قصيدة غزلية لخلف بن هذال..

[فرهودي]

اخترت لكم هذه القصيدة الغزلية لشاعر الوطن

خلف بن هذال

ما للبكاء و الهم و الحزن داعي = صدّقت من قال المحبه ولاعه
ما خذت مدّه يصبح الصبح واعي =و العين ما نامت من الليل ساعه
عليك يا راع العيون الوساعي = سبيت عقلي بالدلّع و البراعه
القلب ماله غير لاماك راعي =ارعه رعاك الله عن كل راعه
لاماك ترجع بالقلوب الوجاعي = أنت الطبيب ولا طبيب الإشاعه
مليح يخشى من كلامٍ يذاعي =يظفي على نظم الجواهر قناعه
جذّاب نهّاب إلخده شعاعي =أغليه و اسرف فيه سر القطاعه
يلعب بقلبي لعب صفرا رباعي =سمعت طبول الحرب يوم الشجاعه
يلعب و يلعب لعب و أمره مطاعي= لعب الرضيع إليا روي من رضاعه
لو الهوى عند المحرج يباعي=بعته مثل حيّ زهد به و باعه
بغظك رميته بين سبع السباعي = و حبك زرعته في ضميري زراعه
كانك قطوع و عندك السر ضاعي= رد الوداعه لا تضيع الوداعه
و إن كان ناسي لك خصيم يداعي = إذكر زمانٍ فيه كنا جماعه
المشتري إليا اشترى ما يراعي =اللي يرعي مثل راع البضاعه
متى ايهيا للثنين اجتماعي=و نسكب على شهوات الأنفس طماعه
حالي من الهجران راحت ضياعي =لكن في الروح الشقّيه مناعه

فرهودي،،

[النمر المقنع]

القلب ماله غير لاماك راعي=ارعه رعاك الله عن كل راعه

اخوي فرهودي

الشاعر خلف
عانق السماء وزاحم السحب بقصائده
الوطنيه الحماسيه والشعبية وكذالك الغزليه
اذا غرد اسكت البلابل واذاغنى اطرب المحافل
واذا القى اتعب وادمع عيون الشاهد
تشكر على روعة الاختيار
بارك الله فيك /ودمـت بود

[داهية عتيبة]

الله الله




تسلك أخوي فرهودي



وصح لسان شاعر الوطن خلف هذال



تحياتي ..

[فرهودي]

النمر المقنع
لايشك عاقل فيما اسلفت ..
يعطيك العافية
----------------------------------------


داهية عتيبه
الله يسلمك..
شكرا على المرور...



فرهودي

[الجزل]

صح لسان شاعر الوطن : خلف بن هذال

واعطاه الله الصحة و العافيه


ولاهنت على نقلك الرآئع

تقبل مروري