قصيدة للشاعر ماجد بن مشعل بن عويض الثعلي
البل صارت رفايد يالله ألخيـــــره = عقب الغلا كل مبدولٍ طمـــــــــع فـيـها
الصبح يسرح ليامنه ملا بطنــــه= واللــــيل جايب معه هجمه مضــــويها
يجيبـــها لو ما يسوى شما لتهــــا= والنــــاس تعطيه مادري وش مغــازيها
مــدري تبا منه بعدينه طمع دنيـــا= والا عـــوانيه وتقدر عــــــوانــــيها
ولــيا جمعها وسرحها وضــــواها= البــــــل ماكل رجالٍ يقــــــــاســــيها
نـادا علاها وقال اليوم انا بـــــــــايع= لارحـــــنبوها علا ابو من عطــانـــيها
مــن يشتريها ولو بنص قيمتــــــــها= مانـــــي بخسران انا ماني بشـــــــاريها
والــخاسر اللي عقلها ثم جاه ابـــــها= جاته من الله ابلــــــــــــواُ من بـلا ويها
يعـطي سهاف الخدود لواحـدٍ خايب= درب المراجل مجنبها ومخــطـــــيها
وانـــا معم البشر واقول من دانــي= ابــه رياجيل كاملتٍ معانــــــــــيها
تـــاخذ وتعطي ولا في طيبها ظنـــه= الــطيب موجود فاولها وتالــــــــيـــها
لاكــــــن ابه ناسٍ دنيه فعايـــــلـــها= لاشــــــــــــك ماودي اذكرها باسامـيها
نــــاسٍ علا الــدبــك لاوده ولا هاتــه= والـــــطيبه في حياته مايســـــــــــويها
وليـــــا بغا البل قام يمدح افوالــــــه= ولــــــــــو تطلبه عنز عيا ماعطاكــيها
وانــــا نذير الرجال اللي بها شيمـــه= اللي علـى الطيب رافعتٍ مبانــــــــــيها
لاتــــــعطي البل يكود لواحدً طيــــــــب= رجـــال معروف ياخذها ويعطــــــيها
تكـــسـب جماله وتاخذ حقها وافـــــــي= وان كان ابه ذنب تسلم من توالــــيها