الشــــــــــاعر:رشيد الزلامي

[ابوسايف العتيبي]

ياهن ابن هن ماوالله ارداك
ومااردى نصيب اللي يسوي سواتك
ومااردى نصيب اللي من البعد ينصاك
يبا العشا ويشوف بعض احركاتك
تحلق الشارب من الدين ياذاك
ودك تخدع المومنين بصلاتك
لكن وش تكسب بدينك ودنياك
لا صار ترك الواجبه من صفاتك
لا صار ضيف الله تلقيه علباك
باقي علومك خشها في عباتك
الجود مافقّرك والبخل مااغناك
ولا تحسب انك مت من موت شاتك
الخاتمه من يوم هاذي سواياك
بالله لا تعطي عتابه بناتك
تكثر بنا الرديان مثلك وشرواك
وتروح تشمتنا الرجال بشماتك

[ابوسايف العتيبي]

البارحه يوم الثــريــا تــويــقــــي
يـــــوم كــــلٍ في لــذيـذ الكــرى راق

وقفت لين الشوف جاله بريــقـــي
مثل السراب اللي على البعد لـــهــــاق

أخيل برق صوب واد العقــيــقـــي
ماشــفت مـثلــه يفـضح الـليـل بــــراق

عساه يسقي دار ذاك الفريــقـــي
لو رغبتي مـا عـــاد بــاقٍ لــهــا بــاق

وذيك الدير ماني علاها شفيــقـي
تطيب منها النفـــس وتضـيـق الاخــلاق

قزرت عمري في بحرها غريقــي
متـحـمـلٍ كــل المتـاعـــب والارهــــاق

لين انكشف وجه العدو والصديقي
والرفقــه اللــي حـبـلها رمــث ودقــاق

ولا كلفت نفسٍ بــمــا لا تـطـيـقـــي
تبينت لــي كــنها شــمــس الإشـــــراق

وانا ليامن شفـــت الجفا من رفيقي
وصــار الامـل حــبرٍ علـى بيض الاوراق

قابلت غلــطــاته بوجـــهٍ طليــقــي
ونظرت لــه نــــظرة مـــحبٍ ومشتـــاق

أعطيه حتى من منامه يـــفيــقــي
لا كلمته سمّــــعت ولا خــــاطرٍ ضــــاق

حتى يعرف اني رفيقٍ حــقيـقــي
وليا انحرف ماهوب على باب الارزاق

يروح في دربه وانا في طريقــي
من خلـــقت الدنيا بها جمـع وافــراق

علي بيبان الفرج ما تـضيـقـــــي
أسوقـــها في كــل ديــره وتنســاق

وابعد عن اللي رفقته ما تليــقــي
مـــاني علــى جنبه معلــّق بمـــعــلاق

ياكثر مالي في الدير من صديقي
لا بــــارت العــمله وشحّـــن الاســـواق

صـداقـةٍ تبنا بســاس ٍ وثيــقـــي
لا عقربٍ تلــدغ ولا مــــوس حـــــلاق

[فـارس الدغيـلبي]

مشكور جدااااااا على هذه الابيات الاكثر من رائعه وهذا الشاعر من الشعراء القلايل الذين يحلقون خارج سرب شعراء هذا الزمن

[فرهودي]

ابوسياف
الله يسعدك
لاهنت.....

ومشكور حيل على هالقصايد..
وابوجميل .. الله يطول بعمره .. من ابرز الشعراء في المحاورة والنظم
وقصائده يغلب عليها النصح ويتخللها الحكم..

[((الدلبحي))]

تسلم يمناك

وصح السانك والسان ابوجميل

تقبل تحياتي

[دريد ابن الصمة]

اخوووي ابو سايف

سلمت يمينك على النقل الرائع وبيض الله وجهك .


وابو جميل من عباقرة الشعر الشعبي نظما كان او محاوره


الف تحيه لك ...........

دريد ابن الصمه

[ابو ماجدالمرشدي]

اخوي ابو سياف بيض الله وجهك والله على ها النقل والاختيار

الرائع لشاعرنا الكبير ابو جميل



واقول الله يطولنا في عمره انشاء الله


وسلمت يمينك ولاهنت يابو سياف

[ولد روق]

رشيد الزلامي ..ابو جميل ..
شاعر يختزل الابداع ..
وتحتضن قصائده الحكمة والبلاغة ..

أخوي :ابوسايف العتيبي لقد احسنت الاختيار ..
ونطمع في المزيد من روائع أبو جميل ..

تحياتي ..

[سلطان الكريزي]

اخويه ابوسياف نشكرك علي اطروحانك الجميله

وابو جميل فخر ونعتز به

[ابوسايف العتيبي]

ياموّزع النعم خل النعم لاصحابه
النعم ما يعطى الا للي يسـتحقونه
النعم يعطى لرجلٍ فاتحٍ بابـــه
للضيف واليا حـــداهم حــال يلقونه
اللي ليا جا لزومه يبين مضرابه
ســــيف تحـــده لزومـه مايـــحدونه
والا الردي لاتقول ونعم يضرابه
يرهي على نعم وهو قـــــاصرٍ دونه
لاقلت له نعم جاك يفتل اشنابه
يحسبك صادق مايدري النعم وشلونه
يطمح بشي يموت الخبل ماجابه
ثم قال انا جبت نعم اللي يـــــقولونـه
بعض البشر يحلمون احلام كذابه
ومن لا عرف قدره نفسه عد طبــلونــه
يجيك مسرع مايدري ويش يبلابه
من قلت العرف مايمشي علـى هــــونـه
اما على اقرب قريب إشتال مشعابه
والا على الغافلين استل مســـــــنونـه
تناول الغايبين وكثروا أحزابه
اللي على قلت الخيره يـــــدفّــــــونـه
واهل العقول سكتوا ماقالوا الجابه
لاينقصونه بشي ولا يــــزيــــدونـــــــه
قالوا هذا فيه عاهه وابتلشنابه
والاهذا فيه شيٍ مـــايعرفــونـــــــــــه