ودائماً القبائل التي اسمها مؤنث تكون القابها مؤنثة مثل عتيبة اسم مؤنث ولقبها الهيلا مؤنث قبيلة عنزة اسم مؤنث يقال لها الوائلية مؤنث اسم مذكر مثل شمر اسم مذكر ولقبها الطنايا مذكر مطير اسم مذكر ولقبهم حمران النواظر مذكر
يقول مشخص بن دحيم الهذيلي
يا عيد هجن(ن) من المرواح منتله = حفيا ورذيا وفيهم شوفة الريبه
اما من عتابة الهيلا هل المله = والا من سبيع ولهم زود ترحيبه
ومرة في الربيع ورد له عد في نجد ولقاله شايب عتيبي وتعرف عليه وقال علمني بالقصيدة وكان يوجد على الماء سبعان يقول وعلمته وقال العتيبي علمني وش زود سبيع عنا يوم لهم زود ترحيبة يقول قلت والله مالهم عنكم زود لكن الله اراد انها تطلع كذا يقول وهو يلتفت ذاك الشايب السبيعي قال عتابة الهيلا هل الملة وش مزود عتابة في الملة عنا وعن القبائل يقول قلت الله لايعيدها من قصيدة يا ابن الحلال الله اراد انها تطلع كذا
تم التعديل الأخير بواسطة دسكفري؛ 30-Jul-2013, 06:33 AM.
تعليق