سلام رديه قديمه بس معناها جديد !!!

[الحوووووت]

السلام عليكم

سلام رديه قديمه بس معناها جديد=أقولها يوم أن بعض الناس لي ماقالها
ترى الليالي ياوجيه الخير تنقص ماتزيد=وأم الدواهي جتكم الليله تشيل عيالها

[عقاب العنزي]

يامرحبا ردية ٍ تاصلك والمعنى بعيد = لوكان بعض الناس نفس اشكالها وازوالها
انته عيونك للكويت ونيّتك يم الصعيد = متى محطكتم على العالم تبث ارسالها

[عقاب العنزي]

عليكم السلام


المعذره مانتبهت الا متأخر بالسلام

[عقاب العنزي]

الحوت نكمل غدا بإذن الله بسبب طلوع الفجر

تقديري

..

[الحوووووت]

الله الله أستلم ياعقاب

دام البقا والليله المعنى من النوع الفريد=وجنيهها ياصاحبي عيا يعدل ريالها
بكره على الشاشه نشوف ونسمع الراي السديد=لشفره الي وصلكم مفتاح فك أقفالها

[عقاب العنزي]

انته تقوله مار لا ذالحين ماشفت الرصيد = لكن شركة زين شرهتها على جوالها
بكره تزول المعظله والله يفعل مايريد = لكن كيف اعلوم بعض اصحابنا واحوالها !

[صاهود]

صحت الالسن والقلوب

والعيد علاكم مبارك

والطاروق ممتاز لايموت

[عقاب العنزي]

صح بدنك ياذيب وشرفتنا


صدقت المحاوره اذا ماهي مباشره مابها ثمره لكن يبدو اخونا الحوت عنده ظروف خارجه عن ارادته


تقديري

[الحوووووت]

كل عام وأنتم بخير وعيدكم مبارك

شفنا الرصيد الي تقوله وسط صندوق البريد=ثابت وغيرك كل ليله يدبلون أموالها
أثر ك في وسط السوق مثل الجن في جسم العبيد=العين غطاها الهدب وأنته تحرى أهلالها

[صاهود]

العين غطاها الهدب وانت اتحر اهلالها ------ هذا بيت مسعودي صح السانك