                        + ويخدعك من عيبه يغطي مزاياه
                        خلك حذر وافطن لبعض الاقارب + بعض الاقارب يابن ماجد عقارب + خصٍ بجيل اليوم بعد التجارب
                        + وتكشف لك الايام من كنت تخشاه
                        خلك جرئ وانطق بهرج الصراحه + وانهل من اهل العلم واهل الفصاحه + واياك تتلفض بالفاض الوقاحه
                        + احفظ لسانك والعدو لاتقفاه
                        رغم حداثة سنك وتوك اصغير + قدمك طرق متعرجات ومشاوير + وجيلك خطير وفيه خــله وتــدمــيــر
                        + لاتنجرف في ركبهم بالمجاراه
                        واحذر عليك يلف صايع ومخبول + بحلاوة لسانه ومنطوق معسول + من معـدناً سافل وساقـط ومجـهـول
                        + ابعد عنه لاتنتشر فيك عدواه
                        عاصي وللشيطان دايم مباري + بحالك ظلام الليل وسط الغداري + ساذج وعقله خالي واخـــــــنـفـشاري
                        + ومن رافق الماكر في الخبث وداه
                        ومن طاوع اهواء النفس ضايع وغاوي + هوى مع الهاوي في اخبث مهاوي + مجرد من الاخلاق وسافل واوي
                        + وسلك متاهات الجهل والله اعماه
                        اوما قرينه له وصد وتجبر + مغتر في دنياه وقام يتكبر + وسوس له الشيطان وضاع وتــــــــــــــــهـــــور
                        + ومن طاوع الشيطان يتحمل اخطاه
                        يومي براسه مثل راس البهيمه + وجرح المشاعر مهنته والنميمه + والغيبه وشذب القفا والظليمـــــــــــــه
                        + وملفه اسود من كباير خزاياه
                        بالاخره لاقربوا له ملفه + وظلت عصي محاسبينه تهفه + وكل تبرا منه ماحدٍ بـــــــصــــــــــــــــفـــــــــه
                        + تشهد عليه اعماله بكامل اخطاه
                        بكره الى رزت عليه النصايب + وحطوه تحت اللحد وشاف الغرايب + لامن صديق ولاقريب وقرايـــــب
                        + ماحوله الاالدود ياكل من اعضاه
                        وامسى وحيدٍ تحت لحده وغايب + وتكالبت عليه كل المصايب + وغدت ضلوعه في الحوده حطايـــــــــب
                        + وشاهد عمل يمناه بشهود يسراه
                        بينت الك ماعندي من النصايح + قبل تورط بالنشب والفضايح + ويسجل اسمك في سجل اللوايــــــــــــــح
                        + وتغدي كما اللي يصفق يداه بيداه
                        وضحت الك كل النصايح بتبيين + تشعر بها لاكمل السن عشرين + وتقول تو اني عرفت القوانـــــــــيــن
                        + وفهمت مقصود الموصي ومغزاه
                        وعقيدة المؤمن وقلبه دليله+ينبيه بدقاق الحدث مع جليله+ومن لا استشاروشار واعزتي له
                        + منفردا برايه وظل بعمياه
                        والاحمق أبعد عنه وأترك علومه+ لو بان الك في مظهر أحسن هدومه+ترى البلاوي معه داخل كمومه
                        + وتبدي لك الأيام خافي خفاياه
                        وأكرر وصاتي وأنبه وأكرر+لا زلت أكررها وأنبه وأحذر+مهما أختلقت العذر ماله مبرر
                        + وأحذر تناسى للوصيه وتنساه
                        ومن لا اجتهد في درسه ولاتعلم+بالمجتمع مثل البهيم المبلم+ لمحدثه ما يستطيع يتكلم
                        + عهده على الابوين من وقت منشاه

                        اسمع واخذ من راسه اليوم شايب+ جرب وشاف من التجارب عجائب +وعايش بعيد الناس وادنى القرايب
                        + ويدمح للاحمق زلته ويتحاشاه
                        لا تعصف بك العاصفه والهبايب+تومي كما تومي باهلها النجايب+اطلب من العبود راع الوهايب
                        + يدلك على درب الهداية وتقواه
                        ما كل رجالٍ يقال اله رجال+بعض الرجال اجروم وازوال واشكال+يبين لك فيه الخلل والتخلخال
                        + ويعميك عن دربك الى انصت لارياه
                        في سنحته رجال وبالهرج دجال+متلون وماكر وللناس ختال+لو قابلك بالبهللة والتبهلال
                        + منبوذ من بين اصدقاه ودناياه
                        والعقل ما من عقل خالي وثرثار+تخبرك الأيام بمصيره والاقدار+ينهش وينبش بالجحاره كما الفار
                        + ولا ينعرف وجه النذل من مقفاه
                        يظهر عيوب الغير ولا شاف عيبه+اكبر خطا واكبر ذنوب ومصيبه+اولا به يفتش عيوبه وجيبه
                        + قبل اغتياب الغافل يراقب اخطاه
                        هذاك مفلس في نهار الحسابي+تذهب حسناته لقاء الاغتيابي+توزع على طلابته بالكتابي
                        + ويلعن نصيبه والذي بالخطا اغواه
                        هذا جزا من قام يطلق لسانه+وسار بطريق الخبث وشاف المهانه+مذموم باولته واخر زمانه
                        + ويعض بابهامه وتنشف شفاياه
                        مهما تظاهر باستقامة هل الدين+ بالشكل والهندام والخلق واللين+تراه وكر الشر وشيخ الشياطين
                        + وراس النفاق وقمته في محياه
                        رافق كتاب العلم وخله رفيقي+افضل صديق ولا يخون الصديقي+تنهل منه ويدلك أحسن طريقي
                        + نور العقل والفكر ونبراس مرقاه
                        اقرا القصص للانبياء وافهم النص+وما صارلادم هووحواء من اقصص+ومكايدات ابليس وغواية الحرص
                        + ومن سبته طردوا من الجنه وماه
                        ولمحات عن قابيل مع اخوه هابيل+اول قتيل سالت ادماه هابيل+من واقع التاريخ تلقى التفاصيل
                        + اول قتيل من البشر تسفك ادماه
                        وعن شيث لمحة في قرائتك ونظره+واجب تلم بما جراله بعصره+وراجع قرائتك بين فتره وفتره
                        + واهتم بالتاريخ ويوميا اقراه
                        واقرا بقصة نوح واهل السفينه+ رست على الجودي وكون مدينه + ومعه ثمانيناً تمشوا بدينه
                        + ونجاهم الله من غرقهم ونجاه
                        وما صار لابراهيم ونمرود بابل+ باوامر النمرود وحبك المحابل+بحرق الخليل بنار حابل ونابل
                        + ونجاه ربه وافسد النار واطفاه
                        وموسى وقومه لامره مخالفينا+ولون البقر تشابه علينا+وعصوا وظلوا لامره معاندينا
                        + عصوا نبي الله واخزاهم الله
                        ويوسف وجبه واخوته يوم خانوه+رموه وسط الجب وراحوا وخلوه+ودمه على القميص لابوه وروه
                        + ومن غدرهم نجاه ربه ونباه
                        وعيسى عليه أفضل صلاة وسلامي+وقصة صليب اهل الصليب الليامي+وعلاه رب الكون باعلى مقامي
                        + ولهم الخزي والعار ولعنهم الله
                        وسيرة نبي الخلق سيد العبادي + المصطفى الهادي لنا خير هادي+ شفيع الامه في نهار التنادي
                        + بلغ بدين الحق وشرعه وفتواه
                        وارسل مراسيله لهرقل وكسرى+وصوب المقوقس في مقره بمصرى+ودعوة نبي الخلق للناس بشرى
                        + بلغ بدين الله وعمم ببشراه
                        واقرا بتاريخ العرب قبل الاسلام+وعبادة الاوثان واقداح الازلام+وابن لحي وجلبه لبعض الاصنام
                        + وحط اله منها معبد وقاضي اقضاه
                        هو اول مغير لملة ابراهيم+ غير قيم قومه وكل المفاهيم +الحد وللاصنام سوا المراسيم
                        + وخزاعه تمجد صنمها وتنصاه
                        حطب جهنم في نهار القيامه+يجر قصبه في لهيب التهامه+وتنفر جهنم من روائح عظامه
                        + بالنار من لهبها ماله مناجاه
                        واقر عن ابطال الفتح والصحابه+وتوحيدهم للرب والاستجابه+بسيرة غزوات النبي في كتابه
                        + لابن هشام مدونه كل فحواه
                        بخلافة الصديق وعمر وعثمان+وعلي حكيم القرن بحكمه وتيبان+بغزوة بدر واحد والاحزاب له شان
                        + ومن بارزه فقد عياله ودنياه
                        رجالً علينا ذكرهم بالاسامي + بقلوبنا لهم منزله واحترامي+ولهم في الجنه منزال ومقامي
                        + والله رضي عنهم وحازوا رضاه
                        امثال خالد هازم الفرس والروم + ماهزم خالد في حروبه ولا يوم + وعدوه من الفرس والروم مهزوم
                        +والنصر بحروبه حليفه على اعداه
                        وابو عبيده وابن الاسود والانصار+ وجعفر وزيد وشرحبيل الابرار+ وجميع صحب المصطفى خير الاخيار
                        +احصايهم يصعب على المحصي احصاه
                        وجحافل القـعـقـاع وجيش المثـنــى + وشـقـيـقـه الضرغام اخوه المعنى + واقـدام ابـو محـجـن فعـل ما تـــــونى
                        +ارهب صفوف الفرس بسيفه وحناه
                        وسعد كسر كسرى وحطم عروشه+ ودمر قباب الفرس وهزم جيوشه + وكسرى المداين غارق في نعوشه
                        +والهرمزان استسلم وجاء من اسراه
                        وصلوا الى النهرين ومشارف الصين+ وخاضوا بحومات الوغاء مستميتين + لا ظهار دين الحق ونصرة هل الدين
                        بنصر محقق واسلموا ناس اعصاه
                        وغربا جبال اطلس وفرنسا والاسبان+ ومشارف الحمراء وطنجه وتطوان + وهرقل وغاره دمره جيش حسان
                        + وكلمة هل التوحيد ما احد يتحداه
                        وابي سرح مقدام ذات الصواري+ فتح افريقيه وانشاء له مصاري+ من خيرة القاده وحازم واداري
                        +واستبشرت تونس بفتحه بعد جاه
                        وابن الزبير اول مولودا في الاسلام+ ابن الحواري للمسلمين مقدام+ جندل زعيم الروم بسيفه ولا قام
                        + واحتز راسه واقبل يزف بشراه
                        وموسى وعقبه بدعوا بالفتوحات+ بسواحل الابيض وبحر الظلمات+ وبالاندلس للعرب اقاموا حضارات
                        + وطارق نشيد بفتح طارق وذكراه
                        والداخل وجنده لهم دور وادوار + صقر قريش ابحر بغبات الابحار + سجل له التاريخ شهره وتذكار
                        + والاندلس تشهد بدوره وذكراه
                        ومعاويه وزياد للمجد رواد + وثالثهم بن العاص له دور واجهاد + واسم المغيره رابع الهم بالوكاد
                        +وذولا ادهات العرب وبالحيلة ادهاه
                        واقرا في المغني وشرح البخاري +يخبرك باشياء ما انته عنها بداري + من ماضي الازمان وما كان جاري
                        +بتفسير ما تجهل من الفه الى ياه
                        وزاد المعاد ينور القلب بالنور+ غذا لعقلك والخبر فيه منشور +والى فهمته نمت والبال مسرور
                        +يحميك من شر البليه وبلواه
                        وصحيح مسلم فيه كل الحقايق+ والترمذي مسند بكل الوثايق + بتدقيق وتمحيص ما به عوايقٍ ٍ
                        + لصقل مدارك من قراه وتهجاه
                        اخير من صحبة عيال الحواري +و بشكاتهم بالليل تحت الكباري + وان سمعوا الانذار راحوا حباري
                        + لغواية الشيطان هاوين واهواه
                        واهل الشبح ومشغلين البواري + عيال الترف لاجت ليال الطواري + غدو كما اللي يلبسن الخزاري
                        + والدم مايع والعطب في خلاياه
                        والمجتمع صابه مرض وانجرافي + صابه ما صابه من خلل وانحرافي + وقطع الرحم حاصل وكثر التجافي
                        + والوازع الديني تنكر وخلاه
                        هاذي خواطر يالطلال وطرايف + من واقع الواقع مثل مانت شايف + دنيا تقلب ماعليها حسايف
                        + احد سعيد ابها واحد حظه اشقاه
                        تعال نلقي نظره بمجتمعنا + والتجربه فيها شرينا وبعنا + وتركيبة السكان فيها طبعنا
                        + من كل جنس ولون يافزعة الله
                        والجار ماعد يتعرف على الجار + وسلم العرب ماعاد للسلم مقدار + عقب الرجال اللي لهم كار واذكار
                        + واصبح عوضهم جيل جعجع وشرواه
                        يرقص على دش الهوى والخلاعه + ومزاجه لجمع الصور وانطباعه + وضاع بمتهات الجهل والضياعه
                        + عزاه ياعيال الاجاويد عزاه
                        والابو ماعاد له قيمه ولادور + ماله مكان ولاتصرف ولاشور + والابن عاطل في سلوكه ومدمور
                        + لاخير برب البيت ولاخير بابناه
                        ورجل كما الصوره وهيكل في البيت + في صورة ابن ادم وحياً كما الميت + ويقول انا الرجال ماعمري اخطيت
                        + صورة رجل بالبيت والامر لانثاه
                        لا لعلعت واومت عليه بعصاها + استسلم ولا يستطيع يعصاها + لاخير بارجالٍ تطاوع نساها
                        + اللي يحبون البذخ والمظاهاه
                        اكبرهم الى جاك في هيئة الشيخ + نفسه مزايمته وجهل ونفيخ + ويعد نفسه من شيوخ المناويخ
                        + وهو نكرةٍ ماله مكانه ولاجاه
                        وان قلت له ياهن انته هن ابن من + تلعثم وطاطا براسه وطمن + وثارت جنون الخبل وانصاب وانجن
                        + بعد ارتدى زياً مخالف عن ازياه
                        لبس له احسن بشت وجاك يتمايل + ويعد نفسه من عيال الحمايل + ويقول انا ابن افلان وافا الخصايل
                        + مغتر في زوله وزيفه وخيلاه
                        ويقول انا ابن افلان والجد زعطان + وعمي مع اهل الخيل مقدام فرسان + لاجا نهاراً فيه طاعن وطعان
                        + شي غريب وصحته ماسمعناه
                        جاهل ومتجاهل لوضعه وحجمه + ومعرض لنفسه لحتفه ورجمه + وين الثرى من الثريا ونجمه
                        + وراس الطويله شامخ وعسر مرقاه
                        والناس تدري بالمعادن والاوباش + وبعض الاسامي والمظاهر على ماش + ولبس الحمايل صار لرعاة الادباش
                        + لراع الجحش والثور ومربي الشاه
                        ومركبات النقص والاعوجاجي + تحدث خلل ومعكره للمزاجي + فيروسها ماله طبيب وعلاجي
                        + يبقى عليلٍ لين يذهب لمثواه
                        زينة ابن ادم عقله ولطف الاخلاق + والمؤمن الخير للامجاد سباق + ومن يفتقر للخلق ياقع بالانفاق
                        + وعطا مجاهيلٍ اطرقها ملواه
                        والخاتمه على اخيار البريه + صلاةٍ وتسليم وازكى تحيه + على محمد صاحب العبقريه
                        + نمشي على سيره ونهجه ومبداه

                        ملاحظه:
                        استخرجت هذه القصيده من ديوان او مكتبة ماجد بن عبود بن مزيد بن مغيرق
                        بعد الاستئذان منه
                        وهي اجتماعيه وتاريخيه ونصيحه للاولاد ولكل من سمعها
                        ورد في بعض مفرداتها:
                        1ـ اول من جلب الاصنام ووضعها في الكعبه المشرفه وغير ملة سيدنا ابراهيم عليه الصلاة والسلام

                        2ـ عبد الله بن سعد بطل ذات الصواري قائد المسلمين في شمال افريقيا
                        في عهد عثمان ابن عفان رضي الله عنه
                        ولاعجابي بمركز (الـهــــــيــــــــــلا) سوف ازودكم بما استطيع
                        من قصص وقصائد باذن الله

                        الشاعر : مــــاجــــد بــــن عـبـــود بــــن مــــغــــيــــرق
                        الكاتب : ابــــــــو مــــــــــحـــــــــــــــالـــــــــــــــــــــ ـه


                        ( والسلام عليكم ورحمة الله وبركاته)











                        [/align]

                        تعليق

                        • الرتوعي
                          عضو ماسي
                          • Aug 2004
                          • 525

                          #13
                          وهنالك المزيد المزيد وسوف اضيفه باذن الله اما ان اكون انا او ابو محاله وتحياتي للجميع

                          تعليق

                          • أبو محالة
                            عضو فعال
                            • Jul 2005
                            • 136

                            #14
                            حل الجفا والبين بين الأقارب


                            المناسبة : هذه الأبيات جادت بها قريحة الشاعر : ماجد بن عبود بن مغيرق .
                            لملاحظته المجتمع وما يشاهد وما يسمع عن الفيروس الذي أصاب المجتمع بوجه عام.


                            [poem=font="Simplified Arabic,5,black,bold,normal" bkcolor="transparent" bkimage="" border="double,7,orange" type=0 line=0 align=center use=ex num="0,black"]
                            حل الجفا والبين بين الأقـــــــــارب = وبان الخلل بنفوسهم والتخلخال
                            بعض الأقارب مثل سم العقــــــارب = داخل خلايا الدم والسم قتال
                            أوكار للغيبه وعش ومــــــــ،ـتتـزارب = حكّاية المجلس خبيثين الأعمال
                            يرمون غافلهم بعشـريــــــــن ذارب= نتابة المقفي بالأقفا والإقبـــــــــــــــــــــــــــــــال
                            حديثهم عند الجميع متضـــــــــارب = أوباش خلق الله عسى ما لهم تـــــــــــــــــــــال
                            وحتيش لو ربوا دقونو شـــــــــوارب= وتلبسوا بلباس لباسة الشـــــــــــــــــــــــــــــال
                            وسلم العروبية وسلم العـــــــــارب= ما عاد له قيمه وطاري على البـــــــــــــــــــــــال
                            حلقاتهم فيها شكوك ومــــــــــآرب= وأمرا منهم صابت نساءهم والأطفـــــــــــــــــــال
                            رعيان ضين وبالمضاجع ضـــــــوارب= وعند اللوازم مالهم دور وأفعـــــــــــــــــــــــــــــال
                            وشبابهم بالليل تحت الكهـــــارب= في ساعة ممنوع فيها التجـــــــــــــــــــــــــــوال
                            هاذي سمات أهل الوجيه الأتــارب= وعلاجهم بتر عضو كـــــل ختــــــــــــال
                            لو صابهم ما صاب اهل سد مــآرب= تذّكروه وحدثوا به للأجـــــــــــــــــــــيال
                            البعد عنهم مثل شمس المغـ‘ـارب= أخير من قرب النعــــــــــــــاتيه والأرذال
                            لاحظت هذا من خلال التجـــــــارب= في كل بيت وحي واقــــــــــــع ولا زال
                            ما كل من حط له لحيه وشــــــارب= تحكم عليه أنه مثالي ورجــــــــــــــــال
                            من حش ذاك وذاك ما له مهــــارب= ما ينتبه قدام يطبع بالأوحــــــــــــــــال
                            زرقه تهاذب مثل شيب الغــــــوارب= جره لسانه للإهـــــــــــــــــانه والإذلال
                            لو تنهمه وتعاتبه فر هــــــــــــــارب= أشرد من اللي بالرحل يهذل أهـــــذال
                            عقله وعقل أبا الحصين متقـــــارب= والحصني أذهن منه في كل الأحــــوال
                            علباه يندس سمون المصــــــــارب= ولحيه على الأكلات ماهوب بطـــــــــال
                            هذا إنطباعي عن عفون الأقــــارب= كل أعوج يشهد لسانه بما قــــــــــــال
                            أهل التيوس اللي فحلها يطــــارب= لا قدموها بين شاري ودــــــــــــــــــلال
                            لولا الحيا كدرت صفو المشــــــارب= وشهرت بأسمائهم على رؤوس الأقذال
                            وضحت ما شاهدت وامقت وأحارب= مجالس أهل الخبث والقيل والقــــــــال[/poem]

                            تعليق

                            • فيصل المسعودي
                              مشرف عام
                              • May 2005
                              • 8296

                              #15
                              تسلم يبو محاله كنا نبغا هالديوان من زمان


                              وجابه الله لك انت وللاخ الرتوعي تحياتي


                              ونقولكم على القوه

                              تعليق

                              العمل...