قصيده مميزه للشاعر / عواض منيف العضياني

[خالد حسين]

السلام عليكم ورحمه الله وبركاته:

قصيدة روعة لـ الشاعر/عواض بن منيف العضياني العتيبي



(أنا)مــن الهيــلا عريبيـن الانسـاب
روقي من العضيان يابنـت معـروف

و(حبيبي)اللي بعـده القلـب منصـاب
يسأل وأجاوب والحشا منـه ملهــوف

و(دنياي)تفرق بيـن قلبـي والاحبـاب
أحيان أشوف الزين وأحيان ماشـوف


و(الوقت)غير كل الاصحاب باصحـاب
ولاأحدن يباك ان كان ماتملك أولـوف

و(حلمي)وودي معي يركب على الباب
اللي سرق قبلي برمشه من الجــوف

و(الامل بالله) ياريش العيـن ماخـاب
مهما يطول الوقت ونواجهـه ظـــروف

و(صديقي)اللي فالقسا يفتـل أشنـاب
وأن خربت الاخــلاق مايعرف الخـــــوف

و(عدوي)اللـي ينقـل الهـرج كـذاب
واللي يودي هـرج ويجيـب ملقـوف

وأصل(الالم)سمـن كمالدغـه الـداب
ويعقـد الانسـان ويصيـر مجــــــروف

و(الشوق)شـي داخـل الصدرجـذاب
يجذبك اله والقلب يدخل بـه الـرووف

و(الحب)عله من يجـي فيـه ماطـاب
وحتى المعالـج مايداويـه بحـــــروف

و(الكره)سوء مفاهمه بعدهـا أعتـاب
تبغض خويــك بعـد ماكـــــــان مألـوف

وساس(الخيانه)للنـذالـه والاذنــــــــاب
ومثل جزاء المعروف في خمسه كفوف

وطبع(الوفا)من يجزي الطيب بأطيـاب
ويجازي المعروف خمسيـن معـــــروف

وترى(العطا)توصيـل ليديـن طــلاب
ملك الكريم وينتقـل منـه لضعـــوف

و(الجرح)نزف الدم أوقص الاعصـــاب
وجرح الهوى والحب بأسباب مـردوف

و(الحزن)ضيق البال تأتي به أسبـاب
أمـــا عــلـى غاليـــن وألا لمكـــــفـوف

أما(الفرح)ليله مـن العمـر للشـاب
ليله عمـر تجمـــع محبيـن بكـــلـوف

و(الابتسامه)ضحكـت السـن والنـاب
تكسب بها حسنات وأحيان مصـروف


تقبلووو تحيتي

خالد حسين