سقاك السيل ياعــــــــــرعــــــــــر

[ابومتعب الرويس]

حبيت الابيات وحبيت تقرونها

الا ياهـم ماترحـل دخيلـك خلنـي ارتـاح
تعبت اسوق خطواتي علـى سكـة مشاويـرك
صحيح ان الصبر طيب ولكن سدي اللي بـاح
تعذب من كثر صبـره ولا جتنـي تباشيـرك
احاول اكتمك ياهـم ولكـن الاثـر فضـاح
كذا من دون لا اشعر على وجهـي تعابيـرك
انا مدري وش اللي صايرن في حظي اللي طاح
متـى ياحظـي تنهضلـي وتترنـم عصافيـرك
سقاك السيل ياعرعر يانبع(ن) بالكـرم نضـاح
عسى وبل الحيا يسقيـك وتتفتـح نواويـرك
عساك بخير ياعرعر ياطيب(ن) دايم(ن) فـواح
يفوح العطر مـن وردك ولاهانـت مزاهيـرك
عساك بخير ياعرعر ياطيف(ن) ثابت(ن) مـاراح
يمـر بخاطـري دايـم وتاخذنـي تفاكـيـرك
ولامنـي تذكرتـك تـرا همـي وحزنـي زاح
اجل وشلون ياجيتك وعشت العمر في خيـرك
اشوف اخطاي تاخذني ولاادري وين هالمـرواح
اثاري خطوتي غصب(ن) توديني علـى سيـرك
على كف الامل جالس واشوف ان الامل سواح
يمـر ديـار وديـارن يبديهـا علـى غيـرك
حزين وهمي يكتبني وقلبي عايـش(ن) نـواح
يعد ايـام هالغربـه عسـى تاتـي تباشيـرك



لشاعر/عقيل العنزي

[سيف عنزه]

الله يعطيك العافيه

صح لسان شاعرها وبيض الله وجهك على النقل

[ابومتعب الرويس]

هلابك يالغالي منور الصفحه

[خالد الرويسي]

اميـــــــــــــن

[ابومتعب الرويس]

منور يالغالي
وانا والله مو من اهل عرعر بس اغليها من غلاء واحدن فيها