الســــلام عليــكم ورحمة الـله وبركــاته
إليكم هذه القصيدة المتواضعه ومناسبتها
مره من المرات كنت مسافر من الطائف الى الرياض
مع ولد عمي في سيارته وهي ددسن غمارة ( رمز الفقر ) هههههههه
ووقفنا في محطه بأخر ظلم نعبي بنزين وشفنا الي شفناه وصار بالامور امور
والقصيدة تكمل الباقي:- والمعذررة على القصور
من عقب ظلم بحول عشرٍ من الميل = مرت علي الكامري واهبلتني
اللون كحلي والمراتب محاميل = وطارت بعيني وحده واشلعتني
وذكرت ماقال المثل علها السيل = وطار الفؤاد وصدفة الحب جتني
والسايق الماخوذ ورعٍ مهيبيل = شغل فلاشات الضباب وشطفني
والهاجري سلطان مرفوع بالحيل = في مسجلٍ عندي ونظمه سلبني
وناظرت فالسواق قلت ادعس اليل = قال البلا الموتر ثقيل وفضحني
وثبت على الميتين ثم شالها شيل = لاروحتٍ فيها ولا موصلتني
والكامري روح وغبط لها حيل = وتابعتها لين السراب اجهرتني
تحياتي متعب العالي
05-Oct-2009, 02:10 PM
صدفة الحب
العرض الشجري