الله من عين طرقها صواديف

[كاسر الحايم]

الله من عينن طرقها صواديف = عميت ويبسن العروق الصخافي
شفت الوزا بالعين من عرض ماشيف = شفته وغيري من فطله وشافي
وقت تغير فيه حتى العواصيف = جا في عواصيف الرياح اختلافي
شره قناطيرن وخيره مقاطيف = يفطن اله أللي يرضع الديد غافي
كم واحدن جاله زمانه على الكيف = واغترته نفسه يبا الجود وافي
يطلع مطاليع العلى بالسواليف = بين العذارى عد روحه سنافي
يفرح بهرجن بالقفا ويكره الضيف = قتات والقتات بالنار هافي
يعلق قصيره علقة النار بالليف = عيل ولد عيل زنوده اضعافي
ان رخصت الحذوه توقا عن الحيف = وان غليت الحذوه مشا اللاش حافي
يرقد ويلحق والدينه تخاليف = دايم ومرقد ميت النار دافي
هو مادرى ان الجود يبغا تكاليف = سهر الليالي مقبلات ومقافي
يبغا يدينن للعطايا مغاريف = ويبغا رجولن ماتمل الوقافي
والصبر بنحور السنين الشواحيف = اللي قساهن مثل حد الرهافي
مايقدرون الجود سود الاطاريف = امخاشرة بيض النساء باللحافي
يقدر علاه اللي حكم نجد بالسيف = واودع مباغيض القبايل ولافي
عبد العزيز اللي يبث المصاريف = يجدع قناطير الذهب بالفيافي
يمشي على دربه جموع مراديف = نون تنثر ماه والجو صافي
تشدي لواقيط الزبيدي بعد ريف =مما كسا البيدا تفيد الضعافي

[فيصـل العضياني]

القصيده ماطلعت اخوي الحايم

الرجاء التأكد