محاوره قويه نار بين حبيب العازمي و عيضه الثبيتي

[حالد جزاء]

محاوره قويه نار بين حبيب العازمي و عيضه الثبيتي

--------------------------------------------------------------------------------

عــيــضــه الـثـبـيــتــي
يامرحبا والليالي بيـض مثـل النهـار
لولا غلا أهل المعـزه مـا تعبنـا لهـا
ياحبيّب العازمـي يامطـول الأنتظـار
أهل المعرفْه مـن العـام اتحـرا لهـا

حــبــيــب الــعــازمـــي
دام البقاء والليالي بيض والجـو حـار
وأيامنـا المقبلـه مـا نعلـم أحوالهـا
أنته من العام وأنتـه تنتظـر فالمطـار
والطائره فالمـدرج وأنـت تبـرا لهـا

عــيــضــه الـثـبـيــتــي
بيني وبينك ترى وجه الزمان استـدار
والصحبه الأوله ماهـي علـى حالهـا
هذا السنه تضرب الأرض ويطير الغبار
لِكن الأرض الصليبـه لا تحمـى لهـا

حــبــيــب الــعــازمـــي
وش رائك أنك تخليها ولا شـي صـار
بعض الهواجيـس فـال الله ولا فالهـا
أخشى نطق الحجر وأخشى يطيح الجدار
والسالفـه كلـهـا دلــه وفتجالـهـا

عــيــضــه الـثـبـيــتــي
حنّـا نمـد اليميـن ولا نمـد اليسـار
ونجازي الناس يابـن روق باعمالهـا
ما دامت أن الحريقه مبتداهـا شـرار
ياجعلها في طـرف غترتـك وعقالهـا

حــبــيــب الــعــازمـــي
يابن معيوض ترىماهي بـرد اعتبـار
الله يخلـي رجـال الحـرب لرجالهـا
ماتكتب الشرهه الا فوق رؤس الكبـار
وأن كان ماهي بيمّـك لا تحـرى لهـا

عــيــضــه الـثـبـيــتــي
ماعقب عيدالضحيه غير رمي الجمـار
ياربعنا اللّي غضبهـا يقطـع أرسالهـا
الله يعينك على بعض الحقـوق الكبـار
لين الحمول الثقيلـه تبـرك أجمالهـا

حــبــيــب الــعــازمـــي
ياربعنـا لا تثيـرون الفتـن فالديـار
الفتنـه النائمـه لا تصحـي عيالـهـا
أبوك قاضي وأنا راضي وهات القـرار
يمكن تعـوّد عـلاك وكيـف تشتالهـا

عــيــضــه الـثـبـيــتــي
حنّا نعـز الجـدار ولا نهـدم الجـدار
والشجره اللّي تظلـل نعـرف ظلالهـا
يمكن يطيح الجبل من شـدة الأنفجـار
والشرهه اللّـي علاكـم حـط معدالهـا

حــبــيــب الــعــازمـــي
الظاهر أنك شبكت الطار والطـار طـار
مابقـي الا تطيـح الدلـو وحبالـهـا
الشرهه اللي لها قيمه جزاهـا اعتـذار
والشرهه الثانيـه حتـى عـذر مالهـا

عــيــضــه الـثـبـيــتــي
يامقصرين الطوال مطوليـن القصـار
اليا تعدوت لـي القـوم اتعـدوى لهـا
بعض المعاذير مافيها يابن روق خـار
مكثـر معاذيركـم واقـول يبغـى لهـا

حــبــيــب الــعــازمـــي
مابيننـا للعـداوه حــج ولاّ مــزار
وأن كان هذي علومـك جـوّد أقفالهـا
ياعيضه الدرب واضح لا تعكس المسار
اللحيه اللّي ماتقبل عـذر عـزى لهـا

عــيــضــه الـثـبـيــتــي
يا سيل وادي مسرّه كيف تنحي شهـار
لعلهـا مايخـيّـل فـوقـك خيالـهـا
القرص فوقه عسل صافي ولا هو قفار
مافيه حيلهـا يابـن عيـزوم تحتالهـا

حــبــيــب الــعــازمـــي
الأوديه كلهـا تنحـي ومعهـا حجـار
مير الشعيبين لا تنـزل علـى جالهـا
ارد من كلمتي واربط عليهـا الـزرار
أخاف مـن شرهـة الدنيـا وعقالهـا

عــيــضــه الـثـبـيــتــي
اللي يسوق الجمل واللي يسوق القطار
كله علـى شـان يوصلهـا لميصالهـا
اطيّب حليب الغنـم ولاّ حليـب البكـار
جاوب على كلمتـي وتحصـل بدالهـا

حــبــيــب الــعــازمـــي
بعض المشاوير تطلع مثل لعب القمـار
واللّي مايدريبها وشلون يصحـى لهـا
ماني مصنف لبن وأنته لـك الاختيـار
واللّي يحلب الديـوس يحـددّ اشكالهـا

عــيــضــه الـثـبـيــتــي
لن كان تبغى الحقيقه كلهـا بأختصـار
ترى قصار الدروب أطيّب من طوالهـا
يبى يصرّ الصخـل ولا يحّـن الحـوار
كله من اجل الديـوس وحالكـم حالهـا

[المرقاااب]

صح السنتهم ولاهنت على الطااروووق

[صاهود]

مجرم حبيب العازمي ماعلاه اغبار

ولازلت اراهن علي عيضه ان الله مده بالعمر وفكه من حركات المكاتب يبا يظهر صراحه معجبني شاعر

[انا الهيلا]

اشهد بالله ان معني عيضه غزيررررررررررررر ولاهان ابوفيصل
كثرو من محاورات عيضه ياهل الطايف

[العفريت]

الله الله الله


شكرا على المحاورة الرائعه

محاوره قمه وفتل ونقض

لاهنت على المحاوره


ولاهانوا الشاعرين

[شوباش]

عندما يتقابل ابا الفيصلان يبقى الفيصل هو الابداع
حبيب غني عن التعريف والاشاده
وعيضه الثبيتي شاعر كبير واكاد اجزم بأنه من افضل الشعراء الشباب ان لم يكن افضلهم لكن الاعلام والجمهور يسعى وراء الالحان والشعراء المطربين
شكرا عيضه شكرا حبيب

[ولدعساف]

صح لسان أبوفيصل:

حــبــيــب الــعــازمـــي
يابن معيوض ترىماهي بـرد اعتبـار
الله يخلـي رجـال الحـرب لرجالهـا
ماتكتب الشرهه الا فوق رؤس الكبـار
وأن كان ماهي بيمّـك لا تحـرى لهـا

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[ماجد العصيمي]

محراف رائع

بحضور الكنق وتألق عيضه