بسم الله الرحمن الرحيم
هذه قصيدة الشاعر / محمد عبدالرحمن الايداء المورقي بمناسبة سلامة الامير / سلطان بن عبدالعزيز ال سعود حفظه الله
بين سيفين العدالة, والرجا, والمقدريّـه=غنّت حروف القوافي/ للبـلاد الطاهـره
البلاد اللي ثراها ريح مسك , وجاونيّـه=جمّعت كل المعالم في حضـاره زاهـره
خصّها الرحمن بالمبعوث رحمه للبريّـه=وأصبحت دولة سلام ٍ للمعـادي قاهـره
مايضيع الحق فيها واسجعي يالراعبيّّـه=دام حاكمها بناها فـي سياسـه ماهـره
المليك الشهم عبد الله أبو كـف ٍ نديّـه=لحتما الميقاف سيفه فالـوازم شاهـره
وأنت ياسلطان سلطان المواقف والحميّه=السياسه نسج فكرك والدلايـل ضاهـره
سادت افضالك يابو خالد على كل الرعيّه=وبل جودك بالخفا عم الديـار الداهـره
الرجا في كم بشتك يا عسى أيامك مديّه=يوم نامت عين خلق الله عيونك ساهره
احَمد الله بالسلامه جيتك عيد الضحيّـة=قلتها وأقولها مـادام صوتـي جاهـره
لو يشال السقم شلته عنك يا زبن الونيّه=لجل قلب ٍ من غلاكم طول بعدك صاهره
| التوقيع |
|
حسابي في تويتر
faheed_1234 |
« آخـــر الـــمـــشـــاركــــات »
01-Oct-2009, 08:13 AM
قصيدة الشاعر/ محمد عبدالرحمن المورقي في (سلامة سلطان)
العرض الشجري