النفس وطواريها

[زيد الرايز]

	النّفس لي مدة كثرة طواريها = متكدّره والهموم كثار وثقالي طواري من أمور حاير فيها = منها التّعاسه بدت تظهر على حالي بانت بوجهي وبأحوالي مواريها = وعلى فؤاد رعاه الغبن عزالي رعي الدّبا في فياض لا نزل فيها = وأمحل رباها وعشب رياضها شالي ما من طرب للمثايل يوم أغنيها = أبي الزّعل عن عزوم النّفس ينجالي يا الله يا فارج الكربه تسوّيها = لين أنها تعتدل وتزين بأقبالي حيث المودّة دنت مع ناس نغليها = صارت حقيره ولا توزن بمثقالي ناس على ما أتصور ذكر طاريها = يجلى عن الحال ضعف ونحل وهزالي ما كنت أظنّ أنّ راعي الحكي يغويها = ويفرّق المجتمع خبل وجهالي إلين شفت الشّكالة غاب شاريها = وبيعت زهيدة وسوق أصنافها غالي تغيّر الوقت ما أدري النّاس جاء فيها = لجّة ورجّه وضعف أيمان وهبالي لا عاد حتى الصّراحه ما نلاقيها = ولا هي بتوجد مع الأقصين وموالي مفقودة ما أحد تلقاه يطريها = في مجتمع من سلوا بالقيل والقالي في قوم تنفخ لغبها مع علابيها = يومين ترضى وباقي الوقت زعالي نسيت سلوم العرب والعز ناسيها = الحسد والحقد فوق كبودها كالي شيء تحطّه تجاره من دواديها = وشيء لها فيه مطلاع ومدخالي من قطرة الماء تسيّل بطن واديها = ومن حبّة الخردلة تبني لها جبالي فهذي نصيحه لذولا النّاس مهديها = نصيحة من قريحة شاعر قالي يا قوم عفّوا عن النّمة وأهاليها = الله يزيّن لكم تصريف الأعمالي الهرجة أللي تجيكم مع مودّيها = تأكّدوا قبل ما تلقوا لها بالي ولأهل القرابه حقوق وصّلوا فيها = ترى القطاعه نفاد الحال والمالي والحرص من لطمة للعين تعميها = تروح الأجيال في غلطات من عالي يا قوم للنّفس وازعها وهاديها = الدّين حصن منيع فيه مقيالي يبعد عناء النّفس ويهذّب مباديها = ما تعتمل بالغشش تطفيف الأكيالي وصلاة ربي تختّم به معانيها = على محمّد عدد ما هلّ همّالي زيد بن محمد الرايز

[أخو جوزا]

صح لسانك يابومحمد

وجزل من جزل

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[زيد الرايز]

اخو جوزاء

صح بدنك وما عليك زود

تشرفت بمرورك><

[عبدالله العضياني]

صح لسانك يا ابن رايز



جزل يالذيب


تقبل مروري

[سيف عنزه]

صح لسانك

وبيض الله وجهك

[زيد الرايز]

المشاركة الأصلية كتبت بواسطة عبدالله العضياني

صح لسانك يا ابن رايز



جزل يالذيب


تقبل مروري

صح بدنك يا عبدالله

عساك ذخر

اسعدني تواجدك

><

[زيد الرايز]

المشاركة الأصلية كتبت بواسطة سيف عنزه

صح لسانك

وبيض الله وجهك

صح بدنك

ووجهك أبيض يا طيب

سعدت بتواجدك ومشكور


><

[سيف نت]

في قوم تنفـخ لغبهـا مـع علابيهـا
يومين ترضى وباقي الوقت زعالـي



صح لسانك

[زيد الرايز]

المشاركة الأصلية كتبت بواسطة سيف نت

في قوم تنفـخ لغبهـا مـع علابيهـا
يومين ترضى وباقي الوقت زعالـي



صح لسانك

صح بدنك وعاش رأسك

اسعدني مرورك


><

[بندر المرشدي]

صح لساااااااانك يازيد

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه