الهيــلا...بالدلائـل ..والشـواهـد

طي
هذا موضوع ثابت.
X
X
 
  • التوقيت
  • إظهار
مسح الكل
المشاركات الجديدة
  • بعيـد المرامع
    إدارة أقسام القبيلة
    باحــث
    • Jun 2003
    • 2593

    #1

    الهيــلا...بالدلائـل ..والشـواهـد

    [align=center]


    قبــــيلة عـــتيبه..

    الهــــــيــلا..

    ذباحة الحايل..لطامة لعايل

    مربية العسيف .. آخاذت الحفيف

    ومخلفت الهقاوي..وملحقين المخلين

    واهل المركي..ومرجحت الموازين

    وغيرها الكثير من الالقاب..للي تتميز..عتيبه..وتوصف بها ..


    فلقب...الهيـــــــــــــــــــــلا..


    احد اقدم الالقاب للي اطلقت على قبيلة عتيبه....


    ويورد مختار الصحاح تعريف.... هاله وانهال..اي جرى وانصب..

    وهي كنايه ..عن انصباب..ونزول ...وانحدار..

    وفي ذلك ...

    يقول الشيخ تركي بن حميد ..متهدد ..ومتوعداً..وواصفا خيل عتيبه بالانهيال ..


    جزاك من عندي من الخيل حثلوم
    ^^^^^^^^^^^مثل البرد من مزنة مستهله


    ويورد بن بليهد واصفاً نزول عتيبه لنجد...في كتاب صحيح الاخبار ص 131 الجزء الثاني..

    (فاختلف مع قبيلة عتيبه, وكانوا اذا ذاك يخرجون من تهامه والحجاز كأرجال الجراد ومن استوطن نجد لم يرجع. )

    وهذه صفه لقوة ..النزول ...وهول الانهيال ..

    فكلمة الهيلا: مشتقة من الانهيال , ومعنى الانهيال هو النزول بقوة وبكمية كبيرة من المكان المرتفع للمكان المنخفض ..

    لذا سمية عتيبه بالهيلا..عندما انهالت من مرتفعات الحجاز انحدار على سهول نجد واستقرارها فيها..


    وفي هذا السياق...يقول الشاعر الكبير بن زويبن الحربي..


    تعيش السباع الشهب والطير أبو جنحان
    ^^^^^^^^^^^على جرة الهيـــــلا الياجات منــهاله



    ونورد بعض الشواهد الشعريه ..لشعراء من خارج القبيله اوردوها

    في حقب زمنيه مختلفه


    يذكر محمد بن سالم بن جروان العلياني القحطاني في منتصف القرن الثاني عشر هجري....

    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    ولا هم الهيلا مدابيس الوغى = وافعالهم غنت بها الاطيار [/poem]


    يقول فهيد بن عبد الله الخرينق الرشيدي
    في حدود عام 1280

    لابد من يوم ٍ يدرجك النصيب = راسي خطير ٍ بالوجع وانته بلاه
    وانا مع الهيلا مدلهت الغريب = اللي تحط اله الرويكب في عصاه


    ويقول :
    حسن العماري الدوسري من عرض قصيده في منتصف القرن الثاني عشر الهجري..

    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    عتيبه الهيلا بعد ينحونه =ليامن تعشووه تغداناه
    عاره من العتبان يلطم وجهه = عساه يفنى ماخذا قضاه[/poem]



    ويقول الشاعر مشخص دحيم الهذيلي البقمي في قصيده له عام 1386 ه

    عتيبه الهيلا هل الذكر والمجــــــــــــــد= لطامة العائل كبار المهـــــــــــــــابه




    كما اوردت مجلة العرب ..الهيلا لقب لقبيلة عتيبه في عدد رجب 1413هجري الصفحه رقم 38..


    وايضاً اورد الخالدي في كتابه ..الجامع المختصر للالقاب والعزاوي عند البدو والحضر .. صفحه 277..

    الهيلا: لقب لقبيلة عتيبه وذلك لكثرة عشائرها ونفوسها ..




    يقول شاعر المحاوره..
    عبد الله سالم الرفاعي الغامدي

    سلام الله على الهيلا عتيبة نقوة الفرسان =رجالٍ يشهـد التاريـخ لاولهـا وتاليهـا
    يامستور العصيمي لاتزعل صاحبي سلطان = تراها واضحه ولا انت بسلوبـك تخفيهـا



    الشاعر عبد الله بن زويبن الحربي


    هذي عادة العتبان ياجاهل العتبان = تكلل جهود اللي بنفسه يوراله

    أهل لطمة العايل وذبحة سمان الضآن =تضد الخصيم وضيفها تكرم اسباله

    زمان ٍ مضى يوم القبايل ماهم بخوان = يرد البرا حتى البناخي على خاله
    تعيش السباع الشهب والطير أبو جنحان =على جرة الهيلا الياجات منهاله





    مصلح بن عياد الحارثي
    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

    توكلنا على الله لين جينا فا لمحل العام =محل عتيبة الهيلا محلٍّ ما يحلاّ به

    سلام الله عليكم يا عتيبة والسلام اسلام = سلام اسلام نعلن به ونختم به ونبدابه [/poem]


    قصيدة للشاعر/ مناور بن دغيم بن مشوح الرمالي الشمري


    نعم اليا قالواهل المجد عتبان=ذباحة الحايل سطام لعايل
    عتيبه الهيلا قبايل وعربان=فكاكة المضعون ستر الحلايل
    ياقاطبة سرد السبيا بالاكوان=اهل الفعايل يوم صايل وجايل


    يقول الشاعر الكبير لافي الغيداني الحربي

    ســلام يالهـيـلا قبيـلـة عتـابـة =سلام(ن) اسوقه من الـروح لـروح

    نفحة شذى ريضـان نبـت السحابـه=معه وعليكـم تنبعـث منـه وتفـوح

    مـن بيننـا مابـا المعـزه غـرابـه= لها بوسط قلوبنـا ابـراج وصـروح

    [/poem]


    ويقول مضواح بن شتوي الحبابي القحطاني


    وياعتيبه الهيلا هل الملتقى الرنان = مواقيفكم يشهد لها البر وبحوره
    سعيتوا على العليا مشايخ مع الاعيان = على الطيب والاعلام خضرا ومنشوره


    ويقول محمد المجول العجمي

    "]
    خال.. مال العيال إلا الخوالي لاإستشك الصبي بأصله يجيله=مايتوّه تراه أصلي وفصلي من نسل يـام مايحتـاج دلـه.

    مفلحي مذكري والراس عالي منبعي يام إبن يصبا الأصيله = فدعجان العريبه زود أصلي من عتيبـه وفالهيـلا محلـه.



    الشاعر / محمد بن فراج الدوسري

    [poem= font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    هلاهيل يا الهيـلا عتيبـه هلاهيـل=هلاهيل من وادي الدواسر كما السيل
    مشاعري ماهـي مجـرد مشاعـر=تدفقـت ترجمتـهـا بالهلاهـيـل
    متفاخـرٍ لونـي مـن ألآد زايــد=لطامة العايـل وملفـى المداخيـل [/poem]


    الشاعر/ ابن عريفج التميمي


    سلام الله سلام الله سلام الله يالعتبان=عليكم عد مامجواخ خيبتوا هقاويه
    خذيتوا الطيب ياذباحة الحايل بلا نقصان=الا لا ياقليلين العذارب وش لنا فيه
    بها اصدح صدح يالهيلا واقوله بالفم المليان=وانا من لابة من عهد عيسى نارهم حيه


    الشاعر/ الحميدي الشمري


    ويعرفون النخاوي والعزاوي =ليامن صاحو الهيلا عتيبة
    يجونك من على ظهور الاصايل=كتيبة مير عن مية كتيبة
    يدوسون الصلابيخ برضمها=ويرقون المشاريف الرقيبة


    نكتفى بهذا القدر...ونستميحكم العذر..


    ونختم بهذه العباره...

    يقال ان للاسماء...نصيب من اصحابها....

    فمن باب اولى... ان تكون الالقاب...تنطبق على اصحابها ...

    بعيد المرامع ..منتدى عتيبه الهيلا...

    وحقوق الطبع ...هيلاويه ..


    [/align]
    [align=center]تنويه ..وتنبيه ..مرامعي..

    لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع

    لذا أود التنويه ..
    بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً..
    B3EED_MRAM3@HOTMAIL.COM
    [/align]
  • محمد فيحان العصيمي

    رابطة محبي الهيلا

    • Oct 2007
    • 1073

    #2
    مشكور يا أخوي بعيد المرامع موضوع رائع و الله اننا أستفدنا منه و نتمنا المزيد من مواضيعك المميزة

    تعليق

    • أبو نجر النفيعي
      مشرف سابق
      • Jun 2006
      • 6683

      #3
      ..

      أبو رمعه ..

      .

      بيض الله وجهك على الدلائل والشواهد .. وهي معرووفه بدون شك ولمن ... الهيلا ( لعتيبه الهيلا )

      وما ودنا نطليل بالحديث .. لاهنت يابعيد ..

      .

      أخوك.
      .....




      تعليق

      • ابو عطا
        عضو ماسي
        • Oct 2007
        • 975

        #4
        كلام جميل عن الهيلا والاجمل القصائد

        ولاأقول الا بيض الله وجهك يابعيد المرامع

        والله لايحرمنا من ابحاثك المفيدة الرائعة

        تعليق

        • محمد بن غازي
          مشرف عــام
          • Jun 2005
          • 5252

          #5
          تميز لا يستغرب من الأستاذ/ بعيد المرامع وجهد جبار بارك الله فيك وفي جهودك .

          تعليق

          • مرزوق حمدان العتيبي
            مشـرف عام
            • Nov 2003
            • 20403

            #6
            [align=center]
            فلقب...الهيـــــــــــــــــــــلا..


            احد اقدم الالقاب اللي اطلقت على قبيلة عتيبه....


            ويورد مختار الصحاح تعريف هاله وانهال..اي جرى وانصب..

            وهي كنايه ..عن انصباب..ونزول ...وانحدار..
            حقائق ولقب لائق
            وقبيلة عتيبه تتجمل بها الالقاب
            وتزداد بها شهره...
            من غير قصور في كل قبائل مملكتنا العزيزه ....
            ...
            المميز بعيد لاشلت يمينك ... بحث مختصر
            يغني عن مجلدات ...
            اخوكـــ
            ....
            [/align]
            [align=center]
            [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
            فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
            حط حبه في كياني ماتغيّره السنيني = وانثني من دون عرضه بالذراع وباللساني[/poem]







            @Marzouq_MHD
            [/align]

            تعليق

            • بعيدالهقاوي
              عضو فعال
              • Nov 2007
              • 115

              #7
              مشكوووووور على الموضوع الاكثر من رائع

              تعليق

              • نواف العصيمي
                مشرف عــام
                • Sep 2006
                • 10282

                #8
                يعطيك العافيه يابعيد المرامع .. الهيلا هيلا لعتيبه ولا غيرها هيلا

                من الماضي إلى الحاضر ..

                حقائق ودلائل

                الهيلا إستحقاق وتميز بالإمتياز لعتيبه

                الشواهد التواريخ وكل القبائل .. دحر لكل طماع لسرقه مالنا

                يقولون الإختلاس جنون ليتهم يدرون



                بعيد المرامع أجمل تحيه

                ولك التقدير والإحترام

                تعليق

                • الـذيب

                  رابطة محبي الهيلا

                  • Sep 2007
                  • 1002

                  #9
                  بيض الله وجهك بعيد المرامع وماقصرت

                  تعليق

                  • سلمان الاسعدي
                    عضو
                    • Nov 2007
                    • 17

                    #10
                    الله يعطيك الف عافية موضوع رائع وقصائد رائعه وماقصرت
                    تقبلو تحياتي

                    تعليق

                    • ابن مشيب
                      إدارة أقسام القبيلة
                      • Nov 2002
                      • 9791

                      #11
                      تم النشر في الأصل بواسطة بعيد المرامع عرض المشاركة
                      [align=center]

                      يقول الشيخ تركي بن حميد ..متهدد ..ومتوعداً..وواصفا خيل عتيبه بالانهيال ..


                      جزاك من عندي من الخيل حثلوم
                      ^^^^^^^^^^^مثل البرد من مزنة مستهله


                      ويورد بن بليهد واصفاً نزول عتيبه لنجد...في كتاب صحيح الاخبار ص 131 الجزء الثاني..

                      (فاختلف مع قبيلة عتيبه, وكانوا اذا ذاك يخرجون من تهامه والحجاز كأرجال الجراد ومن استوطن نجد لم يرجع. )

                      وهذه صفه لقوة ..النزول ...وهول الانهيال ..

                      فكلمة الهيلا: مشتقة من الانهيال , ومعنى الانهيال هو النزول بقوة وبكمية كبيرة من المكان المرتفع للمكان المنخفض ..

                      لذا سمية عتيبه بالهيلا..عندما انهالت من مرتفعات الحجاز انحدار على سهول نجد واستقرارها فيها..
                      [/align]

                      لله درك يابعيد على هذا التسطير والتوثيق للهيلا , دلائل وشواهد من شعراء كبار ومعروفين , ورحم الله الشيخ تركي بن حميد , كان يعلم رحمه الله ان عتيبة سوف تنهل على نجد , وبالفعل انهلت واصبح لقبها مع القاصي والداني عتيبة الهيلا



                      تحياتي

                      تعليق

                      • ابو براك

                        رابطة محبي الهيلا

                        • Feb 2006
                        • 1587

                        #12
                        كلام جميل عن الهيلا والاجمل القصائد

                        ولاأقول الا بيض الله وجهك يابعيد المرامع

                        والله لايحرمنا من ابحاثك المفيدة الرائعة

                        تعليق

                        • عنزي220
                          عضو
                          • Dec 2007
                          • 5

                          #13
                          مشكور على الموضوع والقصائد وماقصرت وتستاهلون ياعتيبه اكثرمن كذ

                          تعليق

                          • fahad8088

                            رابطة محبي الهيلا

                            • Oct 2006
                            • 1742

                            #14
                            لاهنت على الموضوع المميز

                            تعليق

                            • العميد ركن
                              عضو ماسي
                              • Jan 2006
                              • 469

                              #15
                              بيض الله وجهك يا بعيد المرامع

                              تعليق

                              العمل...