طلب قصيده

[سلطان نايف العضياني]

وجدت في أحد أشرطة الشاعر رشيد الزلامي القديمه قصيده له
ردآ على قصيده لشاعر المعروف نمر بن صنت العتيبي
ولكن أبو جميل لم يأتي بقصيدة نمر بن صنت

وإنما إكتفى بتسجيل رده على نمر بن صنت

فآمل ممن يعرف قصيدة نمر بن صنت اللتي وجهها لزلامي أن يتحفنا بها.

هذا رد أبو جميل على قصيدة نمر
يقول

يانمر جاني منك بعض المكاتيب=وجددت بالشكوى عناك وعنايه
لو الهوى مافيه لهل الهوى عيب=اللي حصلك منه فيه الكفايه
وانا أحسبك عقب إمتلا عارضك شيب=تجوز من طرد المها والرمايه
لاشك أثر قلبك قريب المحاضيب=وقد صوبه رمح الهوى فالبدايه
وتبي القضا مير القضا عسر وتعيب=ألا ياكود الله هداهن هدايه
وان كان صابنك سهوم الخراعيب=قضيتي يانمر نفس الحكايه
أنا الذي مافيه شك ولا ريب=صبري نفذ والهم بيح خفايه
أسج واسهج عاليات المراقيب=واشرب وعيا يقطع الماء ضمايه
جرحي عطيب تضيع فيه الأطابيب=واختر عن بعض العلاج الوقايه
ولو من جرحني يلمس الجرح ويطيب=والله لتوب عن الهوى لنهايه
هذا وانا مالي عن العلم تجنيب=شكيتلي وانا محل الشكايه
إنكانها بالمال والا المطاليب=فانت إعتبرها ياحمر العين جايه
بالجاه عند اللي يعرف المواجيب=وبالمال عند اللي يحب الشوايه
واما المغازي دربها صعب وتعيب=الله جعل لناس منها حمايه
اليوم صار الضيف بأمر المعازيب=في دبرة اللي يحسنون الولايه
ولونها يوم السنين الشلاهيب=قلت لك إخذ قومك وخلك ورايه
ومن يشرب الفنجال يذبح تراحيب=والا يخشونه بكم العبايه
هذا وسلملي على معدن الطيب=طيب الأصل ماهوب طيبن دعايه
على فهد ستر البني الرعابيب=لاجاء نهارن مال شره درايه
نسل الحرار اللي بروس الشناخيب=صاغوا لهم في صفحة المجد رايه
طيور الفلاح مسممات المخاليب=صويبهم ماله بدنياه غايه
وبلغ فهد ستر البني الرعابيب=ودي بكم لن سير الله خطايه
واللي بحكمه تطلع الشمس وتغيب=إزيارته يانمر غاية منايه
لاشك تحداني ضروف ومواجيب=وعيت تجي يانمر على هوايه
وارجو إذا أرسلت بعض المكاتيب=إنك تجنب مايسبب عنايه

رشيد الزلامي

[ابن صنهوت]

ابو تايف جزل وما تجيب الا الجزل

صح السان ابو جميل وسلمت ياولد عاضي ايلوموني في غلاكم يالذيابه


وياليت اعرف قصيدة نمر ولكن للاسف يابو نايف واعدك بالبحث عنها

[سلطان نايف العضياني]

أبن صنهوت

حياك الله ومرورك يكفي لو ماجبت القصيده



هذا تعديل للبيت الثاني

لو الهوى مافيه لأهل الهوى عيب=اللي حصل لك منه فيه الكفايه