محاورة بين محمد السناني و سفر الدغيلبي

[ابومشعل العازمي]

محاورة بين محمد السناني و سفر الدغيلبي

--------------------------------------------------------------------------------




مــحــمـــد الــســنــانــي
تحدث ياسفر واصحابك الشعّـار لايـدرون
اخاف ان العرب يطلع لها علـمٍ ينرفزهـا
انا خايف عليك من اختراق الحاجز الميمون
مواهبك الجديـده للقبيلـه كيـف تبرزهـا




ســـفـــر الـدغـيـلــبــي
انا رجّال لاسولفت كل المجتمع يوحون
اوصّل كلمتي لاهل المراكز في مراكزها
محمد يا محمد خابرينك بالشكل واللون
هذا شكلك تلمّع صورتك ولّا تبروزهـا




مــحــمـــد الــســنــانــي
تعبّر في عصا موسى تعوّذ من سحر فرعون
لكنك لاتهـاون فالحواجـز ليـن تقفزهـا
اميّز كلمة العاقل واميّـز كلمـة المجنـون
واعرف ان القلوب الموجعه تظهر غرايزها




ســـفــــر الـدغـيــلــبــي
ترى بنت الهوى عبله هنوفٍ سرّها مدفون
خطبها عنتر العبسي ولكن مـا تجوّزهـا
بكى التاريخ من هالة وكثرة جيش نابليون
ضحايا الحرب لا تغسل ولا تدفن جنايزها




مــحــمـــد الــســنــانــي
يعيد محاولاته لين كل المجتمـع يرضـون
اكيد ان البشر عند البشر تقضى عوايزهـا
ترى ماهي غريبه تخرج الحبه من الماعون
ولكن الخطوط الحمر مايسمـح تجاوزهـا




ســــفــــر الـدغــيــلــبــي
انا من بعض خلق الله غسلت ايديّ بالصابون
ولا واسيـت خاسرهـا ولا هنّيـت فايزهـا
هزيمة خصمنا تضمن ضمان ونصرنا مضمون
نهار الرمي نطرح شارته من حيـن يركزهـا




مــحـــمـــد الــســنــانــي
مدام إن الدهان المعتبر من شجـرة الزيتـون
اكيـد الله عطاهـا ميـزةٍ تثبـت تميّـزهـا
امانه شوف برقا وش تريد وروق وش يبغون
قبل ماانك تقـود الحـرب والقـوه تجهّزهـا




ســــفــــر الـدغـيــلــبــي
مصير الوقت بكره يخلص الداين من المديون
ولكن علّـم الأصحـاب لا تعلـن تحيّزهـا
يبونك تمسك لسانك وتمشي طرقتك بالهون
ولا يشقون في بعض اللغوز اللـي تلغّزهـا

[سلطان طلحة]

ابومشعل

صح لسان

الشاعرين

ومشكور

لاهنت

[ابومشعل العازمي]

الله يعطيك العااااافيه ودوم التوفيق

[ثقيف دام عزها]

محاوره راااائعه جدااا

[الباااسل]

اشهد بالله ان سفر مبدع



لاهنت على النقل الرائع

[الرحاال]

ابداع غير مستغرب جنيه الذهب وابوسعد
مشكور على النقل

[ولدعساف]

مــحــمـــد الــســنــانــي
تعبّر في عصا موسى تعوّذ من سحر فرعون
لكنك لاتهـاون فالحواجـز ليـن تقفزهـا
اميّز كلمة العاقل واميّـز كلمـة المجنـون
واعرف ان القلوب الموجعه تظهر غرايزها

الله الله ومشكوووووووووووووووووور يابووووووووو مشعل

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[ابومشعل العازمي]

الله يعطيك العااااافيه



ودوم التوفيق

[ماجد العصيمي]

يبونك تمسك لسانك وتمشي طرقتك بالهون
ولا يشقون في بعض اللغوز اللـي تلغّزهـا



هذا الكلام


لاهنت يالعازمي

[شامان العتيبي]

محاوره جميله


وشعراء مبدعين



لاهنت على النقل